Lucas 10:14 - Qullan Arunaka DC

¹⁴ Ukampis taripäwi urunxa Tiro, Sidón markanakat sipan juk'ampïniw jumanakan mutuñamaxa.

Aymar Bibliia 1986

¹⁴ Ucampis jumanacajj taripäwi urunjja juc'amp mutuña catokapjjäta Tiro, Sidón marcanacat sipansa.

Qullan Arunaca

¹⁴ Ucampis jumanacajj taripäwi urunjja juc'amp mutuña catokapjjäta Tiro, Sidón marcanacat sipansa.

Lucas 10:14 Jak'a apnaqawi uñst'ayäwi

Joel 3:4

4 (4) “Tiro, Sidón, Filistea markanaka, ¿kunsa nayampix lurañ munapxta? ¿Phuqsusiñti munapxista? ¿Kunanak mayisxañcha munapxtaxa? ¡Kunatix wakiski uk jank'akiw churapxäma!

Amós 1:9

Tatitux akham siwa: “Tiro markankir jaqinakax wali ñanqhanakpun lurawayapxi, ukat jupanakarux mutuyarakï; mä markpachar t'aqhisiyat luqtiritak Edom markar aljantapxatapata, kawkïr markanakampitix jilapurjam jakasiñatak arust'äwix utjkäna ukar jan phuqhapxatapata.

Amós 3:2

“Taqi markanak taypitxa, jumanak saparukiw ajllisipxsma. Ukat taqi jan wali ñanqhanak lurapxatanakamat taripapxäma”.

Mateo 10:15

Qhanak sapxsma, taripäwi urunxa, uka markanakan mutuñapax Sodoma, Gomorra uka markanakat sipan juk'ampïniwa.

Mateo 11:21

“¡Corazín marka, jumax llakkañätawa! ¡Betsaida marka, jumax kamachkakïta! Tiro markampina, Sidón markampintix taqi aka muspharkañanakax lurasisapän ukaxa, ukspachaw jupanakax llakisiñ isinakampi isthapita, Diosar kutikipstapxasapäna.

Juan 3:19

Khitinakatix jan iyawsapki ukanakax niya juchañchatäxiwa, kunapachatix qhanax akapachar jutkän ukkhax ch'amakaruw qhanat sipan juk'amp munapxäna, luräwinakapan jan walïtap layku.

Romanos 2:1

Jumasti mayninakar taripatam laykuxa, janiw jan juchanit uñt'atäkasmati, khitïskamsaya. Mayninakar taripasax jumapachaw juchañchjastaxa, jumax jupanakjamaw luraraktaxa.

Romanos 2:27

Kamachir jaysir jaqix, janisay janchipan circuncisión luräwi katuqkpan, khititix kamachinïkasina, circuncisión luräwi katuqkasinsa jan phuqkan ukarux taripaniwa.