Levítico 13:8 - Qullan Arunaka DC

⁸ Ukatsti sacerdotex wasitat uñxatasinxa, uka llixtitix juk'ampi taqpach janchipar aqatatatätap amuyxani ukkhasti, sacerdotex uka jaqirux q'añu jaqit qhanañchxani, uka jaqin lepra usunïtap layku.

Aymar Bibliia 1986

⁸ Ucatsti sacerdotejj wasitata uñjjatasinjja, uca llagan juc'ampi take janchinjama akatatatapatjja, ucapachasti sacerdotejj uca jakerojj jan k'oma jaketwa khanañchjjani, uca jakejj lepra usunïtap laycu.

Qullan Arunaca

⁸ Ucatsti sacerdotejj wasitata uñjjatasinjja, uca llagan juc'ampi take janchinjama akatatatapatjja, ucapachasti sacerdotejj uca jakerojj jan k'oma jaketwa khanañchjjani, uca jakejj lepra usunïtap laycu.

Levítico 13:8 Jak'a apnaqawi uñst'ayäwi

Levítico 13:2

“Kunapachatix khitin janchipansa p'usux uñstani, jan ukax phallanuqatänisa, jan ukax janchipan janq'u janchisa uñstani, jan ukax, lepra usur uñtat kuna llixtinak uñstani ukkhasti, uka jaqix Aarón sacerdoten ukar irpatäñapawa, jan ukax Aaronan yuqanakapat maynïri sacerdoten ukarusa.

Levítico 13:3

Sacerdotew uka jaqin janchipan llixtjtatap sumpach uñxatani, ukatsti llixtinkki uka ñik'utatix janq'ur tukxchi, ukatsti uka llixtis janchi manqhar mantatäxchixa, amuyatarjamasti uka llixtix lepra usütap yatisxani. Sacerdoten uka jaqir ukham sum uñxatasinxa, q'añütap qhanañchxarakini.

Levítico 13:7

“Ukampis uka llixtitix sacerdoten uñxatat qhipatsa, q'uma jaqit uñt'atatsa juk'ampi aqatataskakini ukkhaxa, sacerdoten ukaru wasitat uñjayasir sarañapawa.

Levítico 13:9

“Kunapachatix maynix lepra usumpi llixtjtatäni ukkhaxa, sacerdoten ukar irpatäñapawa.

Números 5:2

“Israelitanakar parlam, jupanak taypit lepra usun jaqinakar jaqunukupxpan, wila apa usuninakaru, jan ukax, amayar llamkt'apxatap layku q'añuchat uñjaski ukanakaru.

Hechos 8:21

Janiw juman katuqañamax wakt'ktamti, chuymamax Dios nayraqatan janiw chiqäkiti.

2 Pedro 2:19

“Qhispita sarnaqasiñ churapxäma” sapxiwa, ukampis jupanakpachaw juchan t'aqhisiyat sarnaqasipki; sapaqat jaqirakiw kuna juchampitix atipjayaski uka juchampi t'aqhisiyat sarnaqaski.