AmaHubo 26:1 - IsiZulu 2020

¹ Ngahlulele, Simakade, ngokuba ngihamba ngobuqotho, ngethembele kuwe angaze ngangabaza.

IBHAYIBHELI ELINGCWELE

¹ Ngahlulele, Jehova, ngokuba ngihamba ekulungeni kwami; ngithemba uJehova, angiyikuntenga.

Contemporary Zulu Bible 2024

¹ Ihubo likaDavide. Ngahlulele, Jehova; ngokuba ngihambile ekulungeni kwami; nami ngathembela kuJehova; ngakho-ke angiyikushelela.

AmaHubo 26:1 Jak'a apnaqawi uñst'ayäwi

2 AmaKhosi 20:3

“Simakade, ngiyakuncenga, ake ukhumbule ukuthi ngihambile phambi kwakho ngeqiniso, nangenhliziyo epheleleyo, ngenza okuhle phambi kwakho.” UHezekiya wadazuluka wakhala kakhulu.

UJobe 2:3

Wayesethi uSimakade kuSathane: “Inhliziyo yakho iyiqaphele yini inceku yami uJobe na? Akekho onjengaye emhlabeni, umuntu ongenasici, oqotho, owesaba uNkulunkulu, ogwema okubi, osabambelele ebumsulweni bakhe noma ungibelesela ukuba ngimelane naye, ngimbhubhise engenacala.”

UJobe 4:6

Ukwesaba kwakho uNkulunkulu akusilo yini ithemba lakho, nokwethembeka kwezindlela zakho, akusiso yini isisekelo sakho na?

AmaHubo 121:3

Akayukuluvumela unyawo lwakho lushibilike; okulondayo akozeli.

AmaHubo 15:2

Yilowo onkambo yakhe ingenasici, futhi owenza ukulunga, okhuluma iqiniso enhliziyweni yakhe;

AmaHubo 21:7

Inkosi yethembele kuSimakade, nangenxa yesihawu soPhezukonke ayiyukunyakaziswa.

AmaHubo 25:2

Nkulunkulu wami, ngethembele kuwe; ungavumi ukuba ngihlazeke; izitha zami mazingaqhoshi ngami.

AmaHubo 25:21

Ukulunga nobuqotho makungilondoloze, ngokuba ngethembele kuwe.

AmaHubo 26:11

Kepha mina ngihamba ngobuqotho; ngikhulule, ube nomusa kimi.

AmaHubo 28:7

USimakade ungamandla ami, nesihlangu sami, inhliziyo yami yethembele kuye, yingakho ngisizakele, inhliziyo yami iyethaba. Ngizomdumisa ngehubo lami.

AmaHubo 31:14

Kepha mina ngethemba Wena Simakade, ngithi: “Wena unguNkulunkulu wami.”

AmaHubo 35:24

Simakade Nkulunkulu wami ngahlulele ngokulunga kwakho, mabangathabi ngami.

AmaHubo 37:31

Umthetho kaNkulunkulu wakhe usenhliziyweni yakhe, izinyathelo zakhe aziyukushelela.

AmaHubo 4:5

Nikelani ngeminikelo yokulunga, nethembele kuSimakade.

AmaHubo 43:1

Ngahlulele Nkulunkulu, umele indaba yami kubantu abangethembekile, ungikhulule konenkohliso nongalungile.

AmaHubo 54:1

Nkulunkulu, ngisindise ngegama lakho, ngamandla akho ungehlulele.

AmaHubo 62:2

NguYena kuphela oyidwala lami nensindiso yami; inqaba yami, angisoze nganyakaziswa.

AmaHubo 62:6

NguYena kuphela oyidwala lami, nensindiso yami, nenqaba yami; angiyukunyakaziswa.

AmaHubo 7:8

Sengathi Simakade ungehlulela izizwe! Ngahlulele, Simakade, ngokulunga kwami nangobuqotho bami.

AmaHubo 94:18

Lapho ngithi unyawo lwami lushibilikile, umusa wakho, Simakade, wangiphasa.

IzAga 20:7

Olungileyo uhamba ngobuqotho; babusisiwe abantwana bakhe.

IzAga 29:25

Ukwesaba abantu ngukuzibekela ugibe, kepha owethemba uSimakade uyalondeka.

2 kwabaseKorinte 1:12

Ngokuba ukuzibonga kwethu yilokhu okungubufakazi bukanembeza wethu, ukuthi sibe msulwa, sahamba ngobuqotho bukaNkulunkulu emhlabeni, ikakhulu maqondana nani; asihambanga ngokuhlakanipha kwabantu, kodwa ngomusa kaNkulunkulu.

KumaHeberu 10:23

Masibambisise isivumo sethemba lethu; singantengantengi, ngokuba uthembekile lowo owethembisayo.

1 kaPetru 1:5

Nina nilondolozwa ngamandla kaNkulunkulu ngokukholwa, kube yinsindiso eyakwambulwa ngesikhathi sokugcina;

2 kaPetru 1:10

Ngakho-ke bazalwane, khuthalani kakhulu ukuze nikhombise ukubizwa nokukhethwa kwenu. Phela uma nikwenza lokho, anisoze nakhubeka nakanye.

1 Samuweli 2:9

“Uyakugcina izinyawo zabathembekileyo bakhe, kodwa izikhohlakali ziyakubhujiswa ebumnyameni, ngokuba akukho muntu oyakuphumelela ngamandla akhe odwa.

1 Samuweli 24:15

USimakade makabe ngumehluleli, ehlulele phakathi kwami nawe, abheke, angimele, angikhulule esandleni sakho.”