Mateo 27:4 - Qullan Arunaka DC

⁴ akham sasa: —Jan juchan jaqir jiwayañatak katuyasaw juchan uñjasta —sasa. Jupanakasti sapxänwa: —¿Kamachapxarakï nanakasti? ¡Jumay kunarus tukuskamxa! —sasa.

Aymar Bibliia 1986

⁴ Jupanacarusti saraquïnwa: —Nayajj juchanïtwa mä jan juchanir catuntayañataquejja —sasa. Ucjjarusti mayninacajj sapjjaraquïnwa: —Jichhasti, ¿cunarac ucasti nanacataquisti? ¡Jumay cunarus tucuscamjja! —sasa.

Qullan Arunaca

⁴ Jupanacarusti saraquïnwa: —Nayajj juchanïtwa mä jan juchanir catuntayañataquejja —sasa. Ucjjarusti mayninacajj sapjjaraquïnwa: —Jichhasti, ¿cunarac ucasti nanacataquisti? ¡Jumay cunarus tucuscamjja! —sasa.

Mateo 27:4 Jak'a apnaqawi uñst'ayäwi

1 Reyes 21:27

Ahab reyisti Eliasan taqi uka arunakap ist'asinxa, isip ch'iyanuqasïna, ukatsti chhankha isinak uchasisin ayuno luräna. Uka isimpiw ikïna, wali llakitaw sarnaqarakïna.

Job 13:4

Jumanakax chiqapäki ukxa k'arisiñampiw imt'apxtaxa, jan khitirus waliptayir qullirinakäpxtawa.

Salmos 94:21

aski jaqir ñanqha lurañ amtirinakampi, jan juchan jaqir jiwayañatak juchañchirinakampi.

Éxodo 12:31

Uka arumpachaw faraonax Moisesampiru, Aaronampir jawsayanisax jupanakar säna: —¡Akat sarapxam! ¡Jumanakasa, israelitanakas markaxat jayar sarapxam! Mayipkista ukhamarjam Tatitumar yupaychir sarapxam.

Éxodo 9:27

Ukat faraonax Moisesampiru, Aaronampir jawsayanïna, jupanakarusti akham säna: —Nayan juchanïtax uñt'astwa. Nayampi, markaxampiw juchanïpxta, janiw Tatitun juchapäkiti.

Proverbios 12:8

Yatiñan jaqix, yatiñ kankañapatjam jach'ar aptatäni, jan amuyt'an jaqisti, jan amuyt'asirïtapat jisk'achatäni.

Jeremías 26:15

Ukampis ak sum yatipxam: Jumanakatix nayar jiwayapxitätaxa, taqi aka markankir jaqinakasa, jumanakasa mä jan juchan jaqir jiwayapxatamatxa, juchañchatäpxätawa, chiqpachansa Tatituw nayarux khithanitu taqi akanak jumanakar yatiyiri.”

Jonás 1:14

Ukatsti Tatituruw art'asipxäna: “Tatay, aka jaqin juchap laykux janikiy jiwañanakax munamti, aka jaqitix jan juchanïkasin jiwani ukkhasa, janirakï juchañchapxistati, ukampis jumax Tatay, munañamaruw lurtaxa” sasa.

Mateo 27:19

Ukatsti Pilaton taripañ qunuñapan qunt'atäskiriruw warmipax maynir khithatayna jupar akham siri: “Jan kuns uka jan juchan jaqimpix luramti, uka jaqi laykuw jichhärmax jan walinak samkasta” sasa.

Mateo 27:54

Jesusar uñjir capitanampi, soldadonakampisti, uraq khathatimpi, taqi kunatix luraskäna ukanakampi uñjasax, axsarañat sapxäna: —¡Aka jaqix chiqpachapuniw Diosan Yuqapätayna! —sasa.

Lucas 23:22

Kimsïr kutimpiw Pilatox jupanakar säna: —¿Kuna jan walpunrak luristi? Janiw nayax jupan jiwayatäñapatakix kuna jucha luratapsa jikxatkti. Jawq'jayä, ukat antutxäwa —sasa.

Lucas 23:41

Jiwasax juchasatjam t'aqhisisktan, ukampis jupax janiw kuna juchsa lurkiti —sasa.

Lucas 23:47

Kunapachatix Romankir capitanax ukham uñjkän ukkhaxa, Diosaruw yupaychäna: —Chiqapuniw aka jaqix jan juchanïkataynati —sasa.

Juan 19:7

Judeankir jilïr jaqinakasti sapxarakïnwa: —Mä kamachiw nanakan utjapxitu, uka kamachirjamasti, Diosan Yuqap tukutap laykux jiwañapawa —sasa.

Hechos 13:28

Jupar jiwayañatakix janiw kuna juchsa jikxatapkänti, ukhamäkipansa Pilatorux jiwañap mayisipkakïnwa.

Romanos 3:19

Kuntix kamachix siski uk yatipxtanwa, khitinakatix kamachirjama sarnaqapki ukanakaruw parli, taqin amukt'apxañapataki, taqi akapachankirinakax Diosan taripäwipar puriñapataki;

1 Timoteo 4:2

K'ari chuyman jaqinakaruw ist'apxani, uka jaqinakax luratanakapatsa janiw p'inqasipkiti.

Tito 1:16

Jupanakax: “Tatiturux uñt'apxtwa” sapxiwa. Ukatsti luräwinakapampix janiw ukham uñacht'ayapkiti, jupanakax uñisirinakäpxiwa, jan yäqasiñan qhuru jaqinakäpxiwa, janirakiw kuna sumsa lurirjamäpkiti.

Hebreos 7:26

Ukhamasti Jesusax suykäyätan uka Jilïr sacerdotewa. Jupax qullanawa, jan kuna juchani, jan akch'a q'añuni, juchaninakat jithiqtata, alaxpachatsa juk'ampi alayar aptataraki.

1 Pedro 1:19

jan ukax Tatit Jesucriston suma wilapamp alatawa. Jupasti mä suma q'uma jan kamacht'at ovejar uñtat luqtatarakïnwa.

1 Juan 3:12

Janiw Caín chachjamäñasäkiti, jupax supayankatap laykux jilaparuw jiwayi. ¿Kunatsa jiwayänxa? Cainan luratanakapax janiw walïkänti, jilapan luratapasti askïnwa.

Apocalipsis 11:10

Aka uraqin jakirinakasti wal kusisipxani jupanakan jiwarapxatapata. Kusisiñatsa jupanakkamaw churäwinaksa waxt'asipxani, uka pani profetanakan jaqinakar wali t'aqhisiyirïtap layku.

1 Samuel 15:24

Ukat Saúl reyix Samuelurux säna: —Jïsa, Tatitun arunakapar jan yäqasa, juman arsutanakamar jan ist'asaw juchachasta. Soldadonakaruw axsaräyäta, ukat mayitanakapar jaysta.

1 Samuel 15:30

Saúl reyix mä kutimpiw arsüna: —Chiqpachansa nayaw juchachasta. Ukampis taqi Israel markan jilïri jaqinak nayraqatana, taqi jaqinak nayraqatana, nayarux mä reyirjam uñjañamatakiw achikt'assma. Ukhamax nayampi chika Tatit Diosamar yupaychañatak sarañäni —sasa.

1 Samuel 19:5

filisteo jaqir jiwayañatakix jakañapsa apt'asirpachänwa, ukhamat Tatitux taqi israelitanakar qhispiyi. Juma munañan reyix ukham uñjasax kusisïyätawa. Ukhamasti, ¿kunatarak juma munañan reyisti jan juchani Davidar jiwayasin juchañchjasiñ muntasti? —sasa.