Lucas 2:10 - Qullan Arunaka DC

¹⁰ Angelasti jupanakarux sänwa: “Jan axsarapxamti, suma yatiyäwinak apanta, akasti taqi markpachatak wali kusisiñäniwa.

Aymar Bibliia 1986

¹⁰ Angelasti jupanacarojj sänwa: —Jan ajjsarapjjamti, suma yatiyäwinac apanta, acasti take marcpachataqui wali cusisiñäniwa.

Qullan Arunaca

¹⁰ Angelasti jupanacarojj sänwa: —Jan ajjsarapjjamti, suma yatiyäwinac apanta, acasti take marcpachataqui wali cusisiñäniwa.

Lucas 2:10 Jak'a apnaqawi uñst'ayäwi

Génesis 12:3

Jumar jach'añchirinakarux, jach'añcharakïwa, jumar ñanqhachirinakarusti, ñanqhacharakïwa; juma tuqiw aka uraqin utjir wila masinakax jach'añchat uñjasipxani” sasa.

Isaías 40:9

Jerusalén markan yatiyiripa, mä qullu patar makhatam, wali ch'amampirak art'asim, mä suma yatiyäwi yatiyañataki. Jerusalén marka, jan axsaras art'askakim, Judá uraqinkir markanakarusti yatiyarakim: “¡Jumanakan Diosamax akankiwa!” sasa.

Isaías 41:27

Nayaw qalltatpach Jerusalén markarux yatiyta, uka markarux mä khitha khithaniraktxa, jaqinakapan mäki kuttanxañapat yatiyañataki.

Isaías 49:6

“Nayax Israel markan ayllunakapar tantacht'iriw khitsma, markapar kuttayanxiriw khitsma. Ukampis uka luräwix juk'akïspawa. Ukatpï jumarux markanakan qhanapar tukuyämaxa, qhispiyasiñaxsa aka uraqi tukusin utjkis uka markanakar apañamataki.”

Isaías 52:10

Tatitux taqi markanakan uñjkataw jach'a ch'amap uñacht'ayi. Jiwasan Diosasax qhispiykistu ukxa, taqi aka uraqpacharakiw yatini.

Isaías 52:7

¡Kunja kusiskañas qullu patanakanjam jutaskir uñjañaxa, khititix mä suma yatiyäwi apanki ukaru, khititix sumankañ yatiyäwinak apanki ukaru, khititix qhispiyasiñ yatiyäwinaksa apanki ukaru, Jerusalén markarux sarakiwa: “Diosamax reyiwa”! sasa.

Isaías 61:1

Tatitun ajayupax nayxankiwa, jupaw nayarux yaqhachasitu; jan kunaninakar suma yatiyäwinak yatiyiriw khithanitu, llakt'atanakaru chuymachiri, katuntatanakar antutat sarnaqasiñ yatiyiri, carcelankirinakar antutat sarnaqasiñ churiri,

Daniel (hebreo) 10:19

sarakituwa: ‘Jan axsaramti, janirak llakisimsa. Tatitux jumar munastamwa; ¡kusisim, ch'amañcht'asirakim!’ sasa. Jupax ukhamaw nayar parlxayaskitäna, ukchañkamasti nayax ch'amaniw amuyasxäyäta, ukat sarakta: ‘Tatay, parlxayt'akita, parlatam ist'asin nayax ch'amaniw uñjasxta’ sasa.

Zacarías 9:9

¡Sión marka, walpun kusisim! ¡Jerusalén marka, kusisiñat q'uchum! Reyimaw juman ukar jutaski, chiqa kankañani, taqi atipt'añ churiri, mä jisk'a asno qallur qunxatata.

Mateo 14:27

Ukampis Jesusax jupanakarux sänwa: —Jan axsarapxamti, nayäsktwa —sasa.

Mateo 28:18

Jesusasti jupanakar jak'achasisin säna: —Diosax munañan kankañ churitu, alaxpacha, akapach apnaqañataki.

Mateo 28:5

Angelasti warminakarux sarakïnwa: —Jan axsarapxamti. Nayax yattwa ch'akkatatäkän uka Jesusar thaqhasipkatama.

Marcos 1:15

Sarakïnwa: “Pachax phuqhasxiwa. Diosan qhapaq luräwipasti jak'ankxiwa. Juchan sarnaqañanak apanukupxam, qhispiyasiñ arunakapar iyawsapxam” sasa.

Marcos 16:15

Ukxarusti Jesusax jupanakarux sarakïnwa: “Taqi akapachar sarapxam taqi jaqinakar qhispiyasiñ arunak yatiyanipxam.

Lucas 1:13

Angelasti juparux sänwa: —Zacarías, jan axsaramti, juman mayisitamarux Diosax ist'tamwa, Isabel warmimasti mä yuqall wawa wawachasini. Juparusti “Juan” sasaw sutichäta.

Lucas 1:19

Angelasti juparux sänwa: —Nayax Gabriel angelätwa, Diosan munañap lurirïtwa; jupaw nayarux khithanitu aka suma yatiyäwinak jumar yatiyiri.

Lucas 1:30

Ukat angelax juparux säna: —María, jan axsaramti, jumax Diosan nayraqatapan khuyapayasiñap jikxattaxa.

Lucas 2:11

Jichhürux mä Qhispiyiriw Davidan markapan jumanakatak yuri, jupasti CRISTO Tatituwa.

Lucas 24:47

ukatsti taqi markanakan jupxat parlasini, ukhamat taqinis Diosar kutikipstaniñapataki, juchanakapas pampachatäñapataki. Jumanakasti Jerusalenat qalltasina,

Lucas 8:1

Uka qhipatsti, Jesusax jach'a markanakana, jisk'a markanakan Diosan qhapaq markapan suma arunakap yatichasaw sarnaqäna. Tunka payan yatiqiripax jupamp chikaw sarapxäna,

Hechos 13:32

“Nanakasti jumanakarux kuntix Diosax nayra awkinakasar arsuwaykän uka suma arunak yatiyasipksma.

Romanos 10:15

¿Kamisarak jan khithatäkasin suma arunak yatiyanipxanisti? Kamisatix Qillqatan siski: “¡Kunja sumas Diosan suma yatiyäwi arunakap apanirinakan purinitapaxa!” sasa.

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Colosenses 1:23

Ukatakisti iyawsañaman sum sayt'asipxañamawa, kuna suyt'äwitix Diosan suma yatiyäwi arunakap ist'asin utjapktam ukat jan jithiqtasa. Aka qhispiyasiñ arunakaw taqi chiqan parlasïna, naya Pablosti, uka arunak qhanañchañan yanapasirakta.