Lucas 22:33 - Qullan Arunaka DC

³³ Simonax Jesusar sänwa: —Tatay, jumamp chik carcelar sarañatakisa, jan ukax jumamp chik jiwañatakis jank'akïtwa —sasa.

Aymar Bibliia 1986

³³ Simonajj sänwa: —Tata, janc'aquïtwa jumampi sarañataquejja carcelarusa uqhamarac jumamp chic jiwañataquisa —sasa.

Qullan Arunaca

³³ Simonajj sänwa: —Tata, janc'aquïtwa jumampi sarañataquejja carcelarusa uqhamarac jumamp chic jiwañataquisa —sasa.

Lucas 22:33 Jak'a apnaqawi uñst'ayäwi

Proverbios 28:26

Jupa pachpan amuyt'äwipar alkatasir jaqixa; jan amuyt'asir jaqiwa, yatiñ kankañamp sarnaqir jaqisti qhispitaw uñjasini.

Jeremías 10:23

Tatay, nayax yattwa, jaqix janiw jakañap alaskiti, janirakiw kawkir saratapsa yatiskiti.

Jeremías 17:9

“Jaqin chuymapjam ñanqha, sallqjirix janiw utjkiti. ¿Khitis ukan ukhamätap amuyt'aspa?

Mateo 20:22

Jesusasti ukxarux sarakïnwa: —Jumanakax janiw yatipktati kuntix mayipkta ukxa. ¿Kawkïr k'allk'u umtix umt'kä uk umt'apxasmati? Jupanakasti sapxänwa: —Umt'apxiristwa —sasa.

Marcos 14:29

Pedrosti ukxarux sänwa: —Mayninakax taqinis mayjt'asis jumar jaytanukusipkpan, nayax janipuniw jumarux jaytanukkämati —sasa.

Marcos 14:31

Ukham siskatpachas Pedrox arsuskakïnwa: —Jumamp chik jiwañaxas wakischini ukasa, janipuniw jumar jan uñt'irix tukkämati —sasa. Taqinirakiw uka kipka sapxäna.

Lucas 22:34

Jesusax juparux sänwa: —Pedro, qhanak sisma, janïr wallpax art'kipan jichhürpachaw jumax kimsa kuti nayar jan uñt'ir tuküta —sasa.

Lucas 22:57

Pedrosti jan uñt'iriw tuküna: —Warmi, janiw nayax uñt'kti —sasa.

Juan 13:38

Jesusasti juparux sarakïnwa: —¿Naya layku jakañam churañatakix jank'akïtati? Qhanak sisma, wallpa janïr art'kipan jumax kimsa kuti nayar jan uñt'ir tuküta —sasa.

Hechos 21:13

Ukampis Pablox sänwa: —¿Kunatsa jachapxta? Ukham jachasax nayar llakisiyapxistawa. Nayax ñach'antayasiñatakisa, Jerusalén markan Tatit Jesús layku jiwañatakis wakicht'atakïsktwa —sasa.