Levítico 26:16 - Qullan Arunaka DC

¹⁶ nayax jumanakampix akanak lurarakï: axsarañanaka, jiwayir usunaka, junt'u usunaka, nayra usunaka, janchin aynacht'añanaka, taqi uka usunak apayanï; inamayaw yapuchasipkäta, uka yapuchasitanakamsti uñisirinakamaw manq'antapxani.

Aymar Bibliia 1986

¹⁶ ucapachasti nayajj jumanacampejj acanacwa luraraquëjja: Jumanacjjarojj ajjsarañanacwa apayanëjja, wali ajjsarcañ usunaca, nayra usunaca, uqhamarac janchiman aynacht'añanaca; inamayaw yapuchasipcäta, uca yapuchasitanacamsti uñisirinacamaw mank'antapjjani.

Qullan Arunaca

¹⁶ ucapachasti nayajj jumanacampejj acanacwa luraraquëjja: Jumanacjjarojj ajjsarañanacwa apayanëjja, wali ajjsarcañ usunaca, nayra usunaca, uqhamarac janchiman aynacht'añanaca; inamayaw yapuchasipcäta, uca yapuchasitanacamsti uñisirinacamaw mank'antapjjani.

Levítico 26:16 Jak'a apnaqawi uñst'ayäwi

1 Reyes 8:37

“Kunapachatix aka uraqin mach'anakasa, usunakas utjani, ayrunakas lupimpi wañsxani, sirk'is sirk'intxani, t'iju t'ijunakas mirantxani; uñisirinakaxas markanakaxar muyuntasin katuntapkani, jan ukax kuna jan walt'añanakasa, usunakas jutkani ukapachasti,

Job 18:11

Taqi tuqit axsarayataw uñjasi; sapa sartäwipan arknaqat amuyasi.

Job 20:25

Antutt'at mich'iw janchip maysat maysa chhuqsuni, ukan k'achipasti k'iwchap chiqaw misturakini. Axsarañampi phuqhantataw uñjasini;

Job 31:8

ukapachasti, yaqhanak yapuxat manq'pan, ayrusitanakaxsa saphitpach jik'inukupxpan.

Salmos 109:6

Ñanqha lurir jaqiruy taripiripatak ucham, pachpa arxatiripax juchañchpan;

Salmos 73:19

¡Akatjamat t'unjatax uñjasipxani! ¡Axsarañampi tukjataw tukusipxani!

Salmos 78:33

Ukat Diosax jupanakar jiwarayäna, mä samsukïkaspas ukhama, wali t'aqhisiñ taypin tukusiyäna.

Éxodo 15:26

Sarakïnwa: “Jumanakatix naya, Tatit Diosaman arunakapar sum ist'apxäta, munañaxsa lurapxäta, ukatsti kamachi arunakaxarusa, kamachinakaxarus phuqhapxarakïta ukapachaxa, janiw kawkïr mutuyäwinaktix egipcionakar apaykta ukanak apayanipkämati. Nayätwa jumanakar k'umarachir Tatitumaxa” sasa.

Proverbios 3:33

Tatitux ñanqha lurir jaqin utaparux ñanqhachiwa, aski jaqin utaparusti askimpiw phuqt'i.

Isaías 10:4

Jumanakax jisk'achjatäpxätawa, katuntat apatäpxätawa, jiwayatäpxarakïtawa. Tatitun phiñasiñapasti janiw apaqtkaniti, jichhas jupax mayamp ukham lurañ amtaskakiwa.

Isaías 62:8

Tatitusti ch'amani kupi amparap aytasaw juramento luri: “Janipuniw mayampsa uñisirinakamampix juman trigom manq'aykäti, kuna ch'amamampitix jikxataskta uka vinomsa janirakiw jaya markat jutir jaqinakampix umaykäti;

Isaías 7:2

Ukapachaw Ahaz reyiru, utapankirinakaparux aka yatiyäwi yatiyapxäna: “Siria jaqinakax alayankkis uka israelitanakampiw mayacht'asxi” sasa. Uk ist'asasti, reyisa, taqi jaqinakasa, axsarañat wal khathatipxäna, kunjämatix quqanakan laphinakapax thayan thayt'anitax wal khathatkix ukhama.

Jeremías 12:13

Trigo yapuchasipxäna, ukatsti ch'aphinakak apthapxapxi, yapu luratanakapasti inamayakiwa. Nayan phiñasiñaxan nakhatap laykux yapunakan achunakapax q'ala aynacht'atawa.”

Jeremías 15:3

“Naya, Tatituw uk arsta: Jichhax pusi mutuyäwinak apayanipxäma: Nuwasïwin jiwarapxäta, anunakaw qatatnaqapxätam, siwiq'aranakaw manq'apxätam, ch'uminkir animalanakaw manq'apxarakïtam.

Jeremías 15:8

Jupanak taypinsti ijma warminakxa, quta ch'allanakat sipansa juk'ampi waljan jaytarakta. Chika urpachaw jiwañ puriyanirakta, wayna yuqanakani warminakxarusa, akatjamat llakisiñampi axsarañampi puriyanirakta.

Jeremías 20:4

Tatitux siwa: ‘Jumarux mä axsarkañaruw juma pachpataki, taqi masinakamataki tukuyäma. Juman uñjkataw masinakamax uñisirinakan espadanakapampi jiwarayat uñjasipxani. Taqi Judá uraqin utjirinakarusti Babiloniankir reyin amparaparuw katuyarakï, juparakiw katuntat apani Babilonia uraqkama, jan ukax cuchillompi thiyat jiwarayarakchini.

Jeremías 5:17

Jumanakax alkatasipkta uka jach'a pirqan markanaksa, q'al t'unjapxani. Yapunakamsa, manq'anakamsa, q'al manq'antapxani, imilla, yuqall wawanakamarusa, q'al jiwarayapxani, ovejanakamsa, vacanakamsa, q'al manq'antapxani, uva yapunakamsa, higo yapunakamsa, q'al tukjapxarakini.”

Ezequiel 24:23

Janiw q'ara p'iqisa, q'ara kayusa sarnaqapkätati. Janiw jachapkätati, janirakiw t'aqhisipkätasa. Ñanqha juchanak lurapxatam laykusti jan ch'amaniw uñjasipxäta, ukatsti jumanakkamaw jachapxarakïta.

Ezequiel 33:10

“Jumasti Ezequiel, Israel markarux sarakim: ‘Jumanakax sapxtawa: Juchanakampi jan wali lurañanakampi phuqhantatätanwa. Ukatpï jichhax jakkirpach ñusantasktanxa. ¿Kunjämarak jiwasasti jaksnasti? sasa.

Amós 5:11

Janiw qalat lurasipkta uka suma utanakan jakapkätati, janirakiw uka suma uva yapunak yapuchasipkta ukatsa vino umapkätati, wajchanakar jisk'achapxatamata, trigotsa impuestonak apsupxatamata.

Miqueas 6:15

Yapuchaskätawa, ukampis janiw apthapkätati; aceitunanaksa ch'irwsuskätawa, ukampis janiw aceite apskätati; uvanaksa taksuskätawa, ukampis janirakiw vinop umkätati.

Hageo 1:6

Jumanakax wal yapucht'apxtaxa, ukampis juk'ak apthapipxtaxa; manq'apxtawa, ukampis janiw sist'asipktati; umapxtawa, ukampis umat pharjatakïsipktawa; isthapisipxtawa, ukampis janirakiw junt'thapipktati; irnaqatat qullqi katuqapkta ukampix janiw kunsa jikxatapktati.

Zacarías 14:12

Ukampis Jerusalenampi nuwasiri markanakarux, Tatitux walpun mutuyani: jaqinakapan janchipas jakkirpacharuw ñusantani, nayranakapasa, laxranakapas pachparuw wañsurakini.

Malaquías 2:3

“Taqi ch'amanïñamsa nayax apaqapxämawa, ukatsti kawkïr uywanaktix luqtañatak apanipkäta uka uywanakan wanupampiw ajanut qhallkatapxäma, uka wanump chikarakiw pichanukut uñjasipxäta.

Deuteronomio 28:51

Jupanakasti uywanakaman qallunakapa, uraqinakaman achunakap manq'antapxani, jan kunan jumar tukuyañkama; janiw jumatakix trigomsa, aceitemsa, vinomsa jilt'aykaniti, vacamana, ovejaman qallunakapsa janirakiw jilt'aykaniti; jumasti manq'atjamaw jiwäta.

Deuteronomio 32:25

Thakhinakan wawanakapax espadampkam jiwarayataw uñjasini, uta manqhanakansa axsarañakiw utjani; yuqall wawasa, imill wawas jiwaraniwa, awkinakasa, ñuñuskir wawanakas jiwararakiniwa.

Hebreos 10:31

¡Jakkir Diosan amparapar jalt'añax axsarkayapuniwa!

Jueces 6:11

Ukatsti Tatitun angelapaw jutäna, Ofrá chiqankir encina quqa thiyaruw qunt'asïna, uka quqasti Joás chachankänwa, jupasti Abiézer chachat saraqirïnwa. Joás chachan Gedeón yuqapasti, madianitanakampi jan uñjayasiñatakiw jamas chiqan trigo thalaskäna, kawkhantix vino lurañatak uva takipxirïkän ukawjana.

1 Samuel 2:33

Ukampisa wila masinakamat mä qawqhanix nayan altarax jak'ankaniwa, ukhamat nayranakapas munapaykäwi tukusiñapataki, ajayupas t'aqhisiñat tukusiñapataki, ukatsti mayni wawanakamas jiwarayatarakïniwa.