Lucas 19:8 - Qullan Arunaka DC

⁸ Ukatsti Zaqueox sayt'asisin Tatiturux säna: —Tatay, yänakaxat chikatpach jan kunaninakar churxä; maynirutix lunthatsta ukarux, pusi ukkhampi kuttayxä —sasa.

Aymar Bibliia 1986

⁸ Ucapachaw Zaqueojj sayt'asi, ucat Tatituru saraqui: —Uñtam tata, take cunatejj utjquitu ucatjja pobrenacaruw chicat churjjä; maynirutejj lunthatsta ucarojja, pusi ucqhampiw cuttayjjä —sasa.

Qullan Arunaca

⁸ Ucapachaw Zaqueojj sayt'asi, ucat Tatituru saraqui: —Uñtam tata, take cunatejj utjquitu ucatjja pobrenacaruw chicat churjjä; maynirutejj lunthatsta ucarojja, pusi ucqhampiw cuttayjjä —sasa.

Lucas 19:8 Jak'a apnaqawi uñst'ayäwi

2 Samuel 12:6

¡Uka jisk'a oveja jiwayatapatsti pusi ukkhampi kuttayxañapawa, jan akch'a khuyapt'ayasiñanïtap layku! —sasa.

Salmos 41:1

1 (2) Jan kunan jaqimpiru, pisi ch'aman jaqimpir uñjir jaqix kusisiñaniwa; Tatituw jan walt'añ urunakan juparux qhispiyani.

Éxodo 20:16

“Janiw jaqi masimatak kuna k'ari arunaksa parlätati.

Proverbios 6:31

lunthataskirtix katjayaskani ukapachasti, lunthatasitapat paqallqu ukkhamp kutt'ayani, kunatix jupan utjki taqi ukanakamppach churxarakini.

Ezequiel 33:15

kuntix katuqkatayna, jan ukax lunthatkatayna ukanaksa kuttayxani, jakañ churiri kamachinaksa phuqharakini, jan wali lurañanakapsa apanukurakinixa, uka jaqix chiqpachaw jakani, janiw jiwkaniti.

Números 5:7

uka jaqisti juchanakap arsusiñapawa, ukhamarus jan walt'ayatapat jaqi masiparux taqpach kuttayxañapa, chikatan chikatapampi yapxatasa.

Lucas 11:41

Jumanakax chuymanakamatay churäwinakam luqtapxamxa, ukhamat taqpachax q'umäxani.

Lucas 12:33

Kunatix utjapktam uk aljapxam, ukatsti jan kunanïpki ukanakar churxapxam; ukhamat jan mirq'isir wayaqanak lurasipxäta, alaxpachansti jan tukuskir yänak imasipxäta, kawkhantix lunthatas jan apskani, kharus janirak kharuntkani ukkharu.

Lucas 16:9

“Nayasti iwxt'apxsmawa, akapach yänak sum apnaqapxam masinak jikxatañataki, kunapachatix ukham lurañax tukusxanixa, Diosaw jumanakar wiñay jakañ utar katuqxapxätam.

Lucas 19:7

Uk uñjasinsti taqiniw k'umipxäna: Jesusax mä jucharar jaqin utaparuw sari, sasa.

Lucas 7:13

Uk uñjasinsti Tatitux jupat khuyapt'ayasin uka warmir säna: —Jan jachamti —sasa.

Lucas 7:19

jupanakarusti Jesusan ukaruw khithäna, jutañapäkän uka Cristox jupäpachati, jan ukax yaqharuch suyañapäsipki uk yatxatiri.

1 Samuel 12:3

jumanak nayraqatanktwa: Nayatix khitin urqu vacapsa, asnopsa katuntastxa, khitirus t'aqhisiystxa, ñanqhachstxa, jan ukax khitimpis qullqi chilltayastxa ukaxa, Tatitu nayraqatana, kawkïr reyirutix jupax ajlliski uka nayraqatan juchañchapxita, nayasti uka manut phuqxäwa —sasa.