Lucas 17:21 - Qullan Arunaka DC

²¹ Janiw siskaniti: ‘Akankiwa’, jan ukax ‘Khayankiwa’ sasa. Diosan qhapaq markapax niya jumanak taypinkxiwa.

Aymar Bibliia 1986

²¹ Janiw siscaniti: “Acanquiwa”, jan ucajj: “Qhayanquiwa” sasa. Diosan reinopasti niya jumanac taypincjjewa.

Qullan Arunaca

²¹ Janiw siscaniti: ‘Acanquiwa’, jan ucajj: ‘Qhayanquiwa’ sasa. Diosan reinopasti niya jumanac taypincjjewa.

Lucas 17:21 Jak'a apnaqawi uñst'ayäwi

Mateo 12:28

Nayatix uka ñanqha ajayunakar Diosan Ajayupan ch'amapampi alisnuksta ukaxa, ukampix Diosan qhapaq markapan jumanak taypir purinitap yatiyaskta.

Marcos 13:21

“Maynitix jumanakar sapxätam: ‘Uñtapxam, akankiw Cristoxa, jan ukax, khayankiw jupaxa’ sasaxa, jan iyawsapxamti.

Lucas 17:23

Yaqhipanakax sapxaniwa: ‘Akaxaya’, jan ukax ‘Khayaxaya’ sasa, ukampis jan sarapxamti janirak arkapxamsa.

Lucas 21:8

Jesusasti sänwa: —Amuyasipxam, jan sallqjayasipxamti. Waljaniw sutixar jutapxani: ‘Nayätwa Cristoxa’ jan ukax, ‘Uka urux purinxiwa’ sasa. Ukampis jan ukanakar arkapxamti.

Juan 1:26

Juanasti jupanakarux sänwa: —Nayax umampiw bautista, ukampis jumanak taypin mayniw utji, juparusti janiw uñt'apktati.

Juan 18:36

Jesusasti sarakïnwa: —Nayan markaxax janiw akapachankirïkiti. Ukhamäspa ukasti, arkirinakaxax nuwasipxasapänwa judionakar jan katuyatäñaxataki. Ukampis nayan markaxax janiw akapachankirïkiti —sasa.

Romanos 14:17

Diosan qhapaq markapanxa, kun manq'añasa, kun umañasa, janiw wakiskirïkiti, jan ukasti, Qullan Ajay tuqi chiqa kankañan sarnaqaña, sumankaña, kusisiña ukaw wakiskirixa.

Colosenses 1:27

Diosasti taqi markankirinakaruw aka suma amtäwi yatiyañ munäna, uka amtäwisti, Diosax Cristoruw jumanak taypir jakir khithanïna, juparakiw kuntix katuqapkäta uka suyt'äwisaxa.