Proverbios 2:8 - Qullan Arunaka DC

⁸ Jupaw chiqap sarnaqir jaqirux uñji, taqi chuyma jupar iyawsirirux imaraki.

Aymar Bibliia 1986

⁸ Jupajj cheka sarnaker jakerojj imiwa, asqui jakerojj arjjataraquiwa.

Qullan Arunaca

⁸ Jupajj cheka sarnaker jakerojj imiwa, asqui jakerojj arjjataraquiwa.

Proverbios 2:8 Jak'a apnaqawi uñst'ayäwi

Salmos 1:6

Tatituw aski jaqinakan sarnaqäwip imaski, ñanqha lurir jaqinakan thakhipasti aynacht'añaruw puriyi.

Salmos 145:20

Tatitux jupar munirinakarux imiwa, ñanqha luririnakarusti t'unjiwa.

Salmos 23:3

jupaw machaq ch'am churitu, chiqa thakhinjam irpitu, sutipar jach'añchañ layku.

Salmos 37:28

Tatitux aski kankañar muniriwa, arkirinakaparusti janiw jaytanukkiti; jucharar jaqinakarux tukjiwa, jan wawanakanirak jayti.

Salmos 37:31

Tatit Diosapan kamachinakap chuymapar katxäsi; ¡kayunakapasti janipuniw llust'kaniti!

Salmos 66:9

Jupaw jakayasiskistu; janiw jiwañas munkiti.

Salmos 97:10

Tatitux ñanqhar uñisir jaqinakarux munasiwa; aski arkirinakapan jakañaparux imiwa; ñanqha lurir jaqinakan amparapat qhispiyaraki.

Proverbios 8:20

Nayax chiqap thakhinjam sarta, chiqa kankañ thakhinjama.

Isaías 35:9

Ukan janiw leonanakax utjkaniti, janirakiw yaqha monte animalanakas jak'achasinkaniti. Qhispiyatanakaw uka thakhinjam kuttanxapxani,

Deuteronomio 33:3

Tatitux markapar munasiwa, Diosax jupankirinakarux imarakiwa; jupanakan jaysasirïpxatapata, arunakapsa kusisiñamp phuqhirïpxatapata.

1 Pedro 1:5

Tatitux jupar iyawsapxatamatxa, kawkïr qhispiyasiñtix jumanakatak wakichatäki uk katuqapxañamkamaw jach'a ch'amapampix taqi kunat imasipkaraktam, ukasti qhipa urunakan yatiyatäniwa.

Judas 1:24

Mä sapa Tatitu, jiwasan Qhispiyirisax, jumanakar imañatak ch'amaniwa, ukhamat jan tinkupxañamataki, ukatsti jan juchani, kusisiñan phuqt'ata, jupan nayraqatapan k'ajkir uñstapxañamatakis ch'amanirakiwa. Juparuy churatäpan yupaychañasa, jach'a kankañasa, ch'amasa, jilïr kankañasa, Jesucristo Tatitus layku, nayra pachasa, jichhasa, wiñayan wiñayapataki. Ukhamäpan.

1 Samuel 2:9

Tatituw jupar jaysirinakarux imi, jan jaysasirinakasti llakisiñat jiwapxi, ¡inamayatakikiw ch'amapasa!