UMalaki 2:16 - IsiZulu 2020

¹⁶ “USimakade uNkulunkulu ka-Israyeli uthi: ‘Phela ngiyasizonda isehlukaniso, nozimbathisa ngobudlova bube yingubo yakhe,’ ” kusho uSimakade Wamabandla. Ngalokho-ke qaphelani emoyeni wenu ukuba ningakhohlisi.

IBHAYIBHELI ELINGCWELE

¹⁶ “Ngokuba ngiyazonda ukwahlukana,” usho uJehova uNkulunkulu ka-Israyeli, “nozisibekelayo ngobudlova njengesambatho,” usho uJehova Sebawoti. Ngalokho qaphelani umoya wenu ukuba ningakhohlisi.

Contemporary Zulu Bible 2024

¹⁶ Ngokuba uJehova uNkulunkulu ka-Israyeli uyakuzonda ukusoka; ngokuba ngengubo yakhe umuntu usibekela ubudlova,” usho uJehova Sebawoti; qaphelani umoya wenu, ukuze ningenzi ngokungathembeki.

UMalaki 2:16 Jak'a apnaqawi uñst'ayäwi

AmaHubo 73:6

Ngakho-ke ukuqhosha ngumgexo wabo, indluzula bayembethe njengengubo.

IzAga 28:13

Ofihla iziphambeko zakhe akayukuphumelela, kepha ozivumayo azishiye uyakuthola umusa.

IzAga 5:20

Ndodana yami, yini ekwenza uhlanyiswe ngumfazi ondindayo, ugone umfazi ongamazi esifubeni na?

U-Isaya 28:20

Ngokuba umbhede uyokuba mfishane ukuba umuntu azelule kuwo, nengubo ibe ncane ukuba ayembathe.

U-Isaya 50:1

Usho kanje uSimakade, uthi: “Iphi incwadi yesehlukaniso engimlahle ngayo? Ngumuphi konyoko engimxoshile, ngubani enginesikweletu naye, engithengise ngani kuye na? Bhekani, nathengiswa ngenxa yobubi benu, nangeziphambeko zenu; unyoko walahlwa.

U-Isaya 59:6

Ubulwembu baso abuyukuba yingubo, abanakuzimboza ngalokho abakwenzileyo; imisebenzi yabo ingeyobubi nezenzo zendluzula zisezandleni zabo.

NgokukaLuka 16:18

“Yilowo nalowo olahla umkakhe, aganwe ngomunye, uyaphinga; noganwa ngolahlwe yindoda yakhe, uyaphinga.

1 kwabaseKorinte 7:10

Kepha kwabaganiweyo ngiyabayala, kodwa kungemina, kuyiNkosi, umfazi makangahlukani nendoda yakhe.