Lucas 22:34 - Qullan Arunaka DC

³⁴ Jesusax juparux sänwa: —Pedro, qhanak sisma, janïr wallpax art'kipan jichhürpachaw jumax kimsa kuti nayar jan uñt'ir tuküta —sasa.

Aymar Bibliia 1986

³⁴ Jesusajj juparojj sänwa: —Pedro, sismawa, jichhürpachaw janïra wallpajj art'quipan jumajj quimsa cuti nayar jan uñt'iri tucüta —sasa.

Qullan Arunaca

³⁴ Jesusajj juparojj sänwa: —Pedro, sismawa, jichhürpachaw janïra wallpajj art'quipan jumajj quimsa cuti nayar jan uñt'iri tucüta —sasa.

Lucas 22:34 Jak'a apnaqawi uñst'ayäwi

Mateo 26:34

Jesusasti juparux sänwa: —Qhanak sisma, jichha arumaw jumax wallpa janïr art'kipan nayarux jan uñt'ir tuküta —sasa.

Mateo 26:74

Ukapachaw jupax juramento luräna, ñanqha arumpiw sarakïna: —¡Janipuniw uka jaqirux uñt'kti! —sasa. Ukspachaw wallpax art'äna,

Marcos 14:30

Jesusasti juparux sarakïnwa: —Pedro, qhanak sisma, jumax jichha arumpacha, wallpax janïr pä kuti art'kani ukapachaw kimsa kuti nayar jan uñt'ir tuküta —sasa.

Lucas 22:33

Simonax Jesusar sänwa: —Tatay, jumamp chik carcelar sarañatakisa, jan ukax jumamp chik jiwañatakis jank'akïtwa —sasa.

Lucas 22:35

Ukat Jesusax jiskt'äna: —Kunapachatix jan wayaqani, jan qullqini, jan wiskhuni khithapkäyäsma ukkhax ¿kunarak pist'apxäyätamsti? —sasa. Jupanakasti sapxänwa: —Janiw kunasa —sasa.

Lucas 22:61

Tatitusti kutikipstasin Pedrorux uñtäna, Pedrosti kuntix Jesusax siskatayna uka arunakat amatasïna: “Jichhüru, wallpax janïr art'kipanwa nayarux kimsa kuti jan uñt'ir tuküta” sasa.

Juan 13:38

Jesusasti juparux sarakïnwa: —¿Naya layku jakañam churañatakix jank'akïtati? Qhanak sisma, wallpa janïr art'kipan jumax kimsa kuti nayar jan uñt'ir tuküta —sasa.

Juan 18:27

Pedrosti wasitatampiw jan uñt'ir tuküna, ukspachaw wallpax art'äna.