Números 15:30 - Qullan Arunaka DC

³⁰ “Ukampis mä jaqitix sum yatkasin juch lurani, israelit jaqïpansa, yaqha markat jutir jaqïpansa, ukasti nayaruw ñanqhachitu. Ukhamïpansti, uka jaqix markap taypit jaqunukutaw uñjasini,

Aymar Bibliia 1986

³⁰ “Ucampisa mä jaketejj juch lurchi sum amuyasisa, israelitäpansa, yakha marcat jutir jakëpansa, ucasti nayaruw ñankhachitu. Uca jakesti marcap taypitjja jakonucutäniwa.

Qullan Arunaca

³⁰ “Ucampisa mä jaketejj juch lurchi sum amuyasisa, israelitäpansa, yakha marcat jutir jakëpansa, ucasti nayaruw ñankhachitu. Uca jakesti marcap taypitjja jakonucutäniwa.

Números 15:30 Jak'a apnaqawi uñst'ayäwi

Génesis 17:14

Ukampisa khititix circuncisión jan katuqkani ukax jumanak taypit apsutäxañapawa, nayan arust'äwixaru jan phuqhatap layku.

Job 38:15

ñanqha lurir jaqinakax janiw urun qhanapamp walt'asipkiti; ukapachaw ch'aman kankañapax tukusiwayxi.

Salmos 19:13

13 (14) Jach'a jach'a tukuñ chuym apaqt'asita; janikiy jach'a jach'a tukuñampix atipjayistati. Ukhamat jan juchan jaqirux tukü; jach'a juchat qhispirakï.

Salmos 69:9

9 (10) Utamar munañax ninjamaw nakhitu; jumar tuqirinakan arunakapax, nayxarkamaw wakt'itu.

Salmos 74:18

Tatay, janikiy armasimti, timasirix jisk'achtamwa, jan amuyt'asir jaqisti jumat jan wal parli.

Salmos 74:22

¡Diosay, sartasikimaya! ¡Amtatamax amtatapunïpan! Jan amuyt'an jaqinakan jumar ñanqhachatapat amtasim.

Salmos 79:12

Tatay, marka masinakaxarux paqallq kutimp kutiyam, jumar jan walinak luratapata;

Salmos 89:51

51 (52) Tatay, ¡timasirinakamax ukham t'aqhisiyapxitu!; ¡ajllitamarux sapa kutiw ukham jisk'achapxi!

Éxodo 21:14

Ukampis khititix masipamp jachjayasisin jan wali amtañamp jiwayani ukarux jiwayatäñapatak juchañchatäniwa, altaraxarus imantasiskpan ukasa.

Éxodo 30:33

Khititix aka aceite kipkak yaqha aceite lurkani, jan ukasa aka qullan aceitempi khiti jaqirusa warxatarakin ukaxa, jumanak taypit jaqunukutaw uñjasini’ ” sasa.

Proverbios 14:31

Jan kunan jaqir t'aqhisiyirix Diosaparuw jisk'achaski, pist'añan sarnaqir jaqit khuyapayasiristi Tatituruw jach'ar aptaski.

Ezequiel 20:27

“Jichhasti jumax israelitanakar sarakim: ‘Tatitux akham siwa: Awkinakamax nayar jan taqi chuymampi arkapxatapampiw ñanqhachapxitu.

Levítico 20:10

“Maynitix jaqi masipan warmipar warmischi ukasti, jupasa, warmisa jiwayatäñatak juchañchatäñapawa.

Levítico 20:3

Nayasti uka jaqir mutuyañatakiw sayt'ä, ukatsti markap taypitsa apanukurakïwa, nayan qullana utax q'añuchatapata, ukhamarak nayan qullana sutixarus Moloc sat diosar wawap luqtatapampi takisitap layku.

Levítico 20:6

Maynitix ch'amakani layqanakar jiskt'asir sarani, ukat ukanakar arkasarak q'añuchjasini ukasti, nayax jupatakiw phiñasï ukatsti jiwayarakïwa.

Números 15:29

Mä pachpa kamachikiw utji, israelitanakatakisa, jumanak taypin jakir yaqha markat jutir jaqitakisa, mä jaqitix jan amuyaskasin pantjaskan ukapacha.

Números 9:13

Ukampis khititix q'uma jikxataskasina, jan saräwinkkasina Pascua jan uruykani uka jaqix, markap taypit apanukutaw uñjasini. Uka urun Tatitur waxt'a jan luqtatap laykusti, uka juchapat mutuyataw uñjasini.

Mateo 12:32

Khititix jaqin Yuqapatak jan wal arskani ukarux pampachakiniwa; ukampis khititix Qullan Ajayur ñanqhachañatak jan wal parlkani juparux, akapachansa, khäpachansa janiw pampachatäkaniti.

Deuteronomio 1:43

“Nayasti jumanakarux uk sapxsma, ukampis janiw nayarux ist'apkistati, jumanakax janiw Diosan arsutapar yäqapktati, ukatsti jach'a jach'a tukusaw qullur makhatapxtaxa.

Deuteronomio 32:27

Ukampis uñisirinakaxampi jan lart'ayasiñ laykuw jan lurkti; uñisirinakaxan jach'a jach'a tukuñapsa munkaraktti, jupanakax sapxaspawa: Jiwasaw ch'amasamp atipjtanxa; janiw Diosax taqi ukanak lurkiti’ sasa.

Hebreos 10:26

Kunatix chiqäki uk yatkasin juchachasiskakiñän ukax, janiw juchanakasat wilañcha luqtañax wakiskxiti,

Hebreos 10:29

Ukhamasti ¿janit jumanakax amuyapkta, khitinakatix Diosan Yuqapar jisk'achapki, wilaparus jisk'achapki, munasir Diosan Ajayuparus jisk'achapki ukanakan juk'ampi mutuyäwi katuqañapsti? Uka wilaw arust'äwit qhanañchi, ukampirakiw jupanakax Diosatak yaqhachatäpxi.

2 Pedro 2:10

Khitinakatix ñanqha munañanakaparjam sarasipki ukanakarux Tatitux mutuyaniwa, jupan arunakapar jan ist'apki ukanakarus mutuyarakiniwa. Jupakanakasti jan ist'asiri, wali munañan jaqinakäpxiwa, janirakiw jupanakax angelanakar jan wali arunakamp tuqiñsa axsarapkiti.

1 Juan 5:16

Maynitix jilapar jiwañar jan puriyir jucha lurir uñjkchi ukaxa, Diosar mayiñapawa, Diosasti uka jilarux jakañ churani, janitix uka juchax jiwañar apkchi ukapacha. Jiwañar puriyir juchaw utji, janiw uka juchatak mayipxañamäkiti.

1 Samuel 2:25

Mä jaqitix masipar jan wal luraspaxa, Tatitux uka jaqit arxataspawa, ukampis maynitix Tatitur ñanqha lurchi ukasti, ¿khitirak jupat arxataspasti?” sasa. Ukampis janiw jupanakax kuntix awkipax siskäna ukarux ist'apkänti, ukat Tatitux jupanakan jakañap apaqañ amtäna.

1 Samuel 3:14

Ukat nayax juramentompi Elí sacerdoten wila masinakapatak arsta, ñanqha luratanakapax janipuniw wilañchanakampisa, waxt'äwinakampis q'umachatäkaniti.