Levítico 26:1 - Qullan Arunaka DC

¹ “Janipun yaqha diosanak lurasipxamti; janirak ukanakarus yupaychapxamti. Nayätwa jumanakan Tatit Diosamaxa.

Aymar Bibliia 1986

¹ “Janipuni cuna casta yakha diosanacsa ni lluch'itanacsa lurasipjjamti; janiraqui jumanacan marcamanjja sirviña kalanacsa sayt'ayasipjjamti, ni cuna casta kellkani kalanacsa; janiraqui ucanac nayrakatarojj quillt'asipjjamti. Nayätwa jumanacan Tatitu Diosamajja.

Qullan Arunaca

¹ “Janipuni cuna casta yakha diosanacsa ni lluch'itanacsa lurasipjjamti; janiraqui jumanacan marcamanjja sirviña kalanacsa sayt'ayasipjjamti, ni cuna casta kellkani kalanacsa; janiraqui ucanac nayrakatarojj quillt'asipjjamti. Nayätwa jumanacan Tatitu Diosamajja.

Levítico 26:1 Jak'a apnaqawi uñst'ayäwi

2 Reyes 17:10

Ukatsti qullu patanakana, walja laphini quqanak k'uchun Astarté diosan uñtasitanakapa, axsarata qalanaka sayt'ayapxäna,

2 Reyes 17:16

Tatit Diosapan kamachi arunakap apanukusasti, broncet pä vaca qallu lursusipxäna, ukhamarus Astarté diosar uñtatanak lurapxäna, ukatsti Baal diosaru, intiru, phaxsiru, warawaranakaruw yupaychapxäna.

2 Reyes 17:8

ukatsti kawkïr markanakarutix Tatitux jupanakan nayraqatapat jaqunukkatayna ukanakan luräwinakap arkapxäna, ukhamaraki kuna saranaktix Israel reyinakax utt'ayapkatayna uka saranak arkapxäna.

Salmos 78:58

Jucha lurañ altaranakapampiw Diosarux q'apisiyapxäna, akapach diosanakar yupaychatapampiw Diosan chuymap mayjt'ayapxäna.

Salmos 97:7

Akapach diosanakar yupaychirinakax jisk'achjatäpxiwa, uka diosanakat jach'achasirinakas aynacht'apxiwa. ¡Taqpach diosanakaw nayraqatapan qunqurt'asipxi!

Éxodo 20:2

“Nayaw juman Tatit Diosamätxa, nayaw Egipto uraqit irpsunsma, t'aqhisiyat jikxataskäyät uka markata.

Éxodo 20:23

Jumanakax janiw yaqha diosanak lurasipxätati, quritsa, qullqitsa, jupanakar nayarjam yupaychañamataki.

Éxodo 23:24

Janiw uka markanakan jan wali luratanakap jumax lurarakïtati. Janiw diosanakap nayraqatan killt'asïtati, janirakiw yupaychätasa; jan ukasti, uka diosanakapsa, qullan qalanakapsa q'alpun tukjäta.

Éxodo 34:17

“Janipuniw jumanakax metal umatatayasin diosanak lurasipxätati.

Isaías 2:20

Uka urunsti jaqinakax diosanakapxa, apanukxapxaniwa, qurita, qullqit jupa pachpan lurasit diosanakxa, yupaychañatak lurasipkäna uka diosanakapxa, achakunakaru, chiñinakaruw churxapxani,

Levítico 19:4

“Janipun yaqha diosanakarux yupaychapxamti, janirak kuna kasta metalanak umatatayasas diosanak lurasipxamti. Nayätwa jumanakan Tatit Diosamaxa.

Levítico 25:55

israelitanakasti nayan luqtirinakaxawa; nayaw jupanakarux Egipto markat irpsunta. Nayätwa jupanakan Tatit Diosapaxa.

Levítico 7:33

Uka kupi charasti kawkïri sacerdotetix lik'sa, wilsa sumankthapiñatak wilañchanak luqtki ukatakïxaniwa,

Números 33:52

uka uraqin jakir jaqinakaruw alisnukupxäta, qalampita, metalampit lurat diosanakapar taqpach t'unjapxäta, ukatsti diosanakapar qullu patanakan yupaychapki ukawjanak t'unjapxarakïta.

Hechos 17:29

Ukhamasti, Diosan wawanakapäkasinxa, janipï amuyañasäkitix Diosax jaqinakan amuyuparjam qurita, qullqita, qalata luratäkaspas ukhama.

Deuteronomio 27:15

“ ‘Ñanqhachatäpan metal umatatayasin yaqha diosanak lurir jaqixa, ukatsti jan uñjkañ chiqar imantarakini ukaxa; uka lurañasti Diosatakix axtaskayawa.’ Uka arsutarusti taqpach markaw sani: ‘Ukhamäpan’ sasa.

Deuteronomio 5:6

“ ‘Nayätwa juman Tatit Diosamaxa, nayarakiw Egipto markat irpsunsma, kawkhantix t'aqhisiyat jaqïkäyat uka markata.

Apocalipsis 22:15

Ukat sipana, anqaruw qhiparapxani jan wali sarnaqirinaka, layqasirinaka, wachuqa juchan sarnaqirinaka, jaqi jiwayirinaka, idolonakar yupaychirinaka, taqi sallqjirinaka, jan wali luras sarnaqirinakasa.

Jueces 18:30

Danita jaqinakax uka chiqaruw Micaías chachan lurata idolopa uchapxäna, ukaru yupaychañataki, sacerdotepasti Jonatán chachänwa, jupasti Guersón chachan yuqapänwa, Moisesan allchhiparakïnwa. Uka qhipatsti danita jaqinakan sacerdotenakapax Jonatanan wawanakapänwa, jayaru apanukuta uñjasipkän uka urunakkama.