Lucas 17:22 - Qullan Arunaka DC

²² Ukat yatiqirinakapar sarakïna: —Mä uruw purinini; ukapachaw jumanakax Jaqin Yuqapan mä urupaksa uñjañ munapxäta, ukampis janiw uñjapkätati.

Aymar Bibliia 1986

²² Ucatwa discipulonacaparu saraquïna: —Purininiw urunacajj cunapachatï jumanacajj uñjañ munapjjäta jaken Yokapan mä urupacsa, ucampis janiw uñjapcätati.

Qullan Arunaca

²² Ucatwa discipulonacaparu saraquïna: —Purininiw urunacajj cunapachatï jumanacajj uñjañ munapjjäta jaken Yokapan mä urupacsa, ucampis janiw uñjapcätati.

Lucas 17:22 Jak'a apnaqawi uñst'ayäwi

Mateo 9:15

Jesusasti sarakïnwa: —¿Jaqichasïwir jawsayat jaqinakax jaqichasir waynan ukankaskatapat llakitakïpxaspati? Ukampis jaqichasir waynar irpasxañ urux purininiwa; ukkhaw ayuno lurañax wakisini.

Marcos 2:20

Ukampis mä uruw jaqichasir waynax jan jupanakampïkxaniti, ukapachapï ayunapxanixa —sasa.

Lucas 13:35

Uñtapxam, jumanakan utamax apanukutäniwa; nayasti sapxsmawa, janiw uñjapkitätati, kunürutix sapkäta: ‘Tatitun sutipar jutirix qullanäpan’ sasa, ukürkama.”

Lucas 5:35

Ukampis jaqichasir waynar irpasxañ urux purininiwa, ukkhaw jawsatanakax ayunapxani —sasa.

Juan 12:35

Jesusasti jupanakarux sänwa: —Mä juk'a urunakakiw qhanax jumanak taypinkani. Qhana utjkipan sarnaqapxam, ch'amakamp jan katjayasiñataki; ch'amakan sarnaqiristi janiw kawksar saratapsa yatkiti.

Juan 13:33

Munat wawanakaxay, mä juk'a urunakatxa, janiw jumanakampïkxäti. Jumanakax nayarux thaqhapxitätawa, ukampis kunjämtix judionakar siskta ukhamarak jichhax sapxsma: “Janiw jumanakax sarapkasmati kawkirutix nayax sarkä ukaruxa”.