Mateo 27:2 - Qullan Arunaka DC

² Juparusti ñach'antat irpapxäna, ukatsti Pilatoruw katuyapxäna.

Aymar Bibliia 1986

² Juparusti ñach'antatwa apapjjäna Poncio Pilaton ucarojja.

Qullan Arunaca

² Juparusti ñach'antatwa apapjjäna Poncio Pilaton ucarojja.

Mateo 27:2 Jak'a apnaqawi uñst'ayäwi

Génesis 22:9

Kawkharutix Diosax uñacht'aykatayna uka chiqar purisinsti, Abrahamax mä altar luräna, ukxaruw phäña lawanak sum wakicht'arakïna; ukatsti Isaac wawapar ñach'antasaw phäñan wakicht'at altar patxar wayxatäna;

Mateo 20:19

juparusti yaqha markankir jaqinakaruw katuyapxani, jupanakan jupat larusipxañapataki, nuwjapxañapataki, cruzar ch'akkatapxañapataki; ukampis kimsür jiwatat jaktanxani.

Mateo 28:14

Uktix marka apnaqirix yatinixa, nanakaw jupampix parlasipkä, jumanakar jan juchañchaskañapataki —sasa.

Lucas 13:1

Uka urunakansti yaqhip jaqinakax, Jesusar yatiyiriw jutapxäna, kunjämtix Pilatox Galileankir mä qawqha jaqinakar jiwarayañatak khitkatayna, kunapachatix jupanakax Tatitun utapan wilañcha Diosar luqtasipkän ukkha.

Lucas 20:20

Uka qhipatsti jilïrinakax uñaqanak khithapxäna, jupanakax aski jaqinakjam tukusin Jesusar kuna arunsa pantjayañataki, ukatsti pantasitapat marka apnaqirinakar katuyañataki.

Lucas 23:1

Ukapachasti taqiniw sartasipxäna, ukat Jesusarux Pilaton ukar irpapxäna.

Lucas 23:12

Ukürunsti Pilatompi Herodesampix sumaruw mantxapxäna; nayrasti janiw walinkapkänti.

Lucas 3:1

Tiberio sat emperadorax niya tunka phisqan mara marka apnaqkän ukkhaxa, Poncio Pilatox Judea marka apnaqäna, Herodesasti Galilea marka apnaqarakïna, Filipo jilapasti Iturea markampi, Traconítede markamppach apnaqäna, Lisaniasasti Abilene marka apnaqarakïna.

Juan 18:12

Ukatsti tama soldadonakampi, jilïripampi, Tatitun utap uñjir soldadonakampix Jesusaruw katuntapxäna, ukatsti ñach'antapxarakïnwa.

Juan 18:24

Ukatsti Anasax sacerdotenakan jilïripa Caifasan ukaruw Jesusarux ñach'antat irpayäna.

Juan 18:28

Ukatsti Jesusarux Caifasan utapat marka apnaqirin utaparuw irpapxäna. Ukapachax niyaw willjtanxäna, judionakasti janiw uka utar mantapkänti saraparjam jan q'añuchasiñataki, mantapxasapän ukax janiw Pascua manq'a manq'apkasapänti.

Hechos 12:6

Mä arumaxa, Pedrox pani soldadonak taypin ikiskäna, pä cadenanakamp chinuntata. Anqansti, maynïr soldadonakax carcelar mantañ punku uñjasipkarakïna. Herodesax marka nayraqatan Pedror uñstayañ munkän uka nayräx uru.

Hechos 21:33

Jilïristi jak'achasisin Pablorux katuntäna, ukatsti pä cadenampiw ñach'antayäna. Ukat jaqinakar jiskt'araki: “¿Khitis aka jaqixa? ¿Kunarak lurataynasti?” sasa.

Hechos 22:25

Jawq'jañatak cadenanakamp chinuntatäxän ukapachasti, Pablox soldadonakan capitanaparuw jiskt'äna: —¿Jumanakax munañanïpxtati romano jaqir juchap janïr yatxatkasin jawq'añatakixa? —sasa.

Hechos 22:29

Uk ist'asinsti Pablor jawq'jañatakïpkäns uka jaqinakax jupat jithiqtawayapxi; jilïris axsaränwa, Pablon romano jaqïtap yatisin jupar cadenanakamp ñach'antayatapata.

Hechos 24:27

Pä mara qhipatsti, Félix chachax, janiw marka apnaqirïkxänti, jupa lantisti Porcio Festo sat chachaw marka apnaqañ qalltxäna. Félix chachasti judionakamp munayasiñ laykuw Pablorux katuntat jaytawayäna.

Hechos 28:20

Ukat jichhax jumanakar jawsayapxsma, jumanakamp jikisisin parlt'asiñataki. Jiwas israelitanakan suyt'äwiw utjkistu, uka suyt'äwi laykuw aka cadenanakamp ñach'antat uñjasta —sasa.

Hechos 3:13

Abraham, Isaac, Jacob nayra awkinakasan Diosapaw Jesús Yuqapar jach'ar apti. Uka Jesusarux jumanakaw jilïrinakar katuyapxtaxa, Pilato nayraqatan jupar jan uñt'ir tukupxaraktaxa, jupax antutañ amtaskatayna ukapacha.

Hechos 4:27

“Chiqpachansa, aka markan mayachasipxi Herodesampi, Poncio Pilatompi, romano jaqinakampi, Israel markampi qullan Jesús luqtirimar jiwayañataki, khitirutix nanakan reyixatak ajlliskta ukaru.

Hechos 9:2

mä qillqat mayiri, Damasco markankir sinagoganakar sarañataki, Cristor arkir jaqinakar thaqhiri, ukatsti, warminaksa, chachanaksa katuntasin Jerusalenar apaniñataki.

1 Timoteo 6:13

Jichhasti taqi kunar jakañ churir Diosan nayraqatapan sisma, Poncio Pilaton nayraqatapan aski luräwit arsur Jesucriston nayraqatapan saraksma,

2 Timoteo 2:9

Tatitun arunakap laykuw nayax t'aqhisiskta, jaqi jiwayirïkiristsa ukhamaw cadenamp chinuntat uñjasta; ukampis Diosan arunakapax janiw chinkatatäkiti.

Hebreos 13:3

Katuntat jaqinakat amtasipxam, jupanakamp chikas katuntatäpkasma ukhama. Khitinakatix chhuxriñchjatäpki ukanakat amtasipxam, jumanakax jupanakjamaw uñjasipxarakisma.

Jueces 15:12

Ukat juparux sapxäna: —Nanakax jumar katjiriw jutapxta, ukat filisteonakan amparapar katuyxañataki —sasa. Sansonasti sänwa: —Juramento lurarapipxita, jumanakan nayar jan jiwayañamataki —sasa.