Lucas 10:15 - Qullan Arunaka DC

¹⁵ Jumasti, Cafarnaúm marka, ¿alaxpachkam aptatäñti amuyasta? ¡Mik'ay manqhakam jaquntataw uñjasïta!

Aymar Bibliia 1986

¹⁵ Jumasti, Capernaum marca, ¿amuyastati alajjpachcam aptatäña? ¡Mic'aya mankhacama jakontataw uñjasïta!

Qullan Arunaca

¹⁵ Jumasti, Capernaum marca, ¿amuyastati alajjpachcam aptatäña? ¡Mic'aya mankhacama jakontataw uñjasïta!

Lucas 10:15 Jak'a apnaqawi uñst'ayäwi

Génesis 11:4

Ukatsti sapxarakïnwa: “Jutapxam, jichhax mä jach'a marka sayt'ayañäni, torrepas alaxpachar puriñapkama lurapxañäni. Ukhamat taqininsa jach'at uñt'atäñäni, ukatsti janirakiw taqi aka uraqpacharux aywitatkañäniti” sasa.

Isaías 5:14

Jiwañasti mä axsarkañ laq'ur uñtatawa, markpacharu, jilïrinakapar manq'antañatak lakapsa jist'ari, kusist'añanakana, thuqt'añanakan sarnaqasipki ukanakaru.

Jeremías 51:53

Babilonia markax jach'a ch'amapa jach'ar aptañatakixa, alaxpachkamas makhataskpan, ukarusa jupanakar t'unjirix uñisirinakap khithaskakïwa. Naya, Tatituw uk arsta.”

Ezequiel 26:20

kawkhankkitix jiwatanakax ukakamaw puriyäma, kawkhankkitix nayra urunakan jakir jaqinakax ukakama. Uraqi manqhakamaw jaquntäma, wiñay aynacht'añ markaruw jaquntäma, ukan jiwatanak taypin jakarakïta. Jumasti janipuniw wasitat sayt'ayatäkxätati, janirakiw khitis juman ukan jakxaniti.

Ezequiel 31:18

Edenankir quqanakatsti janipuniw maynis jumampi uñtasirix utjkänti. Janipuniw maynis jumjam jach'a, wali sumasa utjkänti. Ukampisa, Edenankir yaqha quqanakamp chikaw uka manqha pachar jaquranttäta, ukan Tatitur jan uñt'irinakampi, nuwasïwin jiwirinakampi chikax jakarakïta. “ ‘Uka quqasti faraón reyimpi, taqi jaqinakapampiruw uñtasi. Naya, Tatituw uk arsta.’ ”

Ezequiel 32:18

“Jumasti Ezequiel, Egiptonkir walja jaqinakataki, taqi jilïrinakapatakisa, yaqha markanakankir warminakampi chika aka amay imäwi q'uchu q'uchurapim: “ ‘Ch'amaninakax manqhapachar jaquntatäpxiwa, sepulturankxapxi ukanakamp chika ukankapxañapataki.

Ezequiel 32:20

“Jupanakasti nuwasïwin jiwaririnakampi chikaw aynacht'apxani. Espadax niya wakicht'atawa. Jupanakampi chikaw uka walja jaqinakapax apatäpxani.

Abdías 1:4

Ukampis mä pakar uñtatasay alayar makhataskam, warawaranak taypirusay tapachasiskam, ukatpach jumarux jaquqanïma.” Tatitux siwa:

Mateo 10:28

Janchir jiwayirinakarux jan axsarapxamti, ukampis ajayurux janiw jiwayapkaspati; khititix ajayumpiru janchimpiru infiernor jaquntkaspa uka Diosar axsarapxam.

Mateo 11:23

Jumasti Cafarnaúm marka, ¿alaxpachar makhatañti amuyastaxa? ¡Manqhapachar jaquntatäyätawa! Sodoma markantix muspharkañanakax lurasisapänxa, uka markax jichhürkamaw utjaskasapäna.

Mateo 4:13

Ukampis janiw Nazaret markar qhiparkänti, jan ukasti Cafarnaúm markar jakiriw sarxäna; uka markasti Galilea quta thiyankänwa, Zabulón, Neftalí uka ayllunakan uraqipana.

Lucas 13:28

Ukan wararipxäta, laka ch'akhanakamsa t'urusipxäta, Abrahamampi, Isaacampi, Jacobumpi, taqi profetanakamp Diosan qhapaq markapankatap uñjasina, jumanakasti anqar jaqunukutäpxätawa.

Lucas 16:23

“Qamiristi kawkharutix jiwatanakax sarapki ukkhan uñatatasïna, ukatsti Abrahamarux jayankatap uñjäna, Lazarorusti jupamp chik qunt'atäskir uñjarakïna.

Deuteronomio 1:28

Jichhasti, ¿kawkirurak sarañänisti? Jilanakasax sapxiwa, ukan wali ch'amani jach'a tansa jaqinak utjatapa, ukhamarak jach'a pirqanakan muyuntat markanak utjatapa, Anac jach'a tansa jaqin yuqanakaparus uñjapxataparaki. Taqi ukanakasti ch'am jiwt'ayapxitu’ sasa.

2 Pedro 2:4

Diosax janiw angelanakarus juch lurapxatapat pampachkänti, jan ukasti, manqha pacharuw jaquntäna, jupanakarusti ch'amakanakaruw cadenanakamp ñach'antat jaytäna, taripäwi uru puriniñapkama.