Lucas 22:35 - Qullan Arunaka DC

³⁵ Ukat Jesusax jiskt'äna: —Kunapachatix jan wayaqani, jan qullqini, jan wiskhuni khithapkäyäsma ukkhax ¿kunarak pist'apxäyätamsti? —sasa. Jupanakasti sapxänwa: —Janiw kunasa —sasa.

Aymar Bibliia 1986

³⁵ Ucat Jesusajj jisct'äna: —Cunapachatï qhitapcsma jan bolsani, jan kollkeni, ni wisqhunsa, ucqhajja ¿cunas jan utjapcayätamjja? —sasa. Jupanacasti sapjjänwa: —Janiw cunasa —sasa.

Qullan Arunaca

³⁵ Ucat Jesusajj jisct'äna: —Cunapachatï qhitapcsma jan bolsani, jan kollkeni, ni wisqhunsa, ucqhajja ¿cunas jan utjapcayätamjja? —sasa. Jupanacasti sapjjänwa: —Janiw cunasa —sasa.

Lucas 22:35 Jak'a apnaqawi uñst'ayäwi

Génesis 48:15

Ukatsti aka arunakampiw Josear aski waxt'äwinak churäna: “Abraham achachilaxana, Isaac awkixan Diosapawa, yurïwixatpach irpaskitu.

1 Reyes 11:22

Faraonasti ukxaruw säna: —¿Kunatakirak uraqimar kutt'añ muntasti? ¿Kunarak naya jak'an pist'tamsti? —sasa. Hadad chachasti sänwa: —Janiw kunas pist'kituti, ukampis sarañpun munta —sasa.

Salmos 23:1

Tatituw awatirixaxa, janiw kunatsa t'aqhiskäti:

Salmos 37:3

Tatitur taqi chuymamp alkatasax ask luram, aka uraqin utjasim, chiqaparak sayt'am.

Lucas 10:4

Jan apapxamti: qullqi wayaqa, manq'añanaka, wiskhunaka; thakhinsti janirak khitir aruntañatakis qhiparapxamti.

Lucas 22:34

Jesusax juparux sänwa: —Pedro, qhanak sisma, janïr wallpax art'kipan jichhürpachaw jumax kimsa kuti nayar jan uñt'ir tuküta —sasa.

Lucas 22:36

Ukat Jesusax sarakïna: —Jichhasti qullqinix, qullqip apasinpan, ukhamarak manq'añanaksa; khititix jan espadanïki ukax isip aljasisin espada alaspan.

Lucas 9:3

Jupasti sarakïnwa: —Thakhitakix janiw thujrsa, wayaqsa, t'ant'sa, qullqsa, isinaksa apasipxätati.

2 Corintios 8:15

Qillqatan siski ukhamarjama: “Walja apthapisirinakarux janiw jilt'känti, juk'ak apthapisirinakarus janirakiw pist'känti” sasa.

Deuteronomio 8:16

Ukatsti wasaran maná sat manq'a manq'ayapxtam, janiw nayra awkinakamas uka manq'a uñt'apkataynati, ukhamat jumanakar yant'añataki, llamp'u chuymanïñ yatiqapxañamataki, ukasti jumanakan askimatakirakïnwa.