UEksodusi 5:2 - IsiZulu 2020

² Kepha uFaro wathi: “Ungubani uSimakade ukuthi ngingalalela izwi lakhe, ngivumele u-Israyeli ahambe na? Angimazi uSimakade, futhi anginakumdedela u-Israyeli ahambe.”

IBHAYIBHELI ELINGCWELE

² Wathi uFaro: “Ngubani uJehova ukuba ngilalele izwi lakhe, ngimyeke u-Israyeli ukuba ahambe na? Angimazi uJehova, futhi angiyikumvumela u-Israyeli ukuba ahambe.”

Contemporary Zulu Bible 2024

² Wayesethi uFaro: “Ngubani uJehova ukuba ngilalele izwi lakhe ukuba ngimyeke u-Israyeli ahambe na?” Angimazi uJehova, futhi ngeke ngivumele u-Israyeli ahambe.

UEksodusi 5:2 Jak'a apnaqawi uñst'ayäwi

2 AmaKhosi 18:35

Ngobani phakathi konkulunkulu bamazwe abake bophula izwe labo esandleni sami, ukuba nicabange ukuthi uSimakade angalophula iJerusalema esandleni sami na?”

2 iziKronike 32:14

Ngubani phakathi kwabo bonke onkulunkulu balezi zizwe ezabhujiswa ngobaba owayenamandla okusindisa abantu bakhe esandleni sami, okwenza nicabange ukuthi uNkulunkulu wenu nina uzonisindisa esandleni sami na?

2 iziKronike 32:15

Ngakho-ke ningamvumeli uHezekiya anikhohlise, aniyenge ngale ndlela; ningakholwa nguye, ngokuba akuzange kube khona nkulunkulu kunoma yisiphi isizwe nombuso owaba namandla okusindisa abantu bakhe esandleni sami, nasesandleni sobaba. Nina-ke nicabanga ukuthi owenu uNkulunkulu anganisindisa esandleni sami na?”

2 iziKronike 32:19

Bakhuluma ngoNkulunkulu waseJerusalema njengonkulunkulu babantu bomhlaba abangumsebenzi wezandla zabantu.

UNehemiya 9:10

Wenza izibonakaliso nezimangaliso ezinkulu phambi kukaFaro nezinceku zakhe, nabo bonke abantu baseGibhithe, ngoba wawazi ukuthi babaphathe ngonya olunjani abantu bakho. Wazakhela igama elisamile kuze kube namuhla.

UJobe 15:25

ngokuba waphonsela uNkulunkulu inselelo, wazigabisa kuSomandla.

UJobe 15:26

Wamelana naye ngeqholo, ethembele emahawini akhe aqinileyo,

UJobe 21:15

USomandla uyini ukuba simkhonze na? Siyakuzuzani uma sikhuleka kuye na?’

AmaHubo 10:4

Isikhohlakali siyazigqaja, asifuni ukubuyela kuwe, ngisho nje ukuba sicabange ngawe.

AmaHubo 12:4

Labo abathi: “Thina sigabe ngolimi lwethu. Sisho umathanda ngalo. Pho iphi le nkosi ethi ingasiphatha na?”

AmaHubo 12:5

Kepha Wena Simakade, uthi: “Ngenxa yabampofu abaphangwayo, nababuswezi ababubulayo, ngizakuvuka,” kusho uSimakade, “ngimbeke endaweni ephephile, ayilangazelelayo.”

AmaHubo 14:1

Isiwula sithi enhliziyweni yaso: “Akekho uNkulunkulu.” Bonakele, benza okunengekayo, akekho owenza okuhle.

UEksodusi 3:19

Ngiyazi ukuthi inkosi yaseGibhithe ayiyukunivumela ukuba nihambe, ngaphandle kokuba ngiyicindezele ngesandla esinamandla.

UEksodusi 7:17

Uthi-ke uSimakade: ngalokhu uzokwazi ukuthi nginguSimakade. Uyabona-ke, ngale nduku engiyiphethe ngesandla, ngiyoshaya amanzi omfula iNayili, ayophenduka igazi.

IzAga 30:9

funa ngisuthe, bese ngikuphika, ngithi: ‘USimakade ungubani na?’ funa ngibe mpofu, ngebe, ngilihlambalaze igama likaNkulunkulu wami.

UJeremiya 42:13

“Kepha uma nithi: ‘Asiyukuhlala kuleli lizwe,’ ngalokho ningalilaleli izwi likaSimakade uNkulunkulu wenu,

UJeremiya 48:26

“Mdakiseni, ngokuba uzikhukhumezile kuSimakade; uMowabi makahuquzele ebuhlanzweni bakhe, abe yinhlekisa futhi.

UDaniyeli 3:15

Manje uma nilungele ukuba ngesikhathi enizwa ngaso ukukhala kwecilongo, igekle, ihabhu, umqangala, ugubhu, igemfe, nazo zonke izinhlobo zokubethwayo, niwe phansi, nikhuleke esithombeni engisenzileyo, kuhle; kepha uma ningakhuleki, niyakuphonswa ngaso leso sikhathi phakathi kwesithando somlilo ovuthayo; ngumuphi lowo nkulunkulu onganophula esandleni sami na?”

Johane 16:3

Bayakukwenza lokho ngokuba bengamazanga uBaba nami.

KwabaseRoma 1:28

Njengalokhu benqaba ukukubona, kuyinto enhle ukumazi uNkulunkulu, uNkulunkulu wabayekela ekungaqondini kwabo ukwenza okungemukelekile.

2 kwabaseThesalonika 1:8

iselangabini lomlilo, ukuba ijezise labo abangamaziyo uNkulunkulu nabangalilaleli ivangeli leNkosi yethu uJesu.

AbAhluleli 2:10

Sonke leso sizukulwane safa sabekwa nokhokho baso, kwakhula esinye isizukulwane emva kwabo, esasingamazi uSimakade nomsebenzi ayewenzele u-Israyeli.

1 Samuweli 2:12

Amadodana ka-Eli ayengabantu abakhohlakele; engamazi uSimakade.

1 Samuweli 25:10

UNabali waziphendula izinceku zikaDavide, wathi: “Ngubani uDavide na? Ngubani indodana kaJese? Namuhla kukhona izinceku eziningi ezeqa emakhosini azo.