Levítico 26:17 - Qullan Arunaka DC

¹⁷ Nayasti jumanakar jan walt'ayañatakiw sayt'ä, uñisirinakamas atipjapxätamwa; khitinakatix jumanakar wal uñisipktam ukanakampi t'unjataw uñjasipxäta, jan khitin arktataw jaltxapxarakïta.

Aymar Bibliia 1986

¹⁷ Nayasti jumanac contraw sayt'araquëjja, uñisirinacamas jumanacarojj atipjapjjaraquïtamwa; qhitinacatejj jumanacarojj wal uñisipctam ucanacampi t'unjataw uñjasipjjäta, jan qhitin arctataw chhuctjjapjjaraquïta.

Qullan Arunaca

¹⁷ Nayasti jumanac contraw sayt'araquëjja, uñisirinacamas jumanacarojj atipjapjjaraquïtamwa; qhitinacatejj jumanacarojj wal uñisipctam ucanacampi t'unjataw uñjasipjjäta, jan qhitin arctataw chhuctjjapjjaraquïta.

Levítico 26:17 Jak'a apnaqawi uñst'ayäwi

Génesis 4:12

Wal yapuchkäta ukasa, janiw achunakax achurapkätamti. Aka uraqi muyusarakiw jan samart'añ jikxatas sarnaqäta.

1 Reyes 8:33

“Kunapachatix uñisirinakax Israel markamar atipjkani, juma nayraqatan juchachasitap layku, ukatsti markamatix jumar wasitat makhatxasin sutimaru yupaycharakini, ukat aka utan mayisirakïtam ukkhaxa,

2 Reyes 13:3

Uka luratap laykuw Tatitux Israel markatak q'apisïna, ukatsti walja maranakaw Siria markan Hazael reyipan amparaparu katuyäna, ukhamarak Ben-adad sat yuqapan amparaparusa.

2 Reyes 13:7

Joacaz reyin ejercitopax janiw waljanïkxänti, jan ukasti phisqa tunka caballería soldadonakampi, tunka nuwasiñ carronakampi, tunka waranqa kayuk sarantir soldadompikiw utjxäna, Siria markankir Hazael reyiw q'alpun jupanakar tukjatayna uka layku.

Salmos 44:10

10 (11) Timasirinakaxan jak'apat jaltayapxista, uñisirinakaxasti yänakax aparapxitu; munataparjamaw taqi kun apasipxi.

Salmos 53:5

5 (6) Janis kunat khathatiñas utjkpan, jupanakax axsarañat wal khathatipxani, uñisirin ch'akhanakap Diosan willitatatap layku. Jupanakasti mä p'inqaw uñjasipxani, jupanakar Diosan jan katuqatap layku.

Salmos 53:6

6 (7) ¡Israel markan qhispiyasiñapax Jerusalén markat jutakispa! Diosax markapar wasitat kusisiykan ukapachaxa, Jacobun wawanakapax kusisiniwa, taqpach Israel markax k'uchirt'asiniwa.

Proverbios 28:1

Ñanqha lurir jaqix jan khitin arknaqkataw jaltxi, aski jaqisti leonar uñtataw jan kunar axsaras jaki.

Isaías 30:17

Mä sapa jaqin axsarayatakiw waranqanakax jaltxapxani; ¡taqi jumanakasti phisqanin axsarayatakiw jaltxapxäta! Taqi ukanak ukham lurasitapatxa, jumanakat juk'anikiw ukan qhiparxapxäta, kunjämatix mä lawax qullu patan jikxataski ukhama, jan ukax qullu patan mä chimpükaspas ukhama.

Isaías 63:10

Ukampis israelitanakax Tatitutakiw sayt'asipxi, q'uma kankañaparuw ñanqhachapxi; ukat jupanakatakix mä uñisirir tuku, nuwantañatakiw amtaraki.

Jeremías 19:7

Aka chiqan Judá uraqimpina, Jerusalén markampin amtatanakapsa t'unjä. Uñisirinakapampi atipjayasaw jiwarayä, jiwat janchinakapasti siwiq'aranakana, monte animalanakan manq'apäniwa.

Jeremías 44:11

“ ‘Ukatpï naya, Israelan taqi ch'amani Tatitupax sapxsmaxa: Jumanakxarux ñanqha apaniñ amtta, Judá uraqirusti taqpach t'unjañ amtarakta.

Lamentaciones 1:5

Uñisirinakapaw jupar apnaqapxi, awqanakapax qamirkiptapxiwa. Sinti jach'a juchanak luratapat Tatitux ukham t'aqhisiyi. Wawanakapasti jaya markar apatawa, uñisirinakapaw katuntat apapxi.

Lamentaciones 2:4

Tatitux mä uñisirïkaspas ukhamaw mich'ip antutt'añatak wakicht'asi; awqäkaspas ukhamarakiw taqi kunatix sumäki ukanak t'unjawayi; phiñasiñapxa mä ninjamaw ukkha suma Jerusalén markxar jaqxatani.

Ezequiel 15:7

Nayasti jupanakan uñisiriparuw tukurakï. Mä ninatsa jaltasipkaniwa, ukampis yaqha ninaw jupanakarux nakhantani. Jupanakar saykatkä ukkhawa, jumanakax nayan Tatitütax yatipxäta.

Levítico 17:10

“Mä israelitatix, jan ukax yaqha markat jutasin jumanak taypin jakir jaqisa wilanpach aycha manq'kani ukkhax, nayax jupatakiw sayt'äxa, markapatsa jaqunukurakïwa.

Deuteronomio 28:25

uñisirinakamamp jumar tukjayañkama. Jumax jupanakamp nuwasirix siqikiw sarantaskäta, ukampis janiw kunjäm jaltxatamsa amtaskätati, taqpach uraqin jakir jaqinakatakix axsarañjamäyätawa.

Josué 7:4

Ukatsti niya kimsa waranqa jaqinakaw Ai markar nuwantañataki makhatapxäna. Ukampisa Ai markankir jaqinakax israelitanakarux jaltayañkamaw atipjäna;

Jueces 2:14

ukat Tatitux Israel markataki q'apisïna, lunthatanakampiw jupanakan utjir yänakap aparayäna, ukatsti uka thiyanakan jakir uñisirinakapampiw tukjayarakïna, janiw jupanakax saykatañatak ch'amanïpkänti.

Jueces 3:14

Ukatsti israelitanakax Moab markan Eglón reyiparux tunka kimsaqallqun maraw luqtapxäna,

Jueces 3:8

Ukat Tatitux jupanakatak q'apisïna, ukatsti Cusán-risataim sat Mesopotamia markankir reyin amparaparuw katuyäna. Israelitanakax Cusán-risataim reyirux kimsaqallq maraw luqtapxañapäna,

Jueces 6:2

Madianita jaqinakax wali ch'amampiw israelitanakar t'aqhisiyäna, israelitanakasti axsarañat qullunakaru, putunakaruw imantasiñanak lurasipxäna, jan uñjkay chiqanakaru, ukhamat jan jikxatayasiñataki.

1 Samuel 12:15

Ukampisa janitix kamachi arunakapar jaysapkät ukaxa, Tatitux jumanakarusa reyimarusa mutuyapxätamwa.

1 Samuel 31:1

Ukatsti filisteonakax israelitanakaruw tukjapxäna. Israelitanakasti jupanakan nayraqatapat jaltxapxäna, Guilboa qullunsti jiwaratanakax waljanipunïnwa.

1 Samuel 4:10

Filisteonakasti israelitanakarux nuwantasin atipt'apxäna, jupanakasti campamentoparuw jaltxapxarakïna. Jiwaratanakax walt'atapunïnwa, kimsa tunk waranq israelit soldadonakaw jiwaräna, ukat jilt'irinakasti utanakaparuw jaltxapxäna.