ЕЗЭКІІЛЯ 43:4 - Біблія (пераклад А.Бокуна)

І слава ГОСПАДА ўвайшла ў Дом [Божы] праз браму, якая была скіраваная на шлях на ўсход.

Біблія (пераклад В. Сёмухі)

І слава Госпада ўвайшла ў храм праз браму, што выходзіць на ўсход.

Кнігі Святога Пісання - Біблія - Біблія — пераклад Чарняўскага (выданне 2017 года)

І веліч Госпада ўвайшла ў святыню праз браму, што была накіраваная на ўсход.

ЕЗЭКІІЛЯ 43:4 Крыжаваныя спасылкі

ВЫХАД 40:34

І закрыла воблака Намёт Спатканьня, і слава ГОСПАДА напоўніла Сялібу.

ВЫХАД 40:35

I ня мог Майсей увайсьці ў Намёт Спатканьня, бо ляжала на ім воблака, і слава ГОСПАДА напаўняла Сялібу.

ІСАІ 60:1

Устань, сьвяціся, [Ерусалім], бо прыйшло сьвятло тваё, і слава ГОСПАДА заясьнела над табою.

ЕЗЭКІІЛЯ 1:28

Як зьяўленьне вясёлкі на воблаках у дзень дажджлівы, такі быў выгляд бляску таго наўкола. Ён [меў] выгляд, падобны да славы ГОСПАДА. І я ўбачыў яе, і ўпаў на аблічча маё, і пачуў голас, які прамаўляў.

ЕЗЭКІІЛЯ 11:23

І адыйшла слава ГОСПАДА з сярэдзіны гораду, і затрымалася на гары, якая на ўсход ад гораду.

ЕЗЭКІІЛЯ 3:12

І падхапіў мяне дух, і я пачуў за сабой голас грымоту вялікага: «Дабраслаўлёная слава ГОСПАДА», [калі яна падымалася] з месца свайго,

ЕЗЭКІІЛЯ 43:1

І ён павёў мяне да брамы, брамы, якая была зьвернута на шлях на ўсход.

ЕЗЭКІІЛЯ 43:2

І вось, слава Бога Ізраіля прыйшла па шляху з усходу, а голас Ягоны — быццам шум водаў вялікіх, і зямля сьвяцілася ад славы Ягонай.

ЕЗЭКІІЛЯ 44:2

І сказаў мне ГОСПАД: «Брама гэтая будзе замкнёная, і ня будзе адчыняцца, і ніводзін чалавек ня ўвойдзе праз яе, бо ГОСПАД, Бог Ізраіля, увайшоў праз яе, і яна будзе замкнёная.

ЕЗЭКІІЛЯ 44:4

І завёў мяне шляхам брамы паўночнай перад аблічча Дому [Божага], і я ўбачыў, і вось, слава ГОСПАДА напоўніла Дом ГОСПАДА, і я ўпаў на аблічча маё.