Lucas 2:11 - Qullan Arunaka DC

¹¹ Jichhürux mä Qhispiyiriw Davidan markapan jumanakatak yuri, jupasti CRISTO Tatituwa.

Aymar Bibliia 1986

¹¹ Jichhürojj jumanacataqui mä Khespiyiriw naci, Davidan marcapana, ucasti CRISTO Tatituwa.

Qullan Arunaca

¹¹ Jichhürojj jumanacataqui mä Khespiyiriw naci, Davidan marcapana, ucasti CRISTO Tatituwa.

Lucas 2:11 Jak'a apnaqawi uñst'ayäwi

Génesis 3:15

Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

Génesis 49:10

Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

Salmos 2:2

Akapach reyinakax mayacht'asipxiwa, jilïr jaqinakax mä amtañaruw puripxi, Tatitumpiru, ajllit reyipampir qallkatañataki.

Isaías 9:6

6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.

Mateo 1:16

Jacobux Josean awkipänwa, Joseasti Marian chachapänwa, uka Mariaw Jesusan taykapaxa, Cristo sapktan ukana.

Mateo 1:21

Mariax mä yuqall wawa wawachasini, juparusti JESÚS sasaw sutichäta, juparakiw markaparux juchapat qhispiyani” sasa.

Mateo 16:16

Simón Pedrosti sänwa: —Jumax Cristo Tatitütawa, jakkir Diosan Yuqapätawa —sasa:

Mateo 16:20

Ukatsti Jesusax jupan Cristötap jan khitir arsupxañapatakiw jupanakar iwxt'äna.

Lucas 1:43

¿Khitirakïpachät nayasti, Tatituxan taykapan nayar tumpt'ir jutañapatakisti?

Lucas 1:69

Mä ch'aman Qhispiyir khithani, David luqtiripan wawanakap taypita.

Lucas 2:26

ukarakiw juparux yatiyäna, Cristor uñjañkam jan jiwañapata.

Lucas 2:4

Ukat Joseax Galileankir Nazaret markat mistusinxa Judeankir Belén markaruw saräna, kawkhantix Davidax yurkatayna ukaru, Josean Davidan wila masipat jutirïtap layku.

Juan 1:41

Andresax janïr kunäkipan Simón jilapar thaqhirix saräna, ukat sarakïna: —Cristoruw jikxatapxta —sasa.

Juan 1:45

Felipesti Natanaelar thaqhiriw saräna, ukat sarakïna: —Moisesax khitittix kamachin qillqkäna, profetanakas qillqkarakïna juparuw jikxatapxta. Ukasti Nazaret markankir Josean yuqap Jesusawa, —sasa.

Juan 11:27

Martasti sarakïnwa: —Jïsa Tatay, jumax Diosan Yuqapa, Cristötawa, khititix akapachar jutañapäkän ukätawa —sasa.

Juan 20:31

Ukampis kunanakatix akan qillqatäki ukanakax Jesusan Cristötapa, Diosan Yuqapätap iyawsapxañamatak qillqatawa, jupar iyawsasinsti, wiñay jakañ katuqapxañamataki.

Juan 4:25

Ukxarusti warmix sarakïnwa: —Criston jutañap nayax yattwa; kunapachatix jupax jutkani ukkhaw taqi kun yatiyapxitani —sasa.

Juan 4:42

Ukat warmirux sapxäna: —Jichhax, janiw juman arsutamatakti iyawsapktxa, jan ukasti, nanak pachpaw jupat ist'apxtxa, jupan akapachan Qhispiyir Cristötap yatipxarakta —sasa.

Juan 6:69

Nanakax iyawsxapxtwa, jumax jakkir Diosan Yuqapa Cristötam yatipxarakta —sasa.

Juan 7:41

Mayninakasti sapxänwa: —Akax Cristowa —sasa. Ukampis mayninakax sapxarakïnwa: —¿Kamisarak Cristosti Galileat jutaspasti?

Hechos 10:36

Diosax Israelan wawanakaparuw parläna, sumankañ arunak Jesucristo tuqi yatiyasa, jupax taqi jaqinakan Tatitupawa.

Hechos 13:23

Uka kipka Davidat saraqiriw Jesusaxa, juparuw Diosax Israel markar qhispiyir khithani, arskatayna ukhamarjama.

Hechos 17:3

Jupasti Criston t'aqhisiñapa, jiwatat jaktañapa wakisitapat qhanañchäna. Jupanakar sarakïnwa: —Jumanakar yatiyapksma uka pachpa Jesusaw Diosan khithanit Cristoxa —sasa.

Hechos 2:36

“Ukhamasti, Israel markpach yatipxam, jumanakax ch'akkatapkta uka Jesusaruw Diosax Cristo Tatitut utt'ayi” sasa.

Hechos 5:31

Diosaw jach'ar apti, reyi qunuñapan kupïxaparuw qunt'ayasi, jach'a munañan Jilïr Qhispiyirirak tukuyi, Israel markan Diosar kutikipstañapataki, juchanakapat pampachäwi katuqañapatakiraki.

1 Corintios 15:47

Nayrïr chachax laq'at luratänwa; payïr chachasti alaxpachat jutiriwa.

Filipenses 2:11

ukatsti taqi jaqirakiw yatipxañapa: Jesucriston Tatitütapa, Dios Awkir jach'añchañataki.

Filipenses 3:8

Ukat juk'ampis, taqi kunatix nayan utjkitu ukanaksti chhaqhatäkaspas ukham amuyta, Cristo Tatituxar uñt'añan mä jach'a askïtap layku. Cristo laykusti taqi kun apanukuwayta, Cristor jikxatañ laykusti, t'unarjamaw taqi kun uñjta,

Colosenses 2:6

Jumanakax Tatituruw iyawsxapxtaxa, ukatpï kunjämtix Tatitux munki ukhamar jakapxañamaxa,

1 Juan 4:14

Jiwas pachpaw uñjtan, Dios Awkix akapachar qhispiyirix Yuqapar khithanitap arsuraktan.

1 Juan 5:1

Taqi khititix Jesusan Cristötap iyawski ukaxa, Diosan wawapawa; khititix awkir munaski ukax uka awkin wawanakaparux munasirakiwa.