Oseas 4:3 - Qullan Arunaka DC

³ Ukat aka markax jacht'asis sarnaqaski; aka markan jakirinakasti jan ch'amanikïxapxiwa; pampankir animalanakasa, jamach'inakasa, jach'a qutankir chawllanakas jiwarxapxarakiwa.

Aymar Bibliia 1986

³ Ucatwa aca marcajj lutt'at sarnakasqui; aca marcan jaquirinacasti jan ch'amaniquëjjapjjewa; pampanquir animalanacasa, jamach'inacasa, jach'a kotanquir chawllanacasa jiwarjjapjjaquiwa.

Qullan Arunaca

³ Ucatwa aca marcajj lutt'at sarnakasqui; aca marcan jaquirinacasti jan ch'amaniquëjjapjjewa; pampanquir animalanacasa, jamach'inacasa, jach'a kotanquir chawllanacasa jiwarjjapjjaquiwa.

Oseas 4:3 Jak'a apnaqawi uñst'ayäwi

Isaías 33:9

Taqiniw aka markan wali llakt'at jikxatasipxi, Líbano qullunkir ch'uminakas q'alaw wañsuwayxi, Sarón qhirwasti ch'usa wasarar tukutawa, Basán chiqasa, Carmelo qullusa q'ara qullukïxiwa.

Jeremías 12:4

¿Kunapachkamas uraqix wañantatäskakini, pampanakan quranakas wañsuskarakini? Aka markan jakir jaqinakan ñanqha luratanakapatxa uywanakasa, jamach'inakas jiwarasipkiwa, jupanakax janis jumax luratanakap uñjkasma ukham amuyapxi.

Jeremías 23:10

Aka markasti wachuqa jucha lurir jaqinakan phuqhantatawa, ñanqha lurir jaqinakan phuqhantatawa, jaqi masipar ñanqhachañatakix munañanïpxiwa. Ukat Tatitux aka uraqirux ñanqhachi, aka uraqisti wañsuwayxiwa, wasar tuqin chhuxllanakasa q'alaw pharsuwayxaraki.

Jeremías 4:25

Uñatatasta ukkhasti janiw kuna jaqis utjkxänti, taqi jamach'inakas jaltxapxarakitaynawa.

Jeremías 9:10

10 (9) “Qullunakata, wasaranakat jachapxam, ayqupxarakim, suma ch'uxña uraqinakat jachapxam, ukanakasti q'ala nakhantatäxiwa, janirakiw khitis uka chiqa sarakipkxiti, janiw uywanakan wararitapas ist'askxiti, jamach'inakasa, monte laq'unakasa jayaruw sarxapxatayna.

Jeremías 9:9

9 (8) Ukatpï jupanakarux mutuyäxa, uka luratanakapatjam churarakï. Naya, Tatituw uk arsta.

Ezequiel 38:20

Jach'a qutankir chawllanakasa, alaxpach jamach'inakasa, montenkir animalanakasa, katarinakasa, naya nayraqatan khathatipxani, ukhamaraki taqi jaqinakasa. Jach'a qullunakasa, qarqanakasa q'alaw allthaptani, taqi pirqanakas liwirtarakiniwa.

Joel 1:18

¡Uywanakasti wal wararipxi! Vacanakas inamayakiw chhuxllanak thaqhasipki; oveja tamanakas tampacharakiw jiwaraski.

Amós 1:2

Amós profetax sänwa: Tatitux Jerusalén markana, Sión qullutpacha wali jach'a arumpi art'ki ukapachaxa, uywa manq'añ chhuxllanakas q'alaw pharsxi, Carmelo sat qullus wañsxarakiwa.

Amós 5:16

Taqi ch'aman Tatitux akham siwa: “Taqi plazanakan jachañax utjani, marka thakhinakansti warariñanakaw utjani, pampan utjasirinakarusti llakisiñat jachiritakiw jawsapxani, jachañatak jawsatanakasti juk'ampiw jachapxani.

Amós 8:8

Ukhamïpansti, ¿janit uraqisti khathatkanisti? ¿Janit jaqinakasti jachapkanisti? ¡Kunjämtix Nilo jawiran umax jilxataraki wañaqaraki, ukhamaw uraqix uñstani, chhaqtarakini!

Nahúm 1:4

Jach'a qutarusti tuqintasin wañt'ayi; taqi jawiranaksa wañt'ayarakiwa. Basán tuqinkir pampa uraqinakapasa, Carmelo qullun ch'uxñanakapas wañsuwayxiwa, Libanonkir panqaranakas pharsuwayxarakiwa.

Sofonías 1:3

Taqi jaqinakaru, uywanakaru, jamach'inakaru, chawllanakarus q'al tukjä, jan wali lurir jaqinakar lanqtasiyäwa, jaqirux akapach uraqitsa chhaqtayarakïwa.” Tatitux akham siwa:

Zacarías 5:4

Taqi ch'amani Tatituw arsu: ‘Nayaw aka ñanqhachäwi apayanta, lunthataskis ukan utaparu, ukhamaraki k'ari juramento nayan sutix aytasis lurki ukan utapampir mantañapataki. Uka ñanqhachäwisti ukankaniwa jan mä lawasa, mä qalas qhiparañapkama.’ ”