Levítico 4:3 - Qullan Arunaka DC

³ “Jilïr sacerdotetix juch luranixa, uka jucha luratapan taqi jaqinakxar puritap laykux, mä k'umar urqu vaca uka jucha luratapat luqtañapa.

Aymar Bibliia 1986

³ “Jucha lurirïqui ucatejj jilïr sacerdotënejja, jakenacjjaru juchapajj puritap laycojja, mä c'umara orko vaca uca jucha luratapatjja loktañapawa.

Qullan Arunaca

³ “Jucha lurirïqui ucatejj jilïr sacerdotënejja, jakenacjjaru juchapajj puritap laycojja, mä c'umara orko vaca uca jucha luratapatjja loktañapawa.

Levítico 4:3 Jak'a apnaqawi uñst'ayäwi

2 Crónicas 29:21

Jupanakax paqallqu vaca qallunaka, paqallqu urqu ovejanaka, paqallqu mä maran ovejanaka, paqallqu cabritonak apapxäna, reyin utapankirinakapan juchanakapata, Tatitun utapata, Judá markan juchanakapat mä waxt'äwi luqtañataki. Reyisti Aarón chachat saraqir sacerdotenakaruw uka uywanak churäna, Tatitun altarapan nakt'at wilañcha luqtapxañapataki.

Esdras 8:35

Uka qhipatsti, Babilonia markat kuttanipkatayna ukanakaxa, tunka payan vaca qallunaka, llätunk tunka suxtan khariñ ovejanaka, paqallq tunka paqallqun mä maran ovejanaka, tunka payan chivonaka apanipxäna, israelitanakan sutipxaru nakt'at luqtäwinaka Israelan Tatitupar luqtatäñapataki. Tatitur jach'añchasaw uka uywanak nakt'ayapxäna.

Éxodo 29:14

ukampis vaca qallun aychapsa, lip'ichipsa, phurupsa campamentot anqäxaruw nakhantayanxäta, jucha luratanakat wilañcha luqtatätap layku.

Éxodo 29:21

Ukxarusti altar patxan jilt'ir wilampita, luqtañ aceitempit mä juk'a aptasin Aaronampiru, jupan isipampiru, wawanakapampiru, wawanakapan isinakapampiruw ch'allakipäta. Ukhamat Aaronampi, wawanakapampi, isinakapampix Diosar luqtatäxani.

Éxodo 29:7

Luqtañ aceite aptasin, ukampiw Aaronan p'iqipat warxatäta, ukhamat Diosar luqtat sacerdotëñapataki.

Éxodo 30:10

Aka altarax Tatitur katuyat altaräniwa, maran mä kutikiw Aaronax altaran waxranakapxar wilañcha luqtata uywan wilap luqtani, jucha luratanakat pampachäwi jikxatañataki. Sapa maraw uka altarxarux juchat pampachayasiñatak wilañcha luqtapxäta.”

Ezequiel 40:39

Mantañ tuqinkir utansti pusi mesanakaw utjäna, purapäxarux paya, uka patxan uywanak kharinukupxirïna, jucha luratata, pantjasitata nakt'at waxt'äwi, wilañcha luqtäwi katuyañataki.

Ezequiel 43:19

Sadoc chachat saraqir levita sacerdotenakarusti, khitinakatix nayar luqtiri jak'achasiniñapäki ukanakarux, mä urqu vaca churapxäta, jucha luratanakat nayar mä wilañcha luqtaniñapataki. Naya, Tatituw uk arsta.

Ezequiel 44:27

Kunapachatix Tatitun utapan manqhankir uta anqäxapar luräwinakapampi phuqhañatak wasitat mantxapxani ukkhasti, jucha luratanakapat wilañcha luqta katuyapxani. Naya, Tatituw uk arsurakta.

Levítico 1:10

“Luqtañ uywatix nakhantayañatak oveja tamapata jan ukax, cabra tamapat churatäkani ukax, jan kamacht'at mä urqüñapawa,

Levítico 1:3

“Luqtañ uywatix nakhantayañatak urqu vacänixa, ukax jan kuna kamacht'atäñapawa. Katuqatäñatakisti, Tatitun nayraqatapana, jupampi Jikisiñ Carpar mantañäkis ukawjan luqtatäñapawa,

Levítico 16:11

“Uka qhipatsti Aaronax jucha luratat uka urqu vaca wilañcha luqtxani, jupan pachpa juchapata, wila masipan juchanakapan pampachatäñapataki.

Levítico 16:3

Aaronasti uka qullan chiqarux mä urqu vaca irpt'ataw mantañapa, ukasti jucha luratat wilañcha luqtañatakiwa, ukhamarak mä urqu ovejampi, ukasti taqpach nakt'ayas luqtañatakirakiwa.

Levítico 16:5

“Israelita jaqinakatsti, Aaronax pä cabritompi mä urqu ovejampi apani, uka cabritonakxa jucha luratat wilañcha luqtani, urqu ovejsti taqpach nakt'ayasaw luqtarakini.

Levítico 16:6

Jupan kipka juchapat uka urqu vaca wilañchat luqtani, ukhamat jupan juchapasa, wila masipan juchanakapas pampachatäñapataki.

Levítico 4:14

kunapachatix uka jucha luratax yatisxani ukapachaw juchapat taqini mä urqu vaca wilañcha luqtapxani. Tatitump Jikisiñ Carpa nayraqataruw apapxani,

Levítico 4:23

Kunapachatix uka jucha luratapa amuyasxani ukapachasti mä jan kuna kamacht'at chivo waxt'a luqtañatak apxarakini.

Levítico 4:28

kunapachatix jucha luratap amuyasxani ukapachasti, mä jan kamacht'at cabra waxt'a luqtañatak apxani.

Levítico 4:5

Ukatsti jupa kipkaw vaca qallun mä juk'a wilap katusin Tatitump Jikisiñ Carpar apani,

Levítico 5:6

ukatsti jucha luratapat mä qachu oveja Tatitur wilañcha luqtani, jan ukax mä qachu cabräpasa, uka wilañcha luqtäwimpiw sacerdotex uka jaqin juchapat pampachatäñ jikxatani.

Levítico 6:18

18 (11) Akat qhiparusti, Aaronan sacerdote yuqanakapax kunatix Tatitur luqtasin nakt'ayatäki uka waxt'anakat manq'apxarakini. Uka waxt'ampi jikthaptir yänakasti, qullanaptayatäniwa”.

Levítico 8:12

Ukxarusti Moisesax Aaronan p'iqipxaruw uka aceitempix warxatäna, ukhamat sacerdotet Tatitur luqtxañataki.

Levítico 9:2

Aaronarusti sarakïnwa: “Jichhax mä urqu vaca qallu irpxarum, ukhamarak mä urqu ovejampi, ukanakax jan kuna kamacht'at uywanakäñapawa, ukanaksti nakt'at wilañcha Tatitur luqtarakim.

Levítico 9:3

Israelitanakarusti sarakim, jupanakax mä chivo churapxpan jucha luräwit wilañcha luqtañataki, nakt'ayat waxt'a luqtañatakisti, marani mä urqu vacampi, marani mä ovejampi apanipxpan, uka uywanakasti jan kuna kamacht'atäñapawa,

Números 16:22

Moisesampi, Aaronampisti ajanup uraqir puriñkamaw alt'apxäna, Tatiturux sapxarakïnwa: —Tatit Diosay, jumaw taqi jaqinakarus jakañ churtaxa, ¿mä sapa jaqin juchap laykukiti taqpach markatak q'apisïtasti? —sasa.

Números 8:8

Ukatsti mä vaca qallu katusin apapxpan, aceitemp chaputa suma jak'u waxt'ampi. Jumasti, yaqha vaca qallu katurakïta, jucha luratat pampachäwi jikxatañ wilañcha luqtañataki.

Romanos 8:3

Diosax kuntix Moisesan kamachipax jan lurkän uk phuqhawayi, jaqin janchi kankañanïtap laykuw ukax jan luraskänti: Diosasti jupan mä sapa Wawap khithani, juchan jaqjam janchi kankañani, jucha layku jiwiri, ukhamat janchi kankañanïkasin juchar t'unjañataki.

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

Hebreos 5:3

uka t'ukhasiñap laykuw juchanakapat wilañchanak luqtañapax wakisi, kamisatix jaqinakan juchanakapat luqtki ukhama.

Hebreos 9:12

Cristox uka qullan chiqaruw manti, janiw cabritonakana, vaca qallunakan wilap luqtir mantkiti, jan ukasti, jupan pachpa wilap luqtiriw manti; mä kutikiw wiñayatak manti, ukatsti jiwasatakix wiñay qhispiyasiñ jikxati.