Levítico 26:15 - Qullan Arunaka DC

¹⁵ jan ukasti, nayan kamachinakaxsa, arsutanakaxsa jisk'achapxarakïta, ukhamat nayan jumanakampi arust'asitaxsa jan phuqhapkätati ukapachasti,

Aymar Bibliia 1986

¹⁵ jan ucasti nayan leyinacajjsa, uqhamarac arsutanacajjsa jisc'achapjjaraquïta, janiraqui cawquïri camachi arunacajjsa phokhapcätati, uqhamat nayan jumanacampi arust'asitajjsa jan phokhapcaraquïtati,

Qullan Arunaca

¹⁵ jan ucasti nayan leyinacajjsa, uqhamarac arsutanacajjsa jisc'achapjjaraquïta, janiraqui cawquïri camachi arunacajjsa phokhapcätati, uqhamat nayan jumanacampi arust'asitajjsa jan phokhapcaraquïtati,

Levítico 26:15 Jak'a apnaqawi uñst'ayäwi

Génesis 17:14

Ukampisa khititix circuncisión jan katuqkani ukax jumanak taypit apsutäxañapawa, nayan arust'äwixaru jan phuqhatap layku.

2 Reyes 17:15

kamachinakaparusa, nayra awkinakapamp lurkatayna uka arust'äwirus jisk'achapxänwa. Ukhamarus jan yäqkañ yaqha diosanakan qhipap arkapxäna, ukham lurasaw jupanakax mä jan yäqkañ markar tukupxäna, jupanak jak'ankir markanakan luräwinakap yatiqasipxäna, kuntix Tatitux ukanak jan lurapxañapatak siskchïna ukasa.

2 Crónicas 36:16

Ukampis jupanakax Diosan khithanakapat larusipxänwa, yatiyäwinakapar janiw yäqapkänti, profetanakapatsa phiskasipxarakïnwa, Tatitun q'apisiñapasti markapatak ninjamaw aqtäna, ukat jupax mutuyañ amtäna.

Salmos 50:17

nayampi jan chiqachayasiñ munkasasa, arunakaxarus jan jayskasasa?

Éxodo 19:5

Ukhamasti, jumanakatix nayan arunakax sum ist'asin jaysapxitäta, arust'äwi lurataxsa phuqhapxarakïta ukaxa, jumanakax taqi markanak taypin nayan munat markaxäpxätawa, taqi uraqix nayankiwa.

Éxodo 24:7

Ukatsti arust'äwi qillqat aptasinxa israelitanakatakiw ullart'arapïna, jupanakasti sapxänwa: —Tatitun arsutaparjamaw phuqhapxä, jaysapxarakï —sasa.

Proverbios 1:30

Jumanakax janiw suma iwxa arunakax katuqañ munapktati; chiqachäwi arunakaxarus jisk'achapxtawa.

Proverbios 1:7

Yatiñ kankañan qalltapax Tatitur axsartañawa; pisi amuyt'an jaqinakasti yatiñarusa, yatichäwirus jisk'achapxiwa.

Proverbios 5:12

Ukkhakiw jumax säta: “¡Janik yatichäwi arunakar jisk'achkpachänti! ¡Janik chiqachäwi arunakarus apanukkpachänti!

Isaías 24:5

Uraqisti jaqinakapan takisitawa, kamachinak jan phuqhatap layku, arsutanakaparus janiw jaysapkiti, Tatitun wiñayatak arust'äwipsa p'akintapxarakiwa.

Jeremías 11:10

Kuna juchanaktix nayra awkinakapax lurkäna uka pachpa jucha lurañanakaruw kuttapxi, uka awkinakapasti janiw nayarux ist'añ munapkitänti, ukatsti yaqha diosanakaruw arkxapxäna yupaychapxarakïna. Israel markasa, Judá markasa kuna arust'äwtix nayax nayra awkinakapampi lurkäyät ukanak t'unjapxi.

Jeremías 31:32

Aka arust'äwisti janiw kunjämtix nayra awkinakapampi lurkayäta ukhamäkaniti, kunapachatix jupanakarux Egipto markat amparat wayxarusin irpsunkta ukhama; jupanakasti uka arust'äwixarux janiw phuqhapkiti, nayax jupanakan uywiripäkchiyäta ukasa. Naya, Tatituw uk arsta.

Jeremías 6:19

Aka uraqpachan ist'apxam: Aka markarusti mä jach'a jan walt'añ apayanï, jan wali lurañanakak amtasipkatapata; janiw arunakaxar ist'apkiti, kamachinakaxarus jisk'achapxarakiwa.

Ezequiel 16:59

“ ‘Naya, Tatitusti saraktwa: Jumarux mutuyapunïmawa, juramento luratamar jisk'achatamata, arust'äwir jan phuqhatamata.

Levítico 26:11

“Nayaw jumanak taypin jakä, janirakiw jumanakarux apanukupkämati;

Levítico 26:43

kawkïr uraqtix jumanakax jaytaniwayapkäta ukkañkamasti uka uraqix samart'aniwa; ukampis jumanakax juchanakamat t'aqhisipxäta, nayan arsutanakaxampi, kamachinakaxampi jisk'achapxatam layku.

Levítico 26:9

Jumanakarusti sum uñjapxäma, waljaniruw tukuyapxarakïma; jumanakampi arust'äwi lurataxsti phuqhapunïwa.

Malaquías 2:2

Jumanakasti nayarux jaysañanakamawa, sutixsa taqi chuymampiw jach'añchapxañama. Janitix ukham lurapkäta ukaxa nayax ñanqhachapxämawa. Taqi chuymampi jan jach'añchapxatamatxa, jumanakatak aski waxt'äwinakaxsa, ñanqhachañaruw tukuyä, sacerdote kankañ katuqapkta ukanaksa apaqapxämawa” siwa, taqi ch'aman Tatituxa.

Números 15:31

nayan arunakax jisk'achatap layku, arsutanakax jan phuqhatap layku; uka jaqix jaqunukutaw uñjasini, juchap uñt'asirakini.”

Hechos 13:41

‘Uñtapxam, jisk'achirinaka, muspharapxam, chhaqtapxarakim; jan amuyt'añ luräwinak urunakaman lurä, jumanakasti janiw ukanakax: “Chiqaw” sapkätati, jumanakar ukanak yatiykipansa.’ ”

Romanos 8:7

Janchin munañaparjam luririnakax Diosan uñisirinakapawa, jupanakax janiw Diosan kamachipar munapkiti, janirakiw arunakaparus jaysapkaspati.

Deuteronomio 31:16

Ukat Tatitux Moisesar säna: “Niyaw jumax jiwxäta, ukapachasti aka markax aka uraqin utjir jaqinakan k'ari diosanakaparuw yupaychani; ukapachasti apanukxitaniwa, jupampi lurat suma arust'äwirux p'akintarakiniwa.

1 Tesalonicenses 4:8

Ukhamasti khititix aka yatichäwir jisk'achki ukax janiw khiti jaqirus jisk'achkiti, jan ukasti Diosaruw jisk'achaski, khititix Qullan Ajayup churkistu ukaru.

Hebreos 8:9

Aka arust'äwisti janiw kunjämatix nayra awkinakapampi lurkäyät ukhamäkaniti, kunapachatix jupanakarux Egipto markat irpsunkta ukhama; jupanakan uka arust'äwir jan phuqhapxatap laykux nayax jaytanuktwa, siw Tatituxa.

1 Samuel 12:15

Ukampisa janitix kamachi arunakapar jaysapkät ukaxa, Tatitux jumanakarusa reyimarusa mutuyapxätamwa.