UDuteronomi 19:6 - IsiZulu 2020

⁶ Kungenzeka umphindiseli wegazi amlandele umbulali esagcwele intukuthelo enhliziyweni yakhe, amfice, ngoba umuzi ukude, amshaye aze afe, noma ebengafanele ukufa, lokhu ebengazange amzonde phambilini.

IBHAYIBHELI ELINGCWELE

⁶ funa umphindiseli wegazi amxoshe umbulali isashisa inhliziyo yakhe, amfice, ngokuba indlela inde, amshaye aze afe, noma ebengafanele ukufa, lokhu ebekade engamzondi.

Contemporary Zulu Bible 2024

⁶ Ukuze umphindiseli wegazi angaxoshi umbulali inhliziyo yakhe isavutha, amthole, ngokuba yinde indlela, ambulale; kanti ubengafanele ukufa, ngokuba wayengamzondanga ngaphambili.

UDuteronomi 19:6 Jak'a apnaqawi uñst'ayäwi

2 Samuweli 14:7

Manje umndeni wonke usuvukele incekukazi yakho; uthi: ‘Letha lowo owabulala umfowabo ukuba simbulale naye ngenxa yomphefumulo womfowabo, siyakuyibhubhisa indlalifa.’ Bayakulicima kanjalo-ke ilahle lami eliseleyo, bangabe besayishiyela indoda yami igama nensali ebusweni bomhlaba.”

UNumeri 35:12

Kini iyokuba yimizi yokuphephela kumphindiseli, ukuze umbulali angafi engakemi phambi kwenhlangano, ahlulelwe.

UDuteronomi 19:5

nomuntu oyohamba nomngani wakhe baye ehlathini ukuyogawula imithi, kuthi esagawula, kuphume insimbi emphinini wembazo imshaye umakhelwane wakhe, afe, lowo muntu uyobalekela komunye wale mizi.

UDuteronomi 19:7

Ngalokho ngiyakuyala ngithi: ‘Uyakuzehlukanisela imizi emithathu.’

UDuteronomi 21:22

“Uma umuntu onile efanelwe wukufa, uyobulawa, aphanyekwe emthini.

UJoshuwa 20:5

Uma umphindiseli wegazi emlandela, ngeke neze amnikele kuye umbulali, ngokuba wambulala umakhelwane wakhe ngephutha, kwakungekho nzondo phakathi kwabo ngaphambilini.