1 ЦАРСТВАЎ 2:18 - Кнігі Святога Пісання - Біблія - Біблія — пераклад Чарняўскага (выданне 2017 года)

Самуэль жа служыў перад абліччам Госпада, як паслугач, апрануты ў ільняны эфод.

Біблія (пераклад А.Бокуна)

А Самуэль служыў перад абліччам ГОСПАДА як хлопец, апрануты ў ільняны эфод.

Біблія (пераклад В. Сёмухі)

А хлопчык Самуіл служыў прад Госпадам, надзяваючы ільняны наплечнік.

1 ЦАРСТВАЎ 2:18 Крыжаваныя спасылкі

2 ЦАРСТВАЎ 6:14

і скакаў Давід з усёй сілы перад Госпадам. А быў апрануты Давід у льняны эфод.

1 ЛЕТАПІСАЎ 15:27

А Давід быў апрануты ў плашч з вісону, ды падобна ўсе левіты, якія неслі каўчэг, і спевакі, і Хананія, кіраўнік тых, хто нёс каўчэг, — прытым Давід быў апрануты таксама ў ільняны эфод —

ВЫХАД 28:4

А шаты, што яны справяць, хай будуць такія: нагруднік і эфод, туніка і тканая кашуля, тыяра і пояс. Хай справяць святыя шаты брату твайму Аарону і сынам яго, каб служылі яны Мне святарамі;

ЛЯВІТ 8:7

усклаў на святара шаты льняныя і падперазаў яго поясам ды адзеў на яго верхняе фіялетавае адзенне, і наверх усклаў эфод:

1 ЦАРСТВАЎ 14:3

І Ахія, сын Ахітуба, брата Іхабода, сына Пінхаса, які нарадзіўся ад Гэлі, святара Госпада ў Сіло, насіў тады эфод. Але і народ не ведаў, што Ёнатан пайшоў.

1 ЦАРСТВАЎ 2:11

І вярнуўся Элькана ў Раму, у дом свой. А хлопчык быў паслугачом перад абліччам Госпада пад наглядам Гэлі, святара.

1 ЦАРСТВАЎ 2:28

І паміж усіх пакаленняў Ізраэля выбраў яго Сабе ў святары, каб прыходзіў да ахвярніка Майго і спальваў для Мяне ахвяру, і насіў перад абліччам Маім эфод; і Я даў дому бацькі твайго ўсё з ахвяр сыноў Ізраэля.

1 ЦАРСТВАЎ 22:18

І сказаў цар Даэгу: «Ты ідзі і ўдар святароў». І Даэг ідумеец, пайшоўшы, ударыў святароў; і знішчыў у той дзень восемдзесят пяць чалавек, апранутых у льняны эфод.

1 ЦАРСТВАЎ 3:1

А юнак Самуэль служыў Госпаду пад наглядамі Гэлі. І слова Госпада было рэдкім у тыя дні; з’яўленне Бога не было частым.