Mateo 27:3 - Qullan Arunaka DC

³ Jesusar aljantir Judasasti, Jesusar jiwayañatak juchañchapxatap yatisinxa, chuymap wal usuyasïna, ukat sacerdotenakampiru, markan jilïrinakapampiru kimsa tunka qullqi kutiyxäna,

Aymar Bibliia 1986

³ Aljantir Judasasti, Jesusar jiwayañapatac catuntat uñjasinjja wali llact'asïna catuyatapatjja, ucatwa uca quimsa tunca kollkjja sacerdotenacan jilïriparu chuymani jilïrinacampirojja cutt'ayjjäna.

Qullan Arunaca

³ Aljantir Judasasti, Jesusar jiwayañapatac catuntat uñjasinjja wali llact'asïna catuyatapatjja, ucatwa uca quimsa tunca kollkjja sacerdotenacan jilïriparu chuymani jilïrinacampirojja cutt'ayjjäna.

Mateo 27:3 Jak'a apnaqawi uñst'ayäwi

Job 20:5

ñanqha lurir jaqin kusisiñapax juk'atakikiwa; kusist'añapasti jank'a tukusirikirakiwa.

Éxodo 21:32

Uka urqu vacatix mä uywat jaqiru, chacharusa warmirus waxrantchi ukaxa, urqu vacarux qalamp k'upjasaw jiwayatäñapa, vacanisti uywat jaqin uywiriparux kimsa tunka qullqi churañapa.

Zacarías 11:13

Tatitusti situwa: “¡Uka qullqinak katum, ukatsti Tatitun utapan qullqi uchañaru uchanim, ukkha sum nayar chaniñchapxitu!” sasa. Nayasti uka kimsa tunka qullqi katusaxa, Tatitun utapan qullqi uchañaruw uchanta.

Juan 13:2

Supayasti niyaw Simonan Judas Iscariote yuqapan chuymapar Jesusar aljantañ amta uchatayna. Jesusasti Diosat jutatap sum yatïna, ukatsti Diosar kutt'xañapa, Awkin taqi munañanïñ kankañ churatapsa yatirakïnwa; manq'kipansti, Jesusax sartasin patxa isip apsusïna, ukatsti ajanu phiskhurasiñ isimpiw wak'antasïna.

Juan 13:27

Judasan uka t'ant'a katuqipansti, supayax jank'akiw chuymapar mantäna. Jesusasti sarakïnwa: —Kuntix lurañamäki uk jank'ak luram —sasa.

Juan 18:3

Judasasti mä tama soldadonakampiw ukawjar purinïna, fariseonakampi sacerdotenakan jilïrinakapampix Tatitun utap uñjirinakat mä qawqhan khithankatayna ukanakamp chika. Jupanakax nuwasiñatak wali wakicht'ataw jutapxäna, micha qhananaka, nina wiyanak apt'ata.

Hechos 1:18

Jupax ñanqha luratapat qullqi katuqäna, uka qullqimpisti mä uraq aläna; ukatsti jupax p'iqit kayuni jalaqtasaw, purakas phallata, jiphillanakas allstat uñjasïna.

2 Corintios 7:10

Diosan munañaparjam llakisiñax qhispiyasiñ utjayi, janiw kunat llakisiñas utjkiti. Ukampis akapachan llakisiñapax jiwañ utjayi.