2 ЦАРСТВАЎ 19:43 - Біблія (пераклад В. Сёмухі)

І адказвалі Ізраільцяне мужам Юдавым і сказалі: мы дзесяць частак у цара, таксама і ў Давіда мы болей, чым вы; навошта ж вы прынізілі нас? ці ня нам належала першае слова пра тое, каб вярнуць нашага цара? Але слова мужоў Юдавых было мацнейшае, чым слова Ізраільцянаў.

Біблія (пераклад А.Бокуна)

І адказалі ўсе людзі Юды людзям Ізраіля: «Бо валадар нам бліжэйшы. Чаму вы лічыце гэта ліхім для вас? Ці мы зьелі што ў валадара? Ці мы забралі [нешта] для сябе?»

Кнігі Святога Пісання - Біблія - Біблія — пераклад Чарняўскага (выданне 2017 года)

І адказалі ізраэльцы людзям Юды, і казалі: «Дзесяць частак маем мы ў цара, і таму таксама і ў Давіда. Мы лепшыя за вас; чаму вы пагарджаеце намі? Хіба не мы першыя сказалі слова, каб вярнуць цара нашага?» Але слова юдэйцаў было мацнейшым, чым слова ізраэльцаў.

2 ЦАРСТВАЎ 19:43 Крыжаваныя спасылкі

2 ЦАРСТВАЎ 19:14

І схіліў ён сэрца ўсіх Юдэяў, як аднаго чалавека. І паслалі яны да цара сказаць: вярніся ты і ўсе слугі твае.

2 ЦАРСТВАЎ 19:9

І ўвесь народ ва ўсіх плямёнах Ізраілевых спрачаўся і казаў: цар вызваліў нас з рук ворагаў нашых і вызваліў нас з рук Філістымлянаў, а цяпер сам уцякаў зь зямлі гэтай ад Авэсалома.

2 ЦАРСТВАЎ 20:1

Там выпадкова быў адзін нягодны чалавек, імем Савэй, сын Біхры, Веньямініцянін; ён затрубіў у трубу і сказаў: няма нам часткі ў Давідзе, і няма нам долі ў сыне Есэевым; усе па намётах сваіх, Ізраільцяне!

2 ЦАРСТВАЎ 20:6

Тады Давід сказаў Авэсу: цяпер наробіць нам ліха Савэй, сын Біхры, больш, чым Авэсалом; вазьмі ты слуг гаспадара свайго і перасьледуй яго, каб ён не знайшоў сабе ўмацаваных гарадоў і ня зьнік з вачэй нашых.

2 ЦАРСТВАЎ 5:1

І прыйшлі ўсе плямёны Ізраілевыя да Давіда ў Хэўрон і сказалі: вось, мы - косьці твае і плоць твая;

3 ЦАРСТВАЎ 12:16

І ўбачылі Ізраільцяне, што цар не паслухаўся іх. І адказаў народ цару і сказаў: якая нам доля ў Давідзе? няма нам долі ў сыне Есэевым; па намётах сваіх, Ізраіле! цяпер ведай свой дом, Давідзе! І разышоўся Ізраіль па намётах сваіх.

ВЫСЛОЎІ 13:10

Ад пыхі паходзіць разлад, а ў тых, што раяцца, - мудрасьць.

ВЫСЛОЎІ 15:1

Лагодны адказ злагоджвае гнеў, а слова абразьлівае будзіць лютасьць.

ВЫСЛОЎІ 17:14

Пачатак свары - як прарыў вады; пакінь свару раней, чым разгарыцца яна.

ВЫСЛОЎІ 18:19

Азлоблены брат няпрыступнейшы за моцны горад, і свары падобныя на замкі замка.

РЫМЛЯНАЎ 12:21

Ня будзь пераможаны злом, а перамагай зло дабром.

ГАЛЯТАЎ 5:15

Калі ж паміж сабою грызяцеся і ясьце адно аднаго, дык глядзеце, каб не панішчылі вы адно аднаго.

ГАЛЯТАЎ 5:20

ідаласлужэньне, чарадзейства, варожасьць, свары, зайздрасьць, гнеў, звады, раздоры (спакусы), ерасі,

ГАЛЯТАЎ 5:26

Ня будзем пустаславіцца, адно аднаго дражніць, адно аднаму зайздросьціць.

ПІЛІПЯНАЎ 2:3

нічога не рабеце зь перакорлівасьці альбо дзеля марнае славы, а ў пакорлівай мудрасьці ўважайце адно аднаго вышэй за сябе.

ЯКАВА 1:20

бо гнеў чалавечы ня творыць праўды Божай.

СУДЗЬДЗЯЎ 8:1

І сказалі яму Яфрэмляне: навошта ты гэта зрабіў, што не паклікаў нас, калі ішоў ваяваць з Мадыяніцянамі? І моцна пасварыліся зь ім.

СУДЗЬДЗЯЎ 9:23

І паслаў Бог злога духа паміж Авімэлэхам і жыхарамі Сіхема, і перасталі карыцца жыхары Сіхемскія Авімэлэху,