Proverbios 2:9 - Qullan Arunaka DC

⁹ Ukapachaw yatirakïta chiqäki, askïki uksa, ukat amuyt'arakïta taqi askin sarnaqañapun sumätapa.

Aymar Bibliia 1986

⁹ Ucatsti yatïtawa chekäqui, asquïqui ucsa, ucatjja amuyaraquïtawa take asquina sarnakañapuni sumätapa.

Qullan Arunaca

⁹ Ucatsti yatïtawa chekäqui, asquïqui ucsa, ucatjja amuyaraquïtawa take asquina sarnakañapuni sumätapa.

Proverbios 2:9 Jak'a apnaqawi uñst'ayäwi

Salmos 119:105

Arunakamax sarnaqäwixatak mä qhanawa, thakhixan qhantirirakiwa.

Salmos 119:99

Taqpach yatichirinakaxat sipan juk'amp amuyta, arunakamat wal lup'itax layku.

Salmos 25:12

Tatitur waqaychir jaqirux, kawkïr thaktix sarañapäki uk uñacht'ayi;

Salmos 32:8

Tatitux situwa: “Nayranakaxax jumaruw uñch'ukisktam. Nayaw yatichaskäma, nayaw amuyt'ayaskäma, nayaw sarañamäki uka thakhi uñachayaskäma.

Proverbios 28:5

Ñanqha lurir jaqinakax chiqa kankañat janiw amuyt'apkiti, Tatitur thaqhirinakasti, taqi kun amuyt'apxi.

Proverbios 4:12

Uka thakhinsti janiw kunar lanqtañas utjkaniti; ukanjam jalkasas janiw lanqtaskätati.

Proverbios 4:18

Aski jaqinakan sarnaqäwipax willjta qhanjamawa; urutatañkamaw juk'at juk'at qhanti.

Proverbios 8:20

Nayax chiqap thakhinjam sarta, chiqa kankañ thakhinjama.

Isaías 35:8

Ukansti mä thakhiw utjani, ukasti “Qullana Thakhi” satäniwa; khitinakatix jan q'umachatäpki, pisi amuyunïpkaraki ukanakax janiw uka thakhinjam sarnaqapkaniti.

Isaías 48:17

Qhispiyir Tatituma, Israelan Qullan Diosapaxa, akham siwa: “Nayätwa Tatitu Diosamaxa; nayasti kunatix jumatak askïki uk yatichsma, kawki thakhinjamtix sarañamäki ukanjam irparaksma.

Jeremías 6:16

Tatitux markaparux siwa: “Thakhi jak'anakar sayt'asipxam ukatsti uñatatasipxarakim, nayra thakhinakat jiskt'asipxam; kawkïris suma thakhix ukata; ukatsti uka thakhinjam sarapxam, ukapachaw samarañ jikxatapxäta.” Ukampis jupanakax sapxiwa: “Janiwa, janiw uka thakhinjam sarapkiristti” sasa.

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.