Números 11:16 - Qullan Arunaka DC

¹⁶ Tatitusti Moisesar sänwa: —Israelitanak taypit paqallq tunka jilïr chachanak tantacham, jupanakasti juman uñt'at marka sarayir jaqinakäñapawa, jupanakarusti Tatitump Jikisiñ Carpar irpanim, ukan jumamp chik suyapxpan.

Aymar Bibliia 1986

¹⁶ Ucampis Tatitojj juparojj sänwa: —Tantacham pakallk tunca israelitanacan jilïriparu, cawquïrinacatejj marcar apnakerjamäqui ucanacaru, ucatsti irpanim Tatitumpi Jiquisiñ Carparu, ucan suyapjjpan jumamp chica.

Qullan Arunaca

¹⁶ Ucampis Tatitojj juparojj sänwa: —Tantacham pakallk tunca israelitanacan jilïriparu, cawquïrinacatejj marcar apnakerjamäqui ucanacaru, ucatsti irpanim Tatitumpi Jiquisiñ Carparu, ucan suyapjjpan jumamp chica.

Números 11:16 Jak'a apnaqawi uñst'ayäwi

Génesis 46:27

Josean wawanakapasti paninïnwa, jupanakasti Egipton yuripxarakitayna. Ukhamasti Jacobun wila masinakapax paqallqu tunkaniw Egipto markar puripxäna.

Éxodo 18:25

Israelitanak taypit suma amuyt'an jaqinak ajllïna, jupanakarusti waranqa jaqinakxaruw jilïrit uchäna, mayninakarux patak jaqinakxaru, mayninakarusti phisqa tunka jaqinakxaru, yaqhipanakarusti tunka jaqinakxaruraki.

Éxodo 24:1

Tatitux Moisesarux sänwa: —Nayan ukar makhatanim, Aarón, Nadab, Abihú, israelitanakan paqallq tunka jilïrinakapampi; ukampis janiw jak'achasinipxitätati, jaya chiqar purisin ukawjaruw killt'asipxäta.

Éxodo 24:9

Moisesasti qulluruw makhatäna Aaronampi, Nadab, Abihú, ukhamarak Israelankir paqallq tunka jilïr jaqinakampi.

Éxodo 4:29

Ukatsti Moisesampi, Aaronampix israelitanakan jilïrinakaparuw tantachthapipxäna.

Jeremías 19:1

Tatitux sarakituwa: “Saram, ukatsti ñiq'it lurat mä wayucha alanim, ukatsti markankir jilïrinakaru, yaqhip jilïr sacerdotenakar jawsarakim.

Ezequiel 8:11

Ukatsti uñjaraktwa israelitanakan paqallqu tunka jilïr jaqinakaparu uka idolonakar yupaychaskiri, uka jilïrinak taypinsti Safán sat jaqin Jaazanías yuqapaw ukankarakïna. Sapa maynis incienso q'aphichañ wayt'atkamänwa, incienso jiwq'ix qinayar uñtataw misturakïna.

Números 11:24

Ukatsti Moisesax kuntix Tatitux jupar siskatayna ukanak markar yatiyir saräna, paqallq tunka israelitanakan jilïrinakaparuw tantachäna, jupanakarusti qullan utjäwi muytaruw uchäna.

Números 16:25

Moisesasti sayt'asisin Datán, Abiram jaqinakan ukaruw saräna, jupamp chikasti Israelan jilïrinakapaw sararakïna.

Lucas 10:1

Uka qhipatsti, Jesusax yaqha paqallq tunka payaniruw ajllïna, jupanakarusti Jesusax kawkha markanakarutix sarañapäkän ukanakaruw jupat nayra panin panin khithäna.

Lucas 10:17

Paqallq tunka payanix wali kusisitaw kuttanxapxäna, juparusti sapxänwa: —Tatay, ñanqha ajayunakamppachaw sutimar jaysapxitu —sasa.

Deuteronomio 1:15

“Ukat nayax sapaqat ayllunakam taypit amuyt'ani jaqinak ajllïyäta, yatiñan jaqinakaru, jumanakar apnaqañapataki; yaqhiparux waranqa jaqinak apnaqañapatakiw uchäyäta, yaqhiparusti patak jaqinak apnaqañapataki, mayninakarux phisqa tunka jaqinak apnaqañapataki, mayninakarusti tunka jaqinak apnaqañapataki, yaqhanakarusti sapaqat ayllunakan jilïripäñapataki.

Deuteronomio 16:18

“Tatit Diosamax sapa aylluruw markanak churani, jumanakasti sapa markanakan taripirinakampi, jilïri jaqinakamp utt'ayasipxäta, jupanakan suma chiqa kankañampi markar taripañapataki.

Deuteronomio 31:28

Jichhax markan jilïrinakapampiru, ayllunakan jilïr jaqinakapampir akar irpanipxam, nayan aka arunak jupanakar yatiyañaxataki, alaxpachampi akapachampiw ukanakat qhanañchani.