Rut 4:1 - Qullan Arunaka DC

¹ Uka qhipatsti, Booz chachax markar mantañawjaruw qunt'asir saräna, kawkhantix jaqinakax aski amtäwinak parlakipañatak tantachasipxirïkän ukkharu. Uka pachasti kawkïr wila masittix Booz chachax parlkäna ukaw uka chiqanjam saraskarakïna, ukat Booz chachax jupar art'äna: —Jutam, akawjar qunt'asim —sasa. Uka wila masisti Booz chachan jak'apar qunt'asiriw jutäna.

Aymar Bibliia 1986

¹ Booz chachajj, ucatjja marca mantañaruw kont'asir saräna, cawqharutï jakenacajj tantachasipjjerïcän ucqharu. Uca horasasti cawquïr familiattejj Booz chachajj parlcäna ucaw uca chekanjama pasascäna. Ucatwa juparojj säna: —Jutam, acawjar kont'asim —sasa. Ucatsti jutasinjja Booz chachan jac'aparuw kont'asïna.

Qullan Arunaca

¹ Booz chachajj, ucatjja marca mantañaruw kont'asir saräna, cawqharutï jakenacajj tantachasipjjerïcän ucqharu. Uca horasasti cawquïr familiattejj Booz chachajj parlcäna ucaw uca chekanjama pasascäna. Ucatwa juparojj säna: —Jutam, acawjar kont'asim —sasa. Ucatsti jutasinjja Booz chachan jac'aparuw kont'asïna.

Rut 4:1 Jak'a apnaqawi uñst'ayäwi

Génesis 19:1

Kunapachatix uka pä angelax Sodoma markaru puripkän ukapachax niya ch'amakthapxänwa, Lot chachasti markar mantañ punkun qunt'atäskänwa, kawkhantix jaqinakax tantachasipxirïkäna ukkhana. Uka pani angelar uñjasasti katuqañatakiw sayt'asïna, ukatsti killt'asisaw p'iqip uraqir puriyañkam alt'asïna,

Génesis 23:10

Efrón sata hitita chachasti uka jaqinak taypin qunt'atäskänwa, ukat Abrahamar jach'at arusxatäna, ukhamat kawkïri jilïr hitita jaqinakatix qunt'atäsipkäna ukanakan ist'añapataki:

Génesis 34:20

ukat jupampi, Jamor awkipampi marka mantaña punkur sarapxäna, ukatsti markan jilïr jaqinakaparuw sapxarakïna:

2 Samuel 15:2

Sapüruw wali willjtat sartasïna, ukatsti marka mantañawja thakhi thiyan sayt'asïna. Ukatsti uka chiqaru kuna ch'axwanakatsa reyimp taripayasir purinipkäna uka jaqinakarux, sapa maynir jawsasin jiskt'irïna: “¿Kawki markatsa jutta?” sasa. Uka jaqitix: “Nayax Israelan ayllupankirïtwa” säna ukapachasti,

2 Crónicas 18:9

Israelankir reyisa, Judá uraqinkir Josafat reyisa, nuwasiñ yänakamp ucht'atkama, reyi qunuñanakapan qunt'atäsipkänwa, Samariar mantañawja plazana, profetanakasti jupanak nayraqatan taqpachaniw jutir urunakat parlapxäna.

Job 29:7

markan tantachasïwinakapan jilïrin qunt'asiñaparuw qunt'asirïta.

Job 31:21

Janipuniw kunapachas taripirinakamp sumankataxat wajcharux axsarayirïkti.

Salmos 69:12

12 (13) Taqi jaqin parlasitaw sarnaqta, machatanakas nayxat jayllipxi.

Proverbios 31:23

Chachapasti markan suma uñt'atawa, wali aytat jilïr chachanak taypin qunt'asi.

Isaías 55:1

“Taqi khitinakatix umat pharjatäpkta ukanakax umt'ir jutapxam; jan qullqininakax jutapxam, manq'añatak trigo inak mayisipxam, vinompi, lechempi inak mayisipxam.

Amós 5:15

¡Jan walïki uk uñisipxam! ¡Sumäki uksti munapxam! Taripañ utanakan chiqapar uñjañax utjpan; inach taqi ch'amani Tatitux Israel markat jilt'irinakarux khuyapt'ayasispa.

Zacarías 2:6

6-7 (10-11) Naya Tatituw arsta: “Nayaw jumanakan taqi tuqiru ananukut uñjasipxañam wakichta. Ukampis jichhax sapxsmawa: ¡Babilonia markat jank'ak mistxapxam, Jerusalén markar kutt'xapxarakim; ¡uka amsta tuqinkir markat jaltapxam! Israel markan Tatitupax nayätwa, ukham lurapxañamatakiw mayipxaraksma”.

Deuteronomio 16:18

“Tatit Diosamax sapa aylluruw markanak churani, jumanakasti sapa markanakan taripirinakampi, jilïri jaqinakamp utt'ayasipxäta, jupanakan suma chiqa kankañampi markar taripañapataki.

Deuteronomio 17:5

uka jan wal lurir jaqirux markan taripirinakap nayräxaruw irpapxäta, ukatsti qalampi k'upjasin jiwayatäñapatakiw juchañchapxarakïta.

Deuteronomio 21:19

awkipampi, taykapampix marka mantañankir jilïrinakan ukaruw wawapar irpapxani.

Deuteronomio 25:7

Ukattix uka jaqix jilapan ijmapampi jaqichasiñ janipun munkanixa, warmix jilïrinakar yatiyiriw sarani akham sasa: ‘Jiwir chachaxan jilapaxa, janiw Israel taypin jilapan sutip jakayañ munkiti, janiw jupax jila kankañ phuqhañ munkiti’ sasa.

Josué 20:4

Khititix uka markanakat kawkïrirusa imantasiñ munkani ukaxa, marka mantañar purisax jilïr jaqinakan nayraqatapan arsusiñapa. Ukat jupanakax uka markar mantayapxani, jakañatakisti mä chiqawja churapxarakini.

Rut 3:12

Chiqpachansa, jak'a wila masimätwa, ukampis juman yaqha nayat sipan juk'ampi jak'a wila masimax utjaskiwa.

Rut 3:18

Ukatsti Noemí mamax sänwa: —Jichhasti suyt'akim wawa, kunjamakïkani uk uñjañäni. Booz chachax uk askichañkamax janiw samarkanisa —sasa.