БЫЦЦЁ 1:9 - Біблія (пераклад В. Сёмухі)

І сказаў Бог: хай зьбярэцца вада, якая пад небам, у адно месца, і хай явіцца суша. І сталася так.

Біблія (пераклад А.Бокуна)

І сказаў Бог: «Няхай зьбяруцца воды, якія пад небам, у адно месца, і няхай зьявіцца сухазем’е». І сталася так.

Кнігі Святога Пісання - Біблія - Біблія — пераклад Чарняўскага (выданне 2017 года)

Сказаў зноў Бог: «Хай збяруцца воды, якія пад небам, у адно месца, і хай з’явіцца сухмень». І сталася гэтак.

БЫЦЦЁ 1:9 Крыжаваныя спасылкі

БЫЦЦЁ 1:8

І назваў Бог цьвердзь небам. І быў вечар, і была раніца: дзень другі.

НЭЭМІІ 9:6

І сказаў Эздра: Ты, Госпадзе адзіны. Ты стварыў неба, нябёсы нябёсаў і ўсё войска іх, зямлю і ўсё, што на ёй, моры і ўсё, што ў іх, і Ты жывіш усё гэта, і нябесныя войскі Табе пакланяюцца.

ЁВА 26:10

Рысу правёў над паверхняю вады, да межаў сьвятла зь цемраю.

ЁВА 26:7

Ён расхінуў поўнач над пустатою, павесіў зямлю ні на чым.

ПСАЛТЫР 104:3

Хвалецеся імем Ягоным сьвятым; хай цешыцца сэрца ў тых, хто шукае Госпада.

ПСАЛТЫР 33:7

Вось убогі паклікаў, - і Гасподзь пачуў і ўратаваў яго ад усіх ягоных бедаў.

ПСАЛТЫР 95:5

Бо ўсе багі народаў - ідалы, а Гасподзь нябёсы стварыў.

ЭКЛЕЗІЯСТА 1:7

Рэкі ўсе ў мора плывуць, а мора не перапаўняецца; да месца таго, адкуль рэкі плывуць, вяртаюцца зноў, каб далей пацячы.

ЕРАМІІ 5:22

Мяне вы ці не баіцеся, кажа Гасподзь, перад Мною ці ня трымціце? Я паклаў пясок, граніцаю мору, вечнаю мяжою, якую не пяройдзе; і хоць хвалі яго імкнуцца, але пераадолець ня могуць; хоць яны бушуюць, але пераступіць яе ня могуць.

ЁНЫ 1:9

І ён сказаў ім: «я - Габрэй, шаную Госпада Бога нябёсаў, Які стварыў мора і сушу».

2 ПЯТРА 3:5

Тыя, што думаюць так, ня ведаюць, што на пачатку словам Божым нябёсы і зямля складзены з вады і вадою:

АДКРЫЦЦЁ 10:6

і прысягаў Тым, Які жыве ва векі вечныя, Які стварыў неба і ўсё, што на ім, зямлю і ўсё, што на ёй, і мора і ўсё, што ў ім, - што часу ўжо ня будзе;