Lucas 19:7 - Qullan Arunaka DC

⁷ Uk uñjasinsti taqiniw k'umipxäna: Jesusax mä jucharar jaqin utaparuw sari, sasa.

Aymar Bibliia 1986

⁷ Uc uñjasinjja takeniw c'umipjjäna: Jesusajj mä jucharar jaken utaparuw kheparir sari, sasa.

Qullan Arunaca

⁷ Uc uñjasinjja takeniw c'umipjjäna: Jesusajj mä jucharar jaken utaparuw kheparir sari, sasa.

Lucas 19:7 Jak'a apnaqawi uñst'ayäwi

Mateo 20:11

Ukham katuqasisasti, yapunitakiw arusipxäna,

Mateo 20:4

Jupanakarusti sänwa: ‘Jumanakax uva yapuxar irnaqir sarasipkam, qawqhatix wakiski ukkha churapxarakïma’ sasa. Jupanakasti sarapxänwa.

Mateo 9:11

Uk uñjasinsti, fariseonakax yatiqirinakaparuw jiskt'apxäna: —¿Kunatarak jumanakan yatichirimasti uka qullqi apthapirinakampi, juchararanakamp manq'isti? —sasa.

Lucas 15:2

Ukat fariseonakampi, kamachi yatichirinakampix Jesusar k'umipxäna, sapxarakïnwa: —Aka jaqix juchararanakan masipawa, jupanakampirakiw manq'i —sasa.

Lucas 19:6

Zaqueosti jank'akiw saraqanïna, ukatsti taqi chuymampiw Jesusarux katuqäna.

Lucas 19:8

Ukatsti Zaqueox sayt'asisin Tatiturux säna: —Tatay, yänakaxat chikatpach jan kunaninakar churxä; maynirutix lunthatsta ukarux, pusi ukkhampi kuttayxä —sasa.

Lucas 5:30

Ukampis fariseonakampi, kamachi yatichirinakampix, Jesusan yatiqirinakaparuw jisk'achapxäna. Ukat jupanakarux sapxarakïna: —¿Kunatarak jumanakasti qullqi apthapirinakampi, juchararanakamp manq'asipkta, umasipktasti? —sasa.

Lucas 7:34

Ukxarusti Jaqin Yuqapaw juti, jupasti manq'iwa, umarakiwa, jumanakasti: ‘Wali manq'iri, umiriwa’ sapxtawa; juchararanakampin, qullqi apthapirinakampin masipawa sapxaraktawa.

Lucas 7:39

Uk uñjasinsti, Jesusar jawsayir fariseo jaqix chuymapan lup'ïna: “Jupatix chiqpach mä profetäspaxa, khititix jupar llamkt'ki ukan jan wali jaqïtap amuyasispawa, aka warmix jan wali sarnaqir warmïchixaya” sasa.