Levítico 19:3 - Qullan Arunaka DC

³ “Sapa maynisa awkiparu taykaparu yäqas sarnaqpan. “Nayan sábado urunakaxsa imapxarakim. Nayätwa jumanakan Tatit Diosamaxa.

Aymar Bibliia 1986

³ “Sapa maynisa awquiparu uqhamarac taycaparu ajjsarasa sarnakpan. Nayan samaraña urunacajjarusa imapjjaraquim. Nayätwa jumanacan Tatitu Diosamajja.

Qullan Arunaca

³ “Sapa maynisa awquiparu uqhamarac taycaparu ajjsarasa sarnakpan. Nayan samaraña urunacajjarusa imapjjaraquim. Nayätwa jumanacan Tatitu Diosamajja.

Levítico 19:3 Jak'a apnaqawi uñst'ayäwi

Génesis 48:12

Joseasti wawanak awkipan jarphipat ichuqasin, killt'asisin p'iqip uraqir puriyañkamaw alt'äna.

Nehemías 9:14

Jupanakarux yaticharaktawa sábado uru jumatak imapxañapataki; ukatsti Moisés luqtirim tuqiw kamachi arunaka, chiqpach yatichäwinak jupanakar churaraktaxa.

Éxodo 16:29

Amuyapxam, naya, Tatituw samarañ uru churapxsma; ukat nayax suxtïr urunxa, payürutak manq'añ churapxsma. Ukhamasti paqallqüri urunxa, sapa mayni utapan qhiparpan, jan khitis utapat mistpati —sasa.

Éxodo 20:12

“Awkimaru, taykamar waqaycham, Tatit Diosamax churkätam uka uraqin jaya maranak jakañamataki.

Éxodo 20:8

“Sábado urut amtasïta, uka urun Diosar jach'añchañataki.

Éxodo 21:15

“Khititix awkiparu, taykapar chhuxriñchjkani ukaxa, jiwayatäñapatak juchañchatäniwa.

Éxodo 21:17

“Khititix awkiparu, taykapar jan wali arunakamp tuqkani ukaxa, jiwayatäñapatak juchañchatäniwa.

Proverbios 1:8

Wawaxay, awkiman yatichäwinakap ist'am, janikiy taykaman yatichäwinakap jisk'achamti.

Proverbios 23:22

Jumar jathasir awkimar ist'am; taykamax ch'ama qaritäxani ukkhax jan jisk'achamti.

Proverbios 30:11

Yaqhip jaqinakax awkiparux ñanqhachapxiwa; janirakiw taykaparus waqaychapkiti.

Proverbios 30:17

Awkipar jisk'achir jaqiru, ch'ama qarit taykapar jan jaysir jaqirux, nayranakap allqamarinakan apsupxañapax wakisiwa, siwiq'aranakan jakkirpach manq'antapxañapax wakisiwa.

Isaías 58:13

“Sábado urxa yäqapxapunim; uka qullan uruxansti janipun kuna aljasiñanakansa sarnaqapxamti, uka urusti jumanakatakix kusisiñ urüñapawa, mä qullan urüñaparakiwa. Uka urux Tatitur luqtat urüñapawa. Ukham uka uruxarux yäqapxäta, jan kuna aljasiñanakar uskusisa, jan wali arunak jan parlasa.

Ezequiel 20:12

Ukhamarakiw jupanakarux sábado urunakaxat yatiyta, uka urusti nayampin jupanakampin mä chimpüñapänwa, ukatsti mä amtawïñapänwa, naya Tatitun sábado uru nayatak yaqhachasitaxata.

Levítico 11:44

Nayätwa jumanakan Tatit Diosamaxa. Jumanakasti q'umachasipxañamawa, ukatsti qullanäpxañamarakiwa, nayan qullanätax layku. Janipuniw jumanakax kawkïri laq'unakatix uraqinjam qatatnaqtapki ukanakampix q'añuchayasipxätati.

Levítico 19:25

phisqa mara purinxipan jumanakax uka achunak manq'xapxäta. Ukhamat uka quqax juk'ampi achunakanïni. Nayätwa jumanakan Tatit Diosamaxa.

Levítico 19:30

“Sábado urunak imapxapunim. Nayan utaxatakisti wali axsartañax utjarakpan. Nayätwa Tatituxa.

Levítico 19:31

“Janipun layqanakan ukarusa, yatirinakan ukarus sarapxamti. Jupanakar jiskhisisax jan ñanqhachasipxamti. Nayätwa jumanakan Tatit Diosamaxa.

Levítico 19:34

Jumanakat maynïrïkaspas ukham uñjapxam; jupanakarux jumanakjam jaqïtapat munasipxam. Ukhamarus jumanakax Egiptonxa, jaya markat jutir jaqinakjamäpxayätawa. Nayätwa jumanakan Tatit Diosamaxa.

Levítico 23:3

“Suxta uruw irnaqäwim luräta, ukampis paqallqu urunsti janipuniw kunsa lurätati; uka urux samarañ urüniwa, uka urusti mä qullana tantachasïwi luräta. Kawkhansa jakaskam, uka urux Tatitur yupaychañ urüniwa.

Levítico 26:2

Nayan qullan utaxsti sumpun yäqapxam, sábado urusti samarapxarakim. Nayätwa Tatit Diosaxa.

Malaquías 1:6

Taqi ch'aman Tatitux sacerdotenakar akham siwa: “Wawanakax awkinakapar waqaychapxiwa, uywatanakas uywirinakaparux yäqapxarakiwa. Nayatix jumanakan awkimästa ukasti ¿kunatarak nayar jan waqaychapxistasti? Nayatix jumanakan uywirimästa ukasti, ¿kunatarak nayar jan yäqapxistasti? Jumanakax nayar jisk'achapxistawa, yatkasas sasipkakistawa: ‘¿Kun lurasarak nanakasti jumar jisk'achapxsmasti?’ sasa.

Deuteronomio 27:16

“ ‘Ñanqhachatäpan awkiparu, taykapar jisk'achañ chuymampi uñjir jaqixa.’ Uka arsutarusti taqpach markaw sani: ‘Ukhamäpan’ sasa.

Deuteronomio 5:16

“ ‘Awkimaru, taykamaru waqaycham, Tatit Diosamax iwxawayktam ukhamarjama, Tatit Diosamax churkätam uka uraqina walja maranak jakañamataki.

Hebreos 12:9

Ukhamarus kunapachatix wawanakäkäyätan ukkhax, janchi awkinakasax chiqachistänwa, jiwasanakasti ist'arakïyätanwa. ¿Jichhasti janit ukat juk'ampi jakañ jikxatañatak alaxpach Awkisar ist'añasasti wakiskisti?