Números 11:17 - Qullan Arunaka DC

¹⁷ Nayax saraqanisin jumar parläma, ukatsti juman ajayumat apaqasaw uka jilïr jaqinakar churä, jumar aka marka apnaqañ yanapt'añapataki; jan juma sapak taqi kun luraskañamataki.

Aymar Bibliia 1986

¹⁷ Nayaw sarakanisin jumampi parlä, ucatsti juman chicat ajayumwa jupanacar churä jumaru aca marca apnakañ yanapt'añapataqui. Uqhamatwa jani juma sapaquïcjjätati.

Qullan Arunaca

¹⁷ Nayaw sarakanisin jumampi parlä, ucatsti juman chicat ajayumwa jupanacar churä jumaru aca marca apnakañ yanapt'añapataqui. Uqhamatwa jani juma sapaquïcjjätati.

Números 11:17 Jak'a apnaqawi uñst'ayäwi

Génesis 11:5

Ukampisa Tatitux uka marka uñjiriw saraqanïna, ukhamarak jaqinakan torre lurasipkatap uñjiri,

Génesis 17:22

Diosasti Abraham chachampi parlañ tukuyasinxa, uka chiqat sarxänwa.

Génesis 17:3

Ukapachasti Abram chachax ajanup uraqir puriñkamaw alt'äna, Diosasti ukchañkamax parlxayaskakïnwa:

Génesis 18:33

Kunapachatix Tatitux Abraham chachampi parlañ tukuyxän ukkhaxa, uka chiqat sarawayxänwa; Abrahamasti utjasïwiparuw kutt'xäna.

2 Reyes 2:15

Jericó markankir profetanakax Eliseor jawir khurkatankaskir uñjasax sapxänwa: “¡Jichhax Eliasan ajayupax Eliseompïxiwa!” sasa. Ukatsti jupanakax Eliseor jikxatiriw sarapxäna, jupan nayraqatapan alt'asisinxa,

2 Reyes 2:9

Makhatasinsti, Eliasax Eliseor sänwa: —Sita, jumatak kunas lurañaxax wakisispa, nayax juma jak'at janïra irpaqatäkasina —sasa. Ukxaruw Eliseox säna: —Nayax juman ajayumat pä ukkhampi katuqañ munta —sasa.

Nehemías 9:20

Ukhamarus jumax suma chuymanïtam jupanakar uñacht'aytaxa, khuyapayasir ajayumampisti jakañ yaticharaktaxa; janipuniw alaxpach t'ant'a manq'añapataki pist'ayktati, umat pharjatäpkäna ukkhas uma churaraktaxa.

Éxodo 18:18

jumax qarjastawa, jumamp chikäki uka jaqinakas qarjasirakiwa. Uka lurañax atipjasktamwa, janiw sapak lurkasmati.

Éxodo 18:22

Jupanakaw jaqinakarux jan wali luratanakap taqi pachan uñjani. Jan askichkay mä jan walt'añ utjkani ukkhakiw jumarux yatiyapxätam. Ukhamat jumax ch'am jan tukxätati, jupanakaw yanapapxarakïtam.

Éxodo 19:11

jurpür willjtatak sum wakichasipxpan, naya, Tatitusti jurpür willjtaw Sinaí qullur saraqanï, taqi israelitanakan uñjkaña.

Éxodo 19:20

Tatitux Sinaí qulluruw saraqanïna, uka patar makhatañapatakiw Moisesar jawsäna. Moisesasti makhatänwa.

Éxodo 34:5

Ukatsti Tatitux qinayanjam saraqanïna, ukan Moisesamp parläna, jupan sutip arsusïna.

Isaías 44:3

nayax wasaran uma jalayä, waña uraqinsti jisk'a jawiranak jalayä. Wawanakamarusti mä machaq jakañ churä, jupanakxarux suma waxt'äwinak apayanï.

Isaías 63:11

Jupanakasti nayra pachanakat amtasipxi, khititix markapar qhispiyki uka Moisesat amtasipxi, jiskt'asipxarakïnwa: “¿Kawkinkarak Nilo jawirat Moisesar qhispiyki uka Diosasti? Uka Moisesax israelitanakan jilïripächixaya. ¿Kawkinkarak khititix Moisesar Qullan Ajayupa churki uka Diosasti?

Joel 2:28

28 (1) “Taqi akanak qhipatsti, nayax jaqinakxaruw ajayux khithanï; yuqanakamasa, phuchhanakamasa, nayat parlapxani, chuyman jaqinakasti samkanak samkasipxani, waynanakasti jutir urut unañchäwinak uñjapxarakini.

Números 11:25

Ukapachasti Tatitux qinayanjam saraqanisinxa, Moisesampiw parläna; ukatsti Moisesan utjkän uka ajayut apaqäna, ukatsti uka paqallq tunka jilïr jaqinakaruw churäna, ajayux jupanakxar purkän ukkhasti, jupanakax Tatitut katuqat arunak yatiyañ qalltapxäna; ukasti mä kutikiw ukham lurasïna.

Números 12:5

Ukapachaw Tatitux qinay taypinjam saraqanïna, ukatsti Jikisiñ Carpa mantañawjaruw sayt'asïna; ukatsti Aaronampiru, Mariampiruw jawsäna, jupanakax uñstapkän ukkhasti,

Números 12:8

jupampisti ajanuy ajanuw parlta, qhana arunakampiraki. Jupatix ajanuy ajanu uñjchitu ukasti, ¿kunatarak jumanakasti jupar k'umipxtasti?” sasa.

Números 27:18

Tatitusti Moisesarux sarakïnwa: —Josué sat Nun chachan yuqapar irpanim, jupax suma chuyman jaqiwa. Jupar amparamamp luqxatam,

Números 7:89

Moisesax Tatitump parlañatak Jikisiñ Carpar mantkän ukapachasti, Tatitun jupar parlaskatap ist'äna, arust'äwi arcan qhuphiñ patapankir pä querubines sat chhiqhaninak taypita.

Juan 3:13

Janiw khitis alaxpacharux makhatkiti, jan ukasti khititix alaxpachat saraqanki ukakiw makhati, ukasti alaxpachankir Jaqin Yuqapawa.

Juan 7:39

Ukampix Jesusax sañ munäna, khitinakatix iyawsapkani ukanakax Qullan Ajayu katuqapxani; Qullan Ajayux janïraw jupanak taypinkkänti, Jesusan alaxpachar janïr aptatätap layku.

Romanos 8:9

Ukampis jumanakax janiw janchin munañaparjam jakxapxtati, jan ukasti, Ajayun munañaparjamaw jakxapxtaxa, Diosan Ajayupaw jumanakan jakxi. Khititix Criston jan Ajayupanïki ukanakax janiw Cristonkirïkiti.

1 Corintios 2:12

Jiwasasti janiw akapachankir ajay katuqktanti, jan ukasti Diosat jutki uka Ajay katuqtan, ukhamat kunanaktix Diosax munasiñapan churkistu uk amuyt'añasataki.

1 Tesalonicenses 4:8

Ukhamasti khititix aka yatichäwir jisk'achki ukax janiw khiti jaqirus jisk'achkiti, jan ukasti Diosaruw jisk'achaski, khititix Qullan Ajayup churkistu ukaru.

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

Judas 1:19

Uka jaqinakaw t'aqanuqtañanak utjayapxi; janchin munañanakaparjamakiw sarnaqapxi, janiw Tatitun Ajayupanïpkisa.

1 Samuel 10:6

Ukapachaw Tatitun ajayupax jumxaru jutani, jupanakamp chikaw profecía arunak arsüta, yaqha jaqiruw tukurakïta.