Lucas 20:21 - Qullan Arunaka DC

²¹ Khithanakasti Jesusaruw jiskt'apxäna: —Yatichiri, yatipxtwa juman arsutamasa, yatichatamas chiqätapa, janirakiw jumax aliq uñkatasak juchañchktati, jan ukasti chiqpachpun Diosan thakhip yatichtaxa.

Aymar Bibliia 1986

²¹ Ucatwa acjja jisct'apjjäna: —Yatichiri, yatipjjtwa juman satamasa uqhamaraqui yatichatamas chekätapa, janiraquiw jumajj juchañchctati uñcatasaquejja, jan ucasti chek yatichtajj Diosan thaquipjja.

Qullan Arunaca

²¹ Ucatwa acjja jisct'apjjäna: —Yatichiri, yatipjjtwa juman satamasa uqhamaraqui yatichatamas chekätapa, janiraquiw jumajj juchañchctati uñcatasaquejja, jan ucasti chek yatichtajj Diosan thaquipjja.

Lucas 20:21 Jak'a apnaqawi uñst'ayäwi

2 Crónicas 19:7

Ukhamasti Tatiturux axsarapxam, luratanakam wal amuyasipxarakim, Tatit Diosasax janiw aliqak uñkatkiti jan chiqapar uñjirinakaru, maynitak arxatasirinakaru, qullqi chilltayasirinakarusa” sasa.

Job 34:19

Jupax janiw marka apnaqirinakat arxataskiti, janirakiw qamirinakarus jan kunaninakat sipan juk'amp khuyapayaskiti, jupaw taqpachanir irnuqasistu.

Salmos 12:2

2 (3) Maynit maynikamaw k'arintasipxi, sallqa chuymampiw parlapxi, ch'uxña chuymampiw arsupxi.

Salmos 55:21

21 (22) Arunakapax lik'it sipan juk'ampi quñawa, amuyunakapasti nuwasiñ amuyunakawa. Arsutanakapax aceitet sipan juk'ampi llamp'uwa, ukampis ari espadanakar uñtatawa.

Mateo 22:16

Ukatsti Jesusan ukaruw khithapxäna mä qawqha fariseonakampi, Herodesan arkirinakampi, akham sañapataki: —Yatichiri, yatipxtwa chiqa arsur jaqïtama, taqi kunan Diosar jaysañxat yatichatama, kuns jaqix yatichäwimat saskpan ukar juman jan yäqatamsa.

Marcos 12:14

Jupanakasti purinisinxa sapxänwa: —Yatichiri, yatipxtwa chiqa arsur jaqïtama, kuns jaqix yatichäwimata saskpan ukar juman jan yäqatamsa, ukampis jumax taqi kunan Diosar jaysañxat yatichtaxa. Jichhax sapxita: ¿Cesarar qullqi churañax wakisiti, jan ukax janicha? ¿Churapxiristti jan ukax janicha? —sasa.

Lucas 20:20

Uka qhipatsti jilïrinakax uñaqanak khithapxäna, jupanakax aski jaqinakjam tukusin Jesusar kuna arunsa pantjayañataki, ukatsti pantasitapat marka apnaqirinakar katuyañataki.

Lucas 20:22

Sapxita: ¿Romankir Cesarar qullqi churañax walikïskiti, janicha? —sasa.

Juan 3:2

Jupasti mä arumaw Jesusan ukar saräna, ukat jupar sarakïna: —Yatichiri, Diosan jumaru nanakar yatichiri khithanitap yatipxta; janiw khitis jumax lurkta uka muspharkañanak lurkaspati, janitix Diosax jupampïkaspa ukaxa —sasa.

2 Corintios 2:17

Janiw nanakax Diosan yatiyäwi arunakap aljas sarnaqapkti, kunjämtix waljaninakax lurapki ukhama; jan ukasti, taqi chuymaw Diosan nayraqatapan yatiyapxta, Cristompi mayakïtanakax layku.

Gálatas 1:10

Janiw nayax jaqinakampi walikiw sayasiñ munkti, jan ukasti Diosan nayar walikiw sañap munta. Janiw jaqin munataparjam kusisiyañ munkti. Nayatix jaqinakampi sumat uñt'ayasiñ muniristxa, janiw Criston luqtiripäkxiristti.

Gálatas 2:6

Ukampis aytat jilïrinakat uñt'atanakax janiw kuna jan uñt'at machaq yatichäwsa yapxatapkiti, nayax yatiykta uka suma yatiyäwi arunakxaruxa. Chiqpachan aytat jilïrinakäpxchi, jan aytat jilïrinakäpxchi uk yatiñ janiw munkti, Diosax janiw jaqin uñnaqap uñch'ukkiti.