Levítico 7:2 - Qullan Arunaka DC

² Yatkasin pantjasïwi jucha luratanakat luqtat uywax, kawkhantix nakt'ayañatak luqtat uywanakax kharinukuski uka chiqan kharinukusini, wilapampisti uka altaran thiyapar taqi tuqit ch'allsutäñapawa.

Aymar Bibliia 1986

² Yatcasina pantjasïwi jucha luratanacat loktat uywasti, cawqhantejj naqhantayatäñataqui loktat uywanacajj qharinucusqui uca chekana qharinucutäñaparaquiwa, wilapampisti patjjata, uqhamaraqui uca pachpa altarar muytata ch'allt'atäñaparaquiwa.

Qullan Arunaca

² Yatcasina pantjasïwi jucha luratanacat loktat uywasti, cawqhantejj naqhantayatäñataqui loktat uywanacajj qharinucusqui uca chekana qharinucutäñaparaquiwa, wilapampisti patjjata, uqhamaraqui uca pachpa altarar muytata ch'allt'atäñaparaquiwa.

Levítico 7:2 Jak'a apnaqawi uñst'ayäwi

Isaías 52:15

ukhamarakiw walja markanakax muspharapxani; reyinakas jupar uñjasax jan aruniw qhiparapxani, kuntix jupanakax uñjapkatayna, amuyt'apkarakitayna ukanakxa, janipuniw kunapachas ist'apxirïkataynati.

Ezequiel 36:25

Q'uma umampiw jariqt'xapxäma, yaqha diosanakar yupaychas q'añuchasitanakamatsa q'umachxapxarakïmawa;

Ezequiel 40:39

Mantañ tuqinkir utansti pusi mesanakaw utjäna, purapäxarux paya, uka patxan uywanak kharinukupxirïna, jucha luratata, pantjasitata nakt'at waxt'äwi, wilañcha luqtäwi katuyañataki.

Levítico 1:11

ukasti Tatitun nayraqatapan altarat amstäxan kharinukutäñapawa. Aaronan sacerdote yuqanakapasti altararuw puspach thiyapat wilampi ch'allakipapxani;

Levítico 1:3

“Luqtañ uywatix nakhantayañatak urqu vacänixa, ukax jan kuna kamacht'atäñapawa. Katuqatäñatakisti, Tatitun nayraqatapana, jupampi Jikisiñ Carpar mantañäkis ukawjan luqtatäñapawa,

Levítico 1:5

Urqu vacarux Tatitun nayraqatapan kharinukuni; ukxarusti Aaronan sacerdote yuqanakapaw wila luqtapxani, ukatsti Tatitump Jikisiñ Carpar mantañawjan altaran thiyanakaparuw ch'allakipapxani.

Levítico 14:13

Uka urqu ovejsti kawkhantix wilañcha luqtañataki uywanakax kharinukusirïki ukkhan kharinukxañapa. Sumankthapiñataki, ukhamarak jucha luratat wilañchanak luqtäwisti sacerdotetakïniwa, ukanakan qullana yänakätap layku.

Levítico 3:2

Khititix waxt'a luqtkani ukax, uka uywan p'iqipxarux amparap luqxatañapa, ukatsti Tatitump Jikisiñ Carpar mantañäkis ukawjan kharinukuñapa. Ukatsti sacerdotenakaw altaran thiyanakap uka wilampi ch'allsupxañapa.

Levítico 3:8

uka uywan p'iqipxaruw amparap luqxatani, ukat Tatitump Jikisiñ Carpa nayraqatan kharinukxani. Ukatsti sacerdotenakax uywan wilapampiw altaran thiyanakap ch'axch'suni.

Levítico 4:24

Uka chivon p'iqipxaru amparap luqxatasin Tatitun nayraqatapan kharinukxani, kawkhantix uywanakax nakhantayañatak kharinukutäki ukkhana, jucha luratat wilañcha luqtäwïtap layku.

Levítico 4:29

Ukatsti uka cabran p'iqipxaruw amparap luqxatani, ukat kawkhantix uywanakax nakhantayañatak kharinukutäki ukkhan kharinukxani.

Levítico 4:33

Ukatsti amparap ovejan p'iqipxar luqxatani, ukat jucha luratapat luqtatäñapatak kharinukxani, kawkhantix uywanakax nakhantayatäñatak kharinukutäki ukawjana.

Levítico 5:16

Ukatsti uka jaqix kunatix Tatitur luqtat qullana yänakat sallqjkäna ukanakat yapxatat phuqxañapawa. Chikatan chikatapäki uksti, sacerdoteruw katuyxañapa. Ukatsti kuna urqu ovejatix wilañchat luqtaski ukampix sacerdoten juchat pampachatäñ uka jaqitakix jikxatañapa, ukat juchanakapax pampachatäxani.

Levítico 5:7

“Janitix mä jisk'a oveja alañatak qullqix utjkani ukapachasti, Tatitun ukarux pä qhurukutu, jan ukax pä paloman chhiwchhipa uka jucha luratapat apani; ukanakat maysti jucha luräwit wilañcha luqtani, maynïrsti nakhantayatäñatakiw luqtarakini.

Levítico 5:9

ukatsti kawkïritix juchat luqtatäki ukan mä juk'a wilapampiw uka altar thiyar ch'allt'ani, jilt'äki uka wilsti altar kayuruw ch'umsuyxani jucha luräwit wilañcha luqtatätap layku.

Levítico 6:25

25 (18) “Aaronampiru, sacerdote yuqanakapampirux, jucha luratat wilañcha luqtañxat aka yatichäwinak churam: Kuna uywtix jucha luratat luqtapkani ukax Tatitun nayraqatapan kharinukutäñapawa, kawkhantix nakhantayañatak luqtäwix luraski uka chiqana, ukasti wali qullanapuniwa.

Levítico 6:7

7 (26) Ukatsti sacerdotex taqi uka juchanaka, kawkïrïpasa, ukanak luratatsti, uka jaqitakix juchat pampachatäñ jikxatani, uka juchasti pampachatäxarakiniwa.”

Números 6:12

ukatsti Tatitur katuyasiñatak arsüwi urunakap machaqat jakhuñ qalltani. Nayra pacha katuyasit urunakax janiw jakhutäkxaniti, qullanañchkatayna uka ñik'utan q'añur tukutap layku. Tatitun nayraqataparux mä maran urqu oveja aparakini, jucha luratat wilañcha luqtañataki.

Hebreos 11:28

Moisesax iyawsäwi laykuw Pascua uruyäna, ukatsti wilampiw uta punkunakar ch'axch'ukipayäna, ukhamat jiwayir angelax israelitanakan tayna wawanakapar jan jiwarayañapataki.

Hebreos 12:24

machaq amtäwi arxatir Jesusaru, q'umachatäktan uka wilaparu, ukax Abel chachan wilapat sipan juk'amp yatiyir wilawa.

1 Pedro 1:2

Jumanakarusti nayratpach Dios Awkix amtataparjam ajllisipxtam. Ajay tuqiw jupatak yaqhachasipxtam, ukhamat jupar jaysapxañamataki, Jesucriston wilapamp q'umachatäpxañamataki. Jumanakasti Diosan jilarkir waxt'äwinakap katuqapxam, suman sarnaqasiñ katuqapxarakim.