3 ЦАРСТВАЎ 2:23 - Біблія (пераклад В. Сёмухі)

І прысягнуў цар Саламон Госпадам, кажучы: тое і тое хай зробіць са мною Бог і яшчэ болей зробіць, калі не на сваю душу сказаў Аданія такое слова;

Біблія (пераклад А.Бокуна)

І прысягнуў валадар Салямон на ГОСПАДА, кажучы: «Няхай гэта зробіць мне Бог, і гэта дадасьць, калі ня супраць душы сваёй сказаў Адонія слова гэтае.

Кнігі Святога Пісання - Біблія - Біблія — пераклад Чарняўскага (выданне 2017 года)

Дык прысягнуў цар Саламон Госпадам, кажучы: «Хай адно мне дасць Бог і другое дадасць; напэўна, на загубу жыцця свайго сказаў Адонія гэтае слова.

3 ЦАРСТВАЎ 2:23 Крыжаваныя спасылкі

2 ЦАРСТВАЎ 19:13

І Амэсаю скажэце: ці ня косьць мая і цела маё - ты? Хай тое і тое зробіць са мною Бог і яшчэ болей зробіць, калі ты ня будзеш ваеначальнікам пры мне, замест Ёава, назаўсёды!

2 ЦАРСТВАЎ 3:35

І прыйшоў увесь народ прапанаваць Давіду хлеба, калі яшчэ быў дзень; але Давід прысягнуў, кажучы: тое і тое хай зрабіць са мною Бог і яшчэ болей зробіць, калі я да захаду сонца скаштую хлеба альбо чаго-небудзь.

2 ЦАРСТВАЎ 3:9

Тое і тое няхай зробіць Бог Авэніру і яшчэ болей зробіць яму! Як прысягаў Гасподзь Давіду, так і зраблю яму:

3 ЦАРСТВАЎ 19:2

І паслала Езавэль пасланца да Ільлі сказаць: няхай тое і тое зробяць мне багі і яшчэ больш зробяць, калі я заўтра да гэтага часу не зраблю з тваёю душою таго, што зроблена з душою кожнага зь іх.

3 ЦАРСТВАЎ 20:10

І прыслаў да яго Вэнадад сказаць: хай тое і тое зробяць мне багі і яшчэ больш зробяць, калі пылу Самарыйскага хопіць па прыгаршчах усім людзям, якія ідуць за мною.

4 ЦАРСТВАЎ 6:31

І сказаў: няхай тое і тое зробіць мне Бог, і яшчэ болей зробіць, калі застанецца галава Елісея, сына Сафатавага, на ім сёньня.

ПСАЛТЫР 140:9

Ахавай мяне ад пастак, пастаўленых на мяне, ад цянётаў беззаконцаў.

ПСАЛТЫР 64:8

Хто таймуе гул мораў, плёскат іхніх хваляў, і бунт народаў!

ВЫСЛОЎІ 20:2

Пагроза царовая - нібы рык ільва: хто дражніць яго, той грэшыць супроць самога сябе.

ЭКЛЕЗІЯСТА 10:12

Слова з вуснаў мудрага - мілата, а вусны дурнога яго ж і нішчаць:

ЛУКАША 19:22

Гаспадар сказаў яму: тваімі вуснамі судзіцьму цябе, ліхі раб! ты ведаў, што я чалавек жорсткі, бяру, чаго ня клаў, і жну, чаго ня сеяў;

РУТ 1:17

і дзе ты памрэш, там і я памру і пахаваная буду; хай тое і тое зробіць мне Гасподзь, і яшчэ болей зробіць; адна сьмерць разьвядзе нас з табою.

1 ЦАРСТВАЎ 14:44

І сказаў Саўл: хай тое і тое зробіць мне Бог, і яшчэ болей зробіць; ты, Ёнатан, павінен сёньня памерці!