1 КАРЫНФЯНАЎ 9:24 - Біблія (пераклад В. Сёмухі)

Хіба ня ведаеце вы, што тыя, якія бягуць навыперадкі, бягуць усе, але толькі адзін здабывае ўзнагароду? Дык бяжэце так, каб здабыць.

Біблія (пераклад А.Бокуна)

Ці вы ня ведаеце, што тыя, якія бягуць на стадыёне, бягуць усе, але адзін атрымлівае ўзнагароду? Дык бяжыце, каб атрымаць.

Кнігі Святога Пісання - Біблія - Біблія — пераклад Чарняўскага (выданне 2017 года)

Няўжо вы не ведаеце, што бягучыя на стадыёне ўсе бягуць, аднак адзін атрымлівае ўзнагароду? Дык бяжыце так, каб атрымаць.

1 КАРЫНФЯНАЎ 9:24 Крыжаваныя спасылкі

ПСАЛТЫР 19:5

Няхай дасьць табе, што па сэрцы табе, і ўсе намеры твае няхай выканае.

ЭКЛЕЗІЯСТА 9:11

І зноў я пабачыў пад сонцам, што ня ўвішным пасьпяховы бег дастаецца, не адважным - перамога, ня мудрым - хлеб, і не ў разумных - багацьце, і ня ўмельцам - прыхільнасьць, а ад пары й нагоды залежаць яны.

ЕРАМІІ 12:5

Калі ты зь пешымі бег, і яны стамілі цябе, як жа табе спаборнічаць з конямі? і калі ў краіне мірнай ты быў у бясьпецы, дык што будзеш рабіць у павадак Ярдана.

АСІІ 12:10

Я гаварыў прарокам і памнажаў уявы і праз прарокаў ужываў прытчы.

РЫМЛЯНАЎ 6:16

Няўжо вы ня ведаеце, што, каму вы аддаяце сябе ў рабы на паслушэнства, таго вы і рабы, каго слухаецеся, альбо рабы грэху сьмерці, альбо паслушэнства на праведнасьць?

1 КАРЫНФЯНАЎ 9:13

Хіба ня ведаеце, што слугі пры храме кормяцца з храма? што слугі пры ахвярніку бяруць долю з ахвярніка?

1 КАРЫНФЯНАЎ 9:23

А гэта раблю дзеля Дабравесьця, каб быць саўдзельнікам яго.

1 КАРЫНФЯНАЎ 9:26

І таму я бягу ня так, як бы марна, б'юся ня так, каб толькі махаць кулакамі ў паветры;

ГАЛЯТАЎ 2:2

А хадзіў паводле адкрыцьця і абвясьціў там, і асобна самым пашаноўным, Дабравесьце, якое я прапаведую язычнікам: ці ня марна я дзею альбо дзеяў.

ГАЛЯТАЎ 5:7

Вы ішлі хораша: хто спыніў вас, каб вы не скараліся ісьціне?

ПІЛІПЯНАЎ 2:16

ашчаджаючы слова жыцьця на пахвалу мне ў дзень Хрыстовы, што я ня марна змагаўся і ня марна працаваў.

ПІЛІПЯНАЎ 3:12

Ня тое, каб я ўжо дасягнуў мэты, альбо ўдасканаліўся; але прагну, а ці не дасягну і я, як дасягнуў мяне Хрыстос Ісус.

ПІЛІПЯНАЎ 3:14

імкнуся да мэты, да гонару вышэйшага пакліканьня Божага ў Хрысьце Ісусе.

КАЛАСЯНАЎ 2:18

Ніхто хай не ашуквае вас сваёй самавольнай удаванай пакораю і службай анёлаў, урываючыся ў тое, чаго ня бачыў, неразважліва надзімаючыся плоцкім сваім розумам

ГАБРЭЯЎ 12:1

Таму і мы, маючы вакол сябе такую хмару сьведкаў, скінем зь сябе ўсякі цяжар і грэх, які аблытвае нас, і цярпліва будзем праходзіць праз поле змаганьня, якое ляжыць перад намі,

ЯКАВА 1:12

Дабрашчасны чалавек, які вытрывае выпрабаваньне, бо пасьля выпрабаваньня ён атрымае вянок жыцьця, які паабяцаў Гасподзь тым, хто любіць Яго.

АДКРЫЦЦЁ 3:11

Вось, я прыйду неўзабаве; трымай, што маеш, каб хто не ўхапіў вянка твайго.