Rut 3:9 - Qullan Arunaka DC

⁹ —¿Khitïtas jumaxa? sasaw Booz chachax jiskt'äna. Rut warmisti sarakïnwa: —Tata, nayax Rut uywatamätwa, jumax nayan wila masixätawa, nayar arxatañamax wakt'tamwa. Jichhasti nayampi jaqichasiñam mayiñ munsma —sasa.

Aymar Bibliia 1986

⁹ Ucat jisct'araquïna —¿Qhitïtas jumajja? —sasa. Rut warmisti saraquïnwa: —Nayasti Rut uywatamätwa. Jumasti nayan familiajjätawa, ucatwa jumarojj wact'tam nayar khespiyañamajja. Jichhasti aca uywatamarojj iquiñamampi janjjatam —sasa.

Qullan Arunaca

⁹ Ucat jisct'araquïna —¿Qhitïtas jumajja? —sasa. Rut warmisti saraquïnwa: —Nayasti Rut uywatamätwa. Jumasti nayan familiajjätawa, ucatwa jumarojj wact'tam nayar khespiyañamajja. Jichhasti aca uywatamarojj iquiñamampi janjjatam —sasa.

Rut 3:9 Jak'a apnaqawi uñst'ayäwi

Ezequiel 16:8

“ ‘Wasitat juma jak'a sarakipawayta, ukat jumar uñkatsma. Wali tawaqüxatätawa, niyas chacht'asirpacha. Nayax uka q'alal janchim imxatañatakix isixampiw janxatsma, ukat jumampi parlthapirakta; mä arust'äwi jumampix lurtan, ukhamat jumax nayankxaraktaxa. Naya, Tatituw uk arsta.

Lucas 14:11

Khititix jach'a jach'a tukurïki ukaxa, jisk'ar tukuyatäniwa, ukampis jisk'ar tukurïki ukasti jach'ar tukuyatäniwa.

Rut 2:20

Noemí mamasti yuxch'aparux sarakïnwa: —¡Uka chachax Tatitun aski waxt'äwip katuqpan! Jupasti jichhax jiwasar khuyapayistuwa, kunjämtix nayrapachax jiwir wila masinakasar khuyapt'ayirïkän ukhama. Uka jaqix jiwasan jak'a wila masisawa, jupaw wila masinak taypit jiwasar khuyapt'ayasistaspa —sasa.

Rut 3:10

Booz chachasti sänwa: —¡Tatitux waxt'äwip jumar churpan! Jiwir chachamatakix chiqa chuymanïtam uñacht'ayista. Chacht'asiñ munasax qamirïpasa, jan utjirinïpas nayat juk'amp wayna jaqi thaqhasisamäna; ukampis janiw ukham lurktati.

Rut 3:12

Chiqpachansa, jak'a wila masimätwa, ukampis juman yaqha nayat sipan juk'ampi jak'a wila masimax utjaskiwa.

Rut 3:8

Chika arumjarusti Booz chachax akatjamat ikit p'arxtäna, kutikipstasinsti jupa jak'an mä warmir ikt'at amuyasax mulljasïnwa.

Rut 4:4

Nayax uk jumar yatiyañ munsma, jumatix alasiñ munasmaxa, jichhpach alasim aka jilïr jaqinak nayraqatana. Elimélec chachan jak'a wila masipätam laykusti, uraqip alasxañamax wakt'tamwa. Jumatix jan alasiñ munkstaxa, nayar yatiyxita, jumxarusti nayaruw wakt'itu —sasa. Uka wila masisti ukxarux sänwa: —Alasïwa —sasa.

Rut 4:6

Uka arunak ist'asasti uka wila masix sänwa: —Ukhamïpanxa janiw alaskiristti, janiw nayax wawanakaxar jan walir uchañ munkti. Ukampis jumatix alasiñ munstaxa, alasiskakim, kuna lurañatix nayar wakt'kitu uk jumaruw churxsma —sasa.

1 Samuel 25:41

Abigail warmisti wali axsart'añ chuymampiw uraqkam alt'äna, ukatsti sänwa: —Nayax Davidan mä luqtiripakïtwa, ukhamarus uywatanakapan kayunakap jariqañatakis jank'akirakïtwa —sasa.