ЭСТЭР 5:4 - Біблія (пераклад А.Бокуна)

І сказала Эстэр: «Калі доб­ра для валадара, няхай прый­дзе валадар і Аман сёньня на гасьціну, якую я прыгатавала яму».

Біблія (пераклад В. Сёмухі)

І сказала Эстэр: калі цару заўгодна, хай прыйдзе цар з Аманам сёньня на гасьціну, якую я прыгатвала яму.

Кнігі Святога Пісання - Біблія - Біблія — пераклад Чарняўскага (выданне 2017 года)

Яна ж адказала: «Калі гэта падабаецца цару, прашу прыйсці да мяне сёння разам з Аманам на застолле, якое я прыгатавала».

ЭСТЭР 5:4 Крыжаваныя спасылкі

БЫЦЦЁ 27:25

I сказаў: «Дай мне, і я буду есьці дзічыну, сыне мой, каб дабраславіла цябе душа мая». I ён даў яму, і ён еў; і прынёс яму віна, і ён піў.

БЫЦЦЁ 32:20

і скажаце таксама: “Вось, слуга твой Якуб [ідзе] за намі”». Бо ён казаў: «Умалю аблічча ягонае дарам, які ідзе перада мною, і потым убачу аблічча ягонае. Можа, ён узьніме аблічча маё».

ЭСТЭР 1:9

Таксама Вашці валадарка справіла банкет для жанчынаў у доме валадарскім, які [належаў] валадару Ахашвэрошу.

ЭСТЭР 3:15

Ганцы выйшлі, сьпяшаючыся паводле слова валадара, і закон быў абвешчаны ў Шушане сталіцы. І валадар і Аман селі, каб піць, а горад Шушан быў у замяшаньні.

ЭСТЭР 5:3

І сказаў ёй валадар: «Што табе, валадарка Эстэр, і якая просьба твая? Нават палова валадарства будзе дадзена табе».

ЭСТЭР 5:5

І сказаў валадар: «Прысьпешце Амана, каб зрабіць паводле слова Эстэр». І прыйшоў валадар і Аман на гасьціну, якую прыгатавала Эстэр.

ЭСТЭР 5:8

Калі я знайшла ласку ў вачах валадара, і калі добра для валадара паслухаць жаданьне маё і зрабіць паводле просьбы маёй, няхай прыйдзе валадар і Аман на гасьціну, якую я зраблю ім, і заўтра я зраблю паводле слова валадара».

ПСАЛТЫР 112:5

Добра чалавеку, які літуецца і пазычае, які справы свае вядзе згодна з судом.

ВЫСЛОЎІ 29:11

Дурань выяўляе ўвесь свой дух, а мудры затрымлівае яго на пазьней.

1 КАРЫНФЯНАЎ 14:20

Браты! Ня будзьце дзецьмі розумам; на благое будзьце немаўлятамі, а розумам будзьце дасканалымі.