AbAhluleli 7:15 - IsiZulu 2020

¹⁵ Lapho uGideyoni elizwa iphupho nencazelo yalo, wakhuleka, wayesebuyela enkanjini yakwa-Israyeli, wafike wathi: “Vukani, ngokuba uSimakade uyinikele esandleni senu impi yakwaMidiyani.”

IBHAYIBHELI ELINGCWELE

¹⁵ Kwathi uGideyoni ekuzwa ukulandwa kwephupho nokuchazwa kwalo, wakhuleka; wabuyela ekamu lakwa-Israyeli, wathi: “Vukani, ngokuba uJehova unikele esandleni senu impi yakwaMidiyani.”

Contemporary Zulu Bible 2024

¹⁵ Kwathi uGideyoni esizwa indaba yephupho nokuchazwa kwalo, wakhuleka, wabuyela ebuthweni lakwa-Israyeli, wathi: “Sukumani! ngokuba uJehova unikele impi yakwaMidiyani esandleni sakho.

AbAhluleli 7:15 Jak'a apnaqawi uñst'ayäwi

UGenesise 24:48

Ngakhothama, ngamdumisa uSimakade, ngimbonga uSimakade uNkulunkulu wenkosi yami u-Abhrahama, ongiholile endleleni okuyiyona ngaze ngathola indodakazi yezihlobo zenkosi yami, ukuba ibe ngumfazi wendodana yayo.

UGenesise 40:8

Bathi kuye: “Sibe namaphupho sobabili, akukho muntu ongasichazela wona.” UJosefa wathi kubo: “Ngabe incazelo ayiveli yini kuNkulunkulu na? Ngitsheleni amaphupho enu.”

UGenesise 41:11

Ngabusuku bunye saphupha, yilowo nalowo iphupho elinencazelo eyehlukile kwelomunye.

AbAhluleli 3:28

Wathi kubo: “Ngilandeleni, ngokuba uSimakade uzinikele esandleni senu izitha zenu zakwaMowabi.” Behla bemlandela, bavimba emazibukweni omfula iJordani awelela kwaMowabi, abaze bavumela muntu ukuba awele kuwo.

AbAhluleli 4:14

UDebhora wathi kuBharaki: “Sukuma! Lolu lusuku uSimakade amnikele ngalo uSisera esandleni sakho. USimakade akahambanga yini phambi kwakho, na?” Ngakho-ke uBharaki wehla entabeni iThabhori namabutho ayizi-10 000 emlandela.

AbAhluleli 7:11

uyokuzwa abakushoyo, emveni kwalokho uyakuqina idolo, wehlele enkanjini.” Wahamba noPhura, inceku yakhe, waya emaphethelweni alabo abahlomile ababesenkanjini.

AbAhluleli 7:14

Umngani wayo waphendula wathi: “Lokhu akusho lutho ngaphandle kokuthi inkemba kaGideyoni, indodana kaJowashi, indoda yakwa-Israyeli, uNkulunkulu unikele esandleni sayo uMidiyani nempi yakhe yonke.”

AbAhluleli 7:16

Emveni kokuba amadoda angama-300 esewehlukanise amaviyo amathathu, wawanikeza amacilongo ezandleni zawo, nezitsha ezingenalutho nezihlonti phakathi ezitsheni.

AbAhluleli 8:7

UGideyoni waziphendula wathi: “Kulungile-ke, uma uSimakade esebanikele esandleni sami oZebha noZalimuna, ngiyakuhlebhula inyama yenu emeveni nasemakhakhasini asehlane.”

1 Samuweli 1:28

ngakho-ke nami ngimnikela kuSimakade ukuba ngazo zonke izinsuku zokuphila kwakhe abe ngokaSimakade.” Wakhothama kuSimakade elapho.

1 Samuweli 14:12

Abantu ababesebuthweni lamaFilisti babamemeza uJonathani nodibi lwakhe, bathi: “Khuphukelani lapha kithi, sizonitshela okuthile.” UJonathani wayesethi odibini lwakhe: “Khuphuka ungilandele, ngokuba uSimakade ubanikele esandleni sakwa-Israyeli.”