Números 15:30 - Qullan Arunaca

³⁰ “Ucampisa mä jaketejj juch lurchi sum amuyasisa, israelitäpansa, yakha marcat jutir jakëpansa, ucasti nayaruw ñankhachitu. Uca jakesti marcap taypitjja jakonucutäniwa.

Aymar Bibliia 1986

³⁰ “Ucampisa mä jaketejj juch lurchi sum amuyasisa, israelitäpansa, yakha marcat jutir jakëpansa, ucasti nayaruw ñankhachitu. Uca jakesti marcap taypitjja jakonucutäniwa.

Qullan Arunaka DC

³⁰ “Ukampis mä jaqitix sum yatkasin juch lurani, israelit jaqïpansa, yaqha markat jutir jaqïpansa, ukasti nayaruw ñanqhachitu. Ukhamïpansti, uka jaqix markap taypit jaqunukutaw uñjasini,

Números 15:30 Jak'a apnaqawi uñst'ayäwi

Génesis 17:14

Ucampisa qhititejj jan circuncidatäcani ucasti jumanac taypitjja apsutäjjañapawa, jan nayan arust'äwejjaru ist'atap laycu.

Job 38:15

ñankha jakenacatjja khanajj jarc'atawa; ajjsarañ churiri arunacaparusa amuct'ayataraquiwa.

Salmos 19:13

jach'a jach'a tucuñ chuym apakt'asita, janiquiy jach'a jach'a tucuñampejj atipjayistati. Uqhamat jan juchan jakerojj tucü; jach'a juchat khespiraquï.

Salmos 69:9

Utamar munañaw nayar tucuntitu, jumar tokerinacan arunacapajj, nayjjarcamaw wact'i.

Salmos 74:18

Tatay, janiquiy armasimti, timasirejj jisc'achtamwa, jan amuyt'asir marcasti sutim jisc'achi.

Salmos 74:22

Diosay, sartasiquimaya, amtatamajj amtatapunïpan, jan amuyt'an jakenacan jumatac ñankha luratanacap amtasim.

Salmos 79:12

Tatay, marca masinacajjarojj pakallk cutimp cutiyam, jumar jan walinac luratapata.

Salmos 89:51

Tatay, timasirinacamajj uqham t'akhesiyapjjetu, ajllitamarojj uqham sapa chellktan jisc'achapjje.

Éxodo 21:14

Ucampis qhititejj colerasisa jan wali amtañanacampi masipar jiwayqui, ucarojja altarajjarus jaltascpan, ucasti jiwayatäñapapuniwa.

Éxodo 30:33

Ucampis qhititejj aca aceite quipcaqui lurcani yakha aceite, uqhamarac aca kollan aceitempi qhiti jakerusa warjjataraquini ucajja jumanac taypitjja jiwayatäñapawa’ ” sasa.

Proverbios 14:31

Pobreru t'akhesiyirirojj Diosaruwa jisc'achasqui, ucampis pobrer qhuyapayirejja Tatituruw jach'ar aptasqui.

Ezequiel 20:27

“Jichhasti jumajj chacha, Israelita jakenacarojj saraquim: ‘Aqham siw Tatitojj: Awquinacamajj nayarojj ñankhachapjjaraquituwa, jan nayar take chuymampi arcasajja.

Levítico 20:10

“Maynitejj jake masipan warmipampi wachoka jucha lurasa sarnakchejja, ucasti jiwayatäñataqui juchañchatäñapawa, uca quipcaraqui uca wachoka jucha lurir warmisa.

Levítico 20:3

Nayasti uca jake contraw sayt'araquëjja, ucatsti take familianacap taypitsa jiwayjjaraquïwa, nayan kollana chekajj k'añuchatap laycu, uqhamarac nayan kollana sutejjarusa taquisitap laycu, mä wawapa uca Moloc sat diosar loktatap laycu.

Levítico 20:6

Maynitejj ch'amacaninacan ucaru, uqhamarac yatirinacan ucaru sarani, ucat k'añuchasiraquini ucanacar arcasa, ucapachasti nayajj jupa contraw sayt'ä ucat uca jakjja jakenac taypitjja jiwayjjaraquïwa.

Números 15:29

Mä sapa leyiquiw take israelitanacataqui uchata, uqhamarac yakha marcat jutasin jaquir jaketaquisa, juchatejj jan amuyasis luratächi ucqhajja.

Números 9:13

Ucampisa cawquïritejj Pascua fiesta amtañ apanucuni, k'oma jicjjatascasina, uqhamarac jan saräwinccasina, ucajj jilanacap taypitjja apanucutäniwa, uqham Tatitu Diosar jan ofrenda loktatap laycu, juchanacapatjja mutuyäwi catokaraquini.

Mateo 12:32

Qhititejj Jaken Yokap contra parlcan ucajja, perdonatäniwa, ucampis qhititejj Kollan Ajayu contra jan walinac parlcanejja, janiw perdonatäcaniti, acapachansa ni qhäpachansa.

Deuteronomio 1:43

“Nayasti jumanacarojj parlapjjäyäsmawa, ucampisa jumanacajj janiwa nayarojj ist'apquistati, jan ucasti jumanacajj Dios contraw sartapjjta uqhamaraquiw uca kollurojj jach'a jach'a tucusa maqhatawayapjjäyätajja.

Deuteronomio 32:27

Ucampis janiw enemigon phiscasitanacap inaqui uñjañ puedcäyätti, janiraquiw uñisirinacajjan jach'a jach'a tucuñapsa muncäyätti, ni aqham sañanacapsa: Janiw Diosati acanac lurqui; jan ucasti jiwasaw ch'amasampi lurtan’ sasa.

Hebreos 10:26

Cunatejj chekäqui uca aru yatcasina juchachasiscaquiñäni ucajja, janiw juc'amp sacrificiojj utjcjjeti juchanacasatjja.

Hebreos 10:29

Uqhamajj ¿cunja jach'a mutuñsa catokañapäni qhitinacatejj Diosan Yokaparu, uqhamarac wilaparus jisc'achapjje, munasir Diosan Ajayuparus jisc'achapjje ucanacajja? Uca wilaw arust'äwi cheka tucuyejja, ucampiraquiw jupanacajj Diosatac yakhachatäpjje.

2 Pedro 2:10

Diosajj mutuyaniwa qhitinacatejj ñankha munañanacaparjamaqui sarasipqui ucanacarojja, Tatitun arunacaparus jan ist'apcaraquiti ucanacarusa. Ucanacasti wali munañani jan ist'asiri jakenacaraquiwa, janiraquiw alajjpacha ch'amanacarus jan wali arunacampi sañjja ajjsarapquiti.

1 Juan 5:16

Maynitejj jilaparu jiwañar apir juch jan lurquir uñjcchi ucajja, Diosar mayiñapawa. Diosasti jilaparojj jacañjj churaniwa, janitejj uca juchajj jiwañar apcchi ucqhajja. Utjaraquiwa jiwañar apir juchajja, janiw ucatjj siscti: “Aca juchatjja Diosar mayiñäspaw” sasajja.

1 Samuel 2:25

Mä jaketejj mayni jakeru cuna jan walsa luraspa ucqhajj Tatitojj uca jaketjja arjjataspawa, ucampisa mayni jaketejj Tatituru ñankha lurcchi ucasti, ¿qhitirac jupat arjjataspa?” sasa. Ucampisa jupanacajj janiw cuntejj awquipajj siscäna ucarojj ist'apcänti, Tatitojj jupanacat jacañanacap apakjjañ amtjjatap laycu.

1 Samuel 3:14

Ucatwa, jichhajj juramentompi Elí sacerdoten familiapa tokejj arsta, ñankha luratanacapasti janiw k'omachatäcaniti, sacrificionac, ofrendanac loktascani ucanacampisa.