Levítico 26:1 - Qullan Arunaca

¹ “Janipuni cuna casta yakha diosanacsa ni lluch'itanacsa lurasipjjamti; janiraqui jumanacan marcamanjja sirviña kalanacsa sayt'ayasipjjamti, ni cuna casta kellkani kalanacsa; janiraqui ucanac nayrakatarojj quillt'asipjjamti. Nayätwa jumanacan Tatitu Diosamajja.

Aymar Bibliia 1986

¹ “Janipuni cuna casta yakha diosanacsa ni lluch'itanacsa lurasipjjamti; janiraqui jumanacan marcamanjja sirviña kalanacsa sayt'ayasipjjamti, ni cuna casta kellkani kalanacsa; janiraqui ucanac nayrakatarojj quillt'asipjjamti. Nayätwa jumanacan Tatitu Diosamajja.

Qullan Arunaka DC

¹ “Janipun yaqha diosanak lurasipxamti; janirak ukanakarus yupaychapxamti. Nayätwa jumanakan Tatit Diosamaxa.

Levítico 26:1 Jak'a apnaqawi uñst'ayäwi

2 Reyes 17:10

Uqhamaraquiw sayt'ayapjjaraquïna ajjsarata kalanaca, Asera sat diosan lantinacapa take alto cheka kollunacana, uqhamarac walja laphini kokanacan cayunacaparuraqui.

2 Reyes 17:16

Tatit Diosapan camachi arunacapa apanucusasti, bronceta pä vaca kallu lurasipjjäna, mayasti Asera sat diosan lantipänwa, ucarusti yupaychapjjaraquïnwa, uqhamarac alajjpacha take warawaranacarusa, Baal diosarus yupaychapjjaraquïnwa.

2 Reyes 17:8

Uqhamaraquiw lurapjjaraquïna cawquïr marcanacarutejj Tatitojj jakonuccäna jupanacan nayrakatapata ucanacan luräwinacapa, cunjämarutejj Israel reyinacan utt'ayatäcäna uqhamaruraquiw sarnakapjjaraquïna.

Salmos 78:58

jucha lurañ altaranacapampiw Diosarojj k'apisiyapjjäna, acapach diosanacar yupaychatapampiw Diosan chuymap mayjt'ayapjjäna.

Salmos 97:7

acapach diosanacar yupaychirinacajj ajjsarthapipjjewa, yakha diosanacat jach'achasirinacas aynacht'apjjewa. Takpach diosanacaw nayrakatapan konkort'asipjje.

Éxodo 20:2

“Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Éxodo 20:23

Jumanacajj janiw yakha diosanaca lurasipjjätati koritsa ni kollketsa nayarjama yupaychapjjañamataquejja.

Éxodo 23:24

Ucampis uca marcanacajj cuna jan walinactejj lurqui ucanacjja janiraquiw luraraquïtati. Jumasti diosanacaparojj janiw quillt'asisa yupaychätati, jan ucasti uca diosanacapjja p'aquinokasaw tak tucjäta; uqhamarac jach'a kalanacapsa.

Éxodo 34:17

“Jumanacasti janipuniw cunapachasa metal umatatayasa diosanacjja lurasipjjätati.

Isaías 2:20

Uca urunsti jakenacajj yakha diosanacjja apanucjjapjjaniwa, achacunacaru, uqhamaraqui ch'iñinacaruw churjjapjjani, korit, kollket jupa pachpan lurasit diosanacjja, yupaychañataquiw lurasipjjaraquïna.

Levítico 19:4

“Janipun yakha diosanacarojj sarapjjamti, janiraqui diosanacjja cuna casta hierronacat umatatayasas lurasipjjamti. Nayätwa Tatitu Diosamajja.

Levítico 25:55

Israelitanacasti nayan sirvirinacajjaraquiwa, nayan sirvirinacajjawa; nayaw jupanacarojj Egipto marcat apsuniracta. Nayätwa jupanacan Tatitu Diosapajja.

Levítico 7:33

Uca cupi lanqhu charasti cawquïri sacerdotetejj liq'sa, uqhamaraqui wilsa sumancthapiñataqui loktäwinacatjja loktqui ucataquïniwa.

Números 33:52

takpach uca oraken jaquir jakenacaru alisnucupjjam, uqhamarac t'unjapjjam take kalat lurata, metalat lurata diosanacaru, ucatsti t'unjapjjaraquïtaw take kawkha jisc'a kollunacantejj culto lurañ yatipqui ucanaca.

Hechos 17:29

Uqham Diosan familiapäcasinjja, janipï amuyañasäquitejj jakenacan amuyunacaparjamajja, Diosajj korita, kollketa, kalata luratäcaspas uqhama.

Deuteronomio 27:15

‘Maldicitäpan cawquïritejj yakha diosanaca, cunar uñtat diosanac metälat lurasini, ucatsti jan uñjcañ chekaruraqui imantani ucajja; ucasti Diosarojj ajjtasiyiwa.’ Ucatsti takpach marcaraquiw sani: ‘Uqhamäpan’ sasa.

Deuteronomio 5:6

‘Nayätwa juman Tatitu Diosamajja, nayaraquiw Egipto marcatsa irpsuniracsma, cawqhantejj esclavot sirviscäyät ucana.

Apocalipsis 22:15

Ucampis ankaruw kheparapjjani jan wali sarnakerinacasa laykasirinacasa, wachoka juchan sarnakerinacasa, jake jiwayirinacasa, yakha diosanacar yupaychirinacasa, uqhamarac take sallkjirinacasa.

Jueces 18:30

Danitanacajja uca suma lurata c'ari diosjja mä chekaru uchasinjja ucaruwa yupaychapjjäna, sacerdotsti Jonatán, Gersón sat chachan yokapa, uqhamarac Moisesan allchhipwa, utt'ayapjjaraquïna. Uca khepatsti Jonatanan wawanacapawa danitanacan sacerdotepäjjänjja, jayaru apatäñcama.