Lucas 20:22 - Qullan Arunaka DC

²² Sapxita: ¿Romankir Cesarar qullqi churañax walikïskiti, janicha? —sasa.

Aymar Bibliia 1986

²² Sapjjeta, ¿waliquïsquiti Romanquir emperadorar impuesto pagañajja, janicha? —sasa.

Qullan Arunaca

²² Sapjjeta, ¿waliquïsquiti Romanquir emperadorar impuesto pagañajja, janicha? —sasa.

Lucas 20:22 Jak'a apnaqawi uñst'ayäwi

Esdras 4:13

Ukxarusti juma jach'a munañan reyirux yatiyanipxaraksmawa, uka markatix wasitat luratäxani, pirqanakapas sayt'ayatäxarakini ukkhaxa, janiw kuna impuestonaksa churañ munkxapxaniti, ukatsti reyin markapan utjir qullqipas aynacht'aniwa.

Esdras 9:7

Khä urunakatpach jichhakamaw wali jucha lurañan jakapxta. Juchanakax laykuw nanakasa, reyinakaxasa, sacerdotenakaxas yaqha markanakankir reyinakan munañanakapar katuyat jikxatasipxta. Ukatxa chhuxriñchjata, jayar apanukuta, lunthatjata, jisk'achjata jikxatasipxäyäta, jichhasti uka pachpa luräwiruw puripxarakta.

Nehemías 5:4

Yaqhanakasti sapxarakïnwa: “Nanakax reyir impuesto churañatakix, uraqinakaxa, uva yapunakaxa ukanakxaruw qullqi mayt'asipxta” sasa.

Nehemías 9:37

Kunanakatix jilarkir achki ukanakax reyinakatakikiwa, nanakan jucha luratanakax laykuw ukar puriyapxista, jupanakax munañaparuw apnaqapxitu nanaksa, uywanakaxsa. Ukat nanakax wali llakt'asitäpxta.”

Mateo 17:25

Pedrosti sänwa: —Jïsa, churiwa —sasa. Ukatsti, kawkhankapkäntix mayninakax uka utar Pedron mantkipansti, Jesusax jupar jiskt'änwa: —Simón ¿kunjämsa uka tuqit amuyta? Akapach reyinakax ¿khitinakarus qullqinaksa, yaqha churäwinaksa mayixa, jupanakankirinakaruti, jan ukax yaqha markankirinakarucha? —sasa.

Lucas 20:21

Khithanakasti Jesusaruw jiskt'apxäna: —Yatichiri, yatipxtwa juman arsutamasa, yatichatamas chiqätapa, janirakiw jumax aliq uñkatasak juchañchktati, jan ukasti chiqpachpun Diosan thakhip yatichtaxa.

Lucas 20:23

Jesusasti jupanakan jan wali amtañanïpxatap amuyasin, jupanakar sarakïna:

Lucas 23:2

Pilato nayraqatan juchañchañ qalltapxäna akham sasa: —Aka jaqirux markasar pixtuskir katjapxta. Ukatsti ‘Impuestox janiw Romankir emperadorarux churañäkiti’ siwa, ukhamarus nayax ‘Cristötwa’ sarakiwa, mä arunsti ukax ‘rey’ sañ muni —sasa.

Hechos 5:37

Uka qhipatsti, Israelankirinakar jakthapïwi urunakanxa, Galileankir Judas satarakiw sartäna, juparusti waljaniw arkapxäna; ukampis juparux jiwayapxarakikïnwa, arkirinakapasti aywinukxapxänwa.

Romanos 13:7

Taqinirus wakisitaparjam churapxam: Qullqi churañächi ukasti, churapxam; impuestonak churañächi ukasti, churapxam; yäqañ wakischi ukasti, yäqapxam, jach'añchañ wakischi ukasti, jach'añchapxam.

Deuteronomio 17:15

Ukhamäni ukaxa, kawkïr jilamarutix jumanak taypit Tatit Diosamax ajlliskani ukarukiw reyit utt'ayasipxäta. Janiw mä yaqha markat jutir jaqirux reyit utt'ayasipxätati, jan ukasti marka masimarukiw reyit utt'ayasipxäta.