Mateo 7:7 - Qullan Arunaka DC

⁷ “Mayipxam, Diosax churapxätamwa; thaqhapxam, jikxatapxätawa; punku liqt'apxam, jist'aratäpxätawa.

Aymar Bibliia 1986

⁷ “Mayipjjam, Diosajj churapjjätamwa; thakapjjam, jicjjatapjjaraquïtawa; puncsa lekt'apjjam, jist'aratäpjjaraquïtawa.

Qullan Arunaca

⁷ “Mayipjjam, Diosajj churapjjätamwa; thakapjjam, jicjjatapjjaraquïtawa; puncsa lekt'apjjam, jist'aratäpjjaraquïtawa.

Mateo 7:7 Jak'a apnaqawi uñst'ayäwi

Génesis 26:32

Isaacan uywatanakapax uka pachpa ururakiw jupar yatiyir jutapxäna, sapxarakïnwa: —¡Uma jikxatapxta, kawkhantix phuch'u allisipkäyät ukkhana! —sasa.

1 Reyes 3:5

Mä arumasti, Gabaón chiqanxa, Tatituw Salomonar samkan uñstäna, juparusti akham sarakïna: “Kuntix mayiñ munkista uk mayita, nayasti churämawa” sasa.

Salmos 10:17

Tatay, jumaw jan yäqat jaqinakan mayisitap ist'asktaxa, jumaw chuymachtaxa, ch'amañcharaktaxa.

Salmos 10:4

Ñanqha lurir jaqix, nasa qhiwtasaw arsu: “Janiw Diosax utjkiti, janiw khitis lurataxat wayt'irix utjkiti” sasa. Ukak jupax lup'iski.

Salmos 119:12

¡Tatay, jumax qullanätawa! ¡Kamachinakamay yatichita!

Salmos 27:8

Chuymaxax situwa: “Tatitur thaqtam.” Nayasti, Tatay, jumaruw thaqtsma.

Salmos 34:4

4 (5) Tatituruw nayax art'asta, jupasti ist'ituwa, taqi llakinakaxatarak irpsutu.

Salmos 37:4

Tatiturux suma chuymamp munasim, jupasti mayisitamarjamaw churätam.

Salmos 50:15

Llakitäkät ukkhax nayar jawsita; nayasti qhispiyämawa, jumax jach'aruw aptarakitäta” sasa.

Salmos 69:32

32 (33) Uk uñjasax llakitanakax kusisipxaniwa, Diosar thaqhirinakan chuymanakapasti ch'amañchasiniwa;

Salmos 70:4

4 (5) Jumar thaqhirinakasti taqinipun kusisipxpan; qhispiyäwim thaqhirinakax wiñayapun arsupxpan: “¡Diosax jach'a ch'amaniwa!” sasa.

Salmos 86:5

Tatay, jumax munasiñanïtawa, juch pampachirirakïtawa; jumar art'asirinakatakix munasirïtawa.

Proverbios 8:17

Nayar munasirinakarux munastwa, nayar thaqhirinakasti, jikxatapxituwa.

Cantar de los cantares 3:2

Ukat sartasin markpach muytanta, thakhinakana, plazanakan munasitaxar thaqhasa.

Isaías 30:19

Jerusalenan jakir israelitanaka, janiw juk'ampi jachkxapxätati. Yanap mayisisa arnaqasitamatxa, Tatituw khuyapt'ayasïtam, arnaqasitam ist'asinsti jaysarakïtamwa.

Jeremías 33:3

Nayar art'asita, nayasti ist'ämawa, ukatsti kuna muspharkañanaktix jumax jan yatkta, ukanak uñacht'ayäma.

Amós 5:4

Tatitux israelitanakar akham siwa: “Nayar thaqhapxita, ukatsti jakasipkätawa.

Mateo 18:19

“Sapxaraksmawa, paninitix akapachan mä sapa amtañampi mä kunsa Diosat mayipxätaxa, alaxpachankir Awkixax churanipxätamwa.

Mateo 21:22

Taqi kuntix iyawsañ chuymampi Diosar mayisipkäta ukxa, katuqapxätawa.

Mateo 6:33

Ukhamasti, nayraqatax Diosan qhapaq markap thaqhapxam, kunatix jupan nayraqatapan chiqäki ukarak lurapxam, ukatsti taqi yänakax churatakïsipkätawa.

Mateo 7:11

Jumanakatix, jan wali jaqïkasin, sumäkis uk wawanakamar churapxstaxa, ¡alaxpachankir Awkimasti, khitinakatix jupar mayki ukanakarux juk'amp sumanak churarakinixa!

Mateo 7:8

Mayirix katuqiwa; thaqhirix jikxatiwa; punku liqt'irirusti jist'aratawa.

Marcos 11:24

Ukatpï sapxsmaxa, taqi kuntix Diosat mayipkät ukaxa, katuqapkasmas ukham iyawsapxäta, ukasti ukhamapunïniwa.

Lucas 13:25

Utanisti sartasin punku jist'antipanxa, jumanaka anqankirinakax punku liqt'apxäta: ‘Tatay, jist'art'apxita’ sasa. Ukampis jupax sapxätamwa: ‘Janiw uñt'apksmati kawkinkirïsipkstaxa’ sasa.

Lucas 18:1

Jesusasti mä uñtasïwi tuqiw yatichäna, jan mayjt'asis Diosat mayisiñataki.

Juan 15:16

Janiw jumanakax nayar ajllisipkistati, jan ukasti, nayaw jumanakar ajllisipxsma, ukatsti walja achunak churapxañamatakiw khithapxsma, uka achun jan pist'añapataki. Ukhamat Awkix kuntix nayan sutixar mayipkäta uk churapxätam.

Juan 15:7

“Jumanakatix nayampi mayakïsipkätaxa, yatichäwinakaxarus jaysapxarakïtaxa, mayipxam kuntix munapkäta uka, ukatsti churatäpxätawa.

Juan 4:10

Jesusasti juparux sänwa: —Jumax janiw yatktati kuntix Diosax churañ munktam uka, janirakiw yatktati khitïtsa nayax uka. Yatisma ukkhasti, jumaw nayarux uma mayitasma, nayasti jakkir uma churirisma —sasa.

Romanos 2:7

Diosax wiñay jakañ churani taqi khitinakatix Diosan markapa, chiqa kankañampi jan inakt'as thaqhirinakaruxa;

Romanos 3:11

Janiw khiti amuyt'asiris utjkiti; janirakiw Diosar thaqhirix khitis utjkiti.

Hebreos 11:6

Jan iyawsañampix janiw Diosarux kusisiyksnati, Diosar jak'achasiñatakix maynix Diosan utjatap iyawsañapawa, jupar thaqhirinakar askinak waxt'irïtap iyawsañaparakiwa.

Santiago 5:15

Iyawsañampi Tatitur mayipkät ukkhaxa, usutax k'umaraptaniwa, Tatituw juparux sartayani; juchanïchi ukas pampachatäniwa.

1 Juan 3:22

kuntix maykañän uk jupax churistani, arunakaparjam phuqhatas layku, munataparjam luratas laykuraki.