Lucas 20:20 - Qullan Arunaka DC

²⁰ Uka qhipatsti jilïrinakax uñaqanak khithapxäna, jupanakax aski jaqinakjam tukusin Jesusar kuna arunsa pantjayañataki, ukatsti pantasitapat marka apnaqirinakar katuyañataki.

Aymar Bibliia 1986

²⁰ Ucatsti uñakanac qhitapjjäna, ucanacajj cheka jakenacjam tucusina, cun sasins jupar pantjasiyañataqui ucat marca apnakerinacar catuyañataqui.

Qullan Arunaca

²⁰ Ucatsti uñakanac qhitapjjäna, ucanacajj cheka jakenacjam tucusina, cun sasins jupar pantjasiyañataqui ucat marca apnakerinacar catuyañataqui.

Lucas 20:20 Jak'a apnaqawi uñst'ayäwi

2 Samuel 14:2

ukhamasti, Tecoa markat mä sallqjir warmi irptayanïna. Ukat jupar sarakïna: “Jumax wali llakt'atäkasmas ukhamaw tuküta, llaki isimpi uchasim; janiw kuna q'apkir qullanaksa uskusïtati, walja urunak ukham llakit sarnaqkasma, wawamas jiwkaspa ukhamaw tuküta.

Salmos 38:12

12 (13) Nayar jiwayañ munirinakax sipitanak ucharapipxitu; aynacht'añax munirinakasti jiwayañ munapxitu, sapüruw nayar jan walt'ayañatak lup'ipxi.

Salmos 66:3

Diosarux sapxam: “Luratanakamax muspharkañapuniwa. Timanakamax jach'a ch'amam laykuw nayraqataman axsarañat tinkurapxi;

Salmos 81:15

15 (16) Tatitur uñisirinakax axsarañat liwirtapxaspa, juchañchäwipasti jan mayampitakïspawa.

Jeremías 11:19

Nayax mä khariñ ovejar uñtata aliqakiw ukankaskäyäta, janirakiw nayatak jan walinak amtapxatapsa yatkäyätti. Jupanakax sapxänwa: “Jichhax mä quqarjam tinkuyañäni, achunakapsa q'al tukjañäni; aka uraqin jakirinak taypitsa jik'inukuñäni, ukhamat khitis jupat jan mayampi amtasxañapataki” sasa.

Jeremías 18:18

Jaqinakasti sapxarakïnwa: “Jichhax Jeremiasar jan walt'ayañatak mä amtäwir puriñäni. Jiwasar yatichir sacerdotenakax utjaskaniwa, amuyt'an jaqinakas iwxanakap churañatakix utjaskaniwa, Tatitun arunakap yatiyir profetanakas utjaskapuniniwa. Jeremías profetar jiwayapxañapatak k'arintapxañäni. Kuntix jupax siski uka arunakarus janirak yäqkañäniti” sasa.

Jeremías 20:10

Jaqinakan jisk'at parlasitanakapsa ist'araktwa: “¡Taqi chiqansa axsarañakiw utjaski!” sasa. “¡Jutapxam, juchañchapxañäni!” sapxiwa. Pachpa masinakaxas nayan pantjasiñax suyt'apxi. “Inas sallqjayaschini; ukat atipjañäni, jupatsa phuqsusirakiñäni” sapxarakiwa.

Daniel (hebreo) 6:4

4 (5) Ukhamïpan, uñjir jaqinakaxa, marka apnaqirinakasa kunaymanit Danielarux aynacht'ayañ thaqhapxäna, janiw sum apnaqirïkiti sasa reyi nayraqatan aynacht'ayañataki, ukampis Danielax lurañanakap sum luräna, janiw juparux kunjämatsa aynacht'ayirjamäpkänti.

Mateo 27:2

Juparusti ñach'antat irpapxäna, ukatsti Pilatoruw katuyapxäna.

Marcos 3:2

Jesusar uñisirinakasti jamasat uñch'ukisipkäna sábado urun qullanit janicha, uk yatiñataki, ukat juchañchañataki.

Lucas 11:54

ukhamat pachpa arupamp aynacht'ayañataki.

Lucas 20:21

Khithanakasti Jesusaruw jiskt'apxäna: —Yatichiri, yatipxtwa juman arsutamasa, yatichatamas chiqätapa, janirakiw jumax aliq uñkatasak juchañchktati, jan ukasti chiqpachpun Diosan thakhip yatichtaxa.

Lucas 20:26

Jaqinakan nayraqatapan satapampix janiw kunjämat aynacht'ayas katuntañjamäkänti, jan ukasti, Jesusan arsutapat wal muspharapxäna, ukat amukt'xapxarakïna.

2 Pedro 2:3

Uka k'ari yatichirinakan qullqir sinti munapxatap laykuxa, k'ari yatichäwinakampix jumanakat q'al taqi kunsa apsupxätam; ukampis Diosax nayratpach jupanakar juchañchxi, janirakiw mutuyäwit qhispipkaniti.