Levítico 19:4 - Qullan Arunaka DC

⁴ “Janipun yaqha diosanakarux yupaychapxamti, janirak kuna kasta metalanak umatatayasas diosanak lurasipxamti. Nayätwa jumanakan Tatit Diosamaxa.

Aymar Bibliia 1986

⁴ “Janipun yakha diosanacarojj sarapjjamti, janiraqui diosanacjja cuna casta hierronacat umatatayasas lurasipjjamti. Nayätwa Tatitu Diosamajja.

Qullan Arunaca

⁴ “Janipun yakha diosanacarojj sarapjjamti, janiraqui diosanacjja cuna casta hierronacat umatatayasas lurasipjjamti. Nayätwa Tatitu Diosamajja.

Levítico 19:4 Jak'a apnaqawi uñst'ayäwi

1 Reyes 14:9

ukampis jumax, jumat nayräpki uka reyinakat sipan juk'amp jan walpun sarnaqtaxa; jumax, nayar q'apisiyañatakix, hierro umatatayasin yaqha diosanaka, yaqha uñtasitanak lurastaxa, nayarusti jisk'achistawa.

1 Crónicas 16:26

Yaqha markanakan diosanakapax janiw kunäkisa, ukampis Tatitux alaxpach luririwa.

2 Crónicas 28:2

jan ukasti, Israelankir reyinakan sarnaqäwiparuw arkäna, jupasti metal umatatayasin Baal diosan lantinakap lurayäna,

Salmos 96:5

Yaqha markanakan diosanakapax janiw kunäpkisa, Diosasti alaxpach luririwa.

Éxodo 20:23

Jumanakax janiw yaqha diosanak lurasipxätati, quritsa, qullqitsa, jupanakar nayarjam yupaychañamataki.

Éxodo 32:4

Aaronasti uka quri aretenak katuqasin ninampiw umatatayäna, ukatsti mä vaca qallur uñtat lursüna. Ukat jaqinakax sapxäna: —¡Israel, akaw Egiptot irpsunktam uka diosamaxa! —sasa.

Éxodo 34:17

“Janipuniw jumanakax metal umatatayasin diosanak lurasipxätati.

Levítico 11:44

Nayätwa jumanakan Tatit Diosamaxa. Jumanakasti q'umachasipxañamawa, ukatsti qullanäpxañamarakiwa, nayan qullanätax layku. Janipuniw jumanakax kawkïri laq'unakatix uraqinjam qatatnaqtapki ukanakampix q'añuchayasipxätati.

Levítico 19:25

phisqa mara purinxipan jumanakax uka achunak manq'xapxäta. Ukhamat uka quqax juk'ampi achunakanïni. Nayätwa jumanakan Tatit Diosamaxa.

Levítico 19:5

“Kunapachatix Tatitur sumankthapiñ wilañchanak luqtapkäta ukapachasti, kunjämtix Diosax siski ukhamarjamaw jupan katuqañapatak luqtapxäta.

Levítico 26:1

“Janipun yaqha diosanak lurasipxamti; janirak ukanakarus yupaychapxamti. Nayätwa jumanakan Tatit Diosamaxa.

Hageo 2:18

Jichhüru, llätunkïr phaxsina, pä tunka pusin uru saraqataruw utaxataki nayrïr qala uchantapxtaxa.

1 Corintios 10:14

Munat jilatanaka, yaqha diosanakar yupaychañat jithiqtapxam.

Deuteronomio 27:15

“ ‘Ñanqhachatäpan metal umatatayasin yaqha diosanak lurir jaqixa, ukatsti jan uñjkañ chiqar imantarakini ukaxa; uka lurañasti Diosatakix axtaskayawa.’ Uka arsutarusti taqpach markaw sani: ‘Ukhamäpan’ sasa.

Deuteronomio 4:16

jan jumanakan uka yaqha diosanak lurañ juchar puripxañamataki, kawkïrinakatix chacharu, warmiru uñtat luratäki ukanaka,

Deuteronomio 7:25

Uka markanakar atipjasasti, diosanakapsa ninampiw phichhantapxäta, ukampis janiw uka diosanakapar lip'suyat quripsa qullqipsa katusiñ yant'apxätati; jumanakax jan ukamp yant'ayasipxamti, uk lurasasti Tatit nayraqatan jan wali lurapxasma.

1 Juan 5:21

Wawanaka, k'ari diosanakat amuyasipxam.