ПСАЛТЫР 124 - Біблія (пераклад А.Бокуна) Біблія (пераклад А.Бокуна)
ПСАЛТЫР 124

¹ Сьпеў узыходжаньня. Давіда. Калі б не было з намі ГОСПАДА, — скажы, прашу, Ізраіль, —

² калі б не было з намі ГОСПАДА, калі паўстаў супраць нас чалавек,

³ тады яны б нас жывымі праглынулі, калі гнеў іхні распаліўся на нас,

⁴ тады б воды нас затапілі, струмень заліў бы душы нашыя,

⁵ тады б воды бурлівыя залілі б душы нашыя.

⁶ Дабраслаўлёны ГОСПАД, Які не аддаў нас зубам іхнім, як здабычу.

⁷ Душа наша ўцякла, быццам птушка з сіла птушкалова; сіло парванае, і мы ўцяклі!

⁸ Дапамога нашая — у імені ГОСПАДА, Які стварыў неба і зямлю.